हेटौंडा–काठमाडौं जोड्ने मातातीर्थ सडक चैत २१ सम्म बन्द

मकवानपुर – हेटौंडा र काठमाडौंलाई जोड्ने छोटो दूरीको देउराली–फाखेल–मातातीर्थ सडक आगामी चैत २१ गतेसम्म बन्द रहने भएको छ।

इन्द्रसरोवर गाउँपालिका-५ ले सार्वजनिक गरेको सूचनाका अनुसार, सडक निर्माण तथा स्तरोन्नतिको कार्यलाई तीव्रता दिन फागुन ४ गतेदेखि चैत २१ गतेसम्म उक्त सडकखण्डमा सवारी आवागमन बन्द गरिनेछ।

यस अवधिमा सो मार्ग हुँदै सञ्चालन हुने सवारीसाधनका लागि वैकल्पिक मार्ग प्रयोग गर्न आग्रह गरिएको छ।