खेलकुद

हेटौंडा । बङ्गलादेशको राजधानी ढाकामा आयोजित १०औँ दक्षिण एसियाली कराते च्याम्पियनसिप अन्तर्गत यू–१६, ५३ केजी तौल समूहमा मकवानपुरको बकैया गाउँपालिका–३, हात्तिसुँडेकी खेलाडी सुजता भुलुन ले स्वर्ण पदक जितेकी छन्। बाबु हिरा लाल भुलुन र आमा कान्छी माया न्यासुरकी छोरी भुलुनले उत्कृष्ट प्रदर्शन गर्दै स्वर्ण पदक जित्न सफल भएकी हुन्। उनको यो सफलतासँगै नेपालले अन्तर्राष्ट्रिय प्रतियोगितामा अर्को महत्वपूर्ण उपलब्धि हासिल गरेको छ। सुजता हात्तिसुँडे कराते डोजोकी खेलाडी हुन्। उनलाई प्रशिक्षक भिमबहादुर घलान ले प्रशिक्षण दिएका हुन्। उनको सफलतामा प्रशिक्षक घलानको महत्वपूर्ण भूमिका रहेको बकैया कराते महासंघले जनाएको छ। बकैया कराते महासंघले स्वर्ण पदक विजेता सुजतालाई हार्दिक बधाई ज्ञापन गर्दै आगामी दिनमा…

हेटौँडा । मकवानपुर क्योकुशिन कराते संघ बालकुमारी आइकेओ युनियन हेटौँडाको आयोजनामा जिल्ला स्तरीय फुलकन्ट्याक्ट कराते प्रतियोगिता २०८३ सम्पन्न भएको छ। प्रतियोगितामा जिल्लाभरका ७ वटा डोजोबाट ९० भन्दा बढी खेलाडीहरूले प्रतिस्पर्धा गरेका थिए। क्योकुशिन कराते संघका जिल्ला अध्यक्ष बुद्धिनाथ न्यौपानेको सभाध्यक्षतामा सञ्चालित प्रतियोगिताको उद्घाटन सत्रमा हेटौँडा–१८ का वडाध्यक्ष अनिल बानियाँ प्रमुख अतिथि रहनुभएको थियो। त्यसैगरी, विजयी खेलाडीहरूलाई पुरस्कार वितरण कार्यक्रममा हेटौँडा उपमहानगरपालिकाका उपमेयर राजेश बानियाँ प्रमुख अतिथि हुनुहुन्थ्यो। अग्रज प्रशिक्षक किशोर श्रेष्ठका अनुसार प्रतियोगितामा ३० केजीदेखि ५० केजी तौल समूहसम्मका महिला तथा पुरुष खेलाडीहरूले सहभागिता जनाएका थिए। कार्यक्रममा क्योकुशिन कराते संघका विष्णु श्रेष्ठलगायतका प्रशिक्षक तथा गुरुहरूको उपस्थिति रहेको थियो।

हेटौंडा । स्वास्थ्य सरोकार संस्थाको आयोजना र हिमालयन राईडर्स सोसाइटी मकवानपुरको सहकार्यमा अन्तरविद्यालयस्तरीय साइकल रेस प्रतियोगिता शनिबार सम्पन्न भएको छ । प्रतियोगिताका बिजेता विद्यार्थी राइडरलाई हेटौंडा उपमहानगरप्रवक्ता तथा वडा नं. १ का अध्यक्ष सबिन न्यौपाने, स्वास्थ्य सरोकार कार्यक्रम संयोजक राजेन्द्र थापा, नेपाल ओलम्कि कमिटी सदस्यलगायतले पुरस्कृत गरेका थिए । सोसाइटीकातर्फबाट खेल संयोजन अशोक जोशी, प्रकाशनन्द बैद्य, सुवर्णमान प्रधान, दुर्गाप्रसाद लामिछाने, लक्ष्मीचरण श्रेष्ठ, बिक्रम राई, अनिता अधिकारी, सीता श्रेष्ठ, आशिष थापामगर, जय थापामगरलगायतले गरेको सोसाइटकिा अध्यक्ष राजु थापामगरले जानकारी दिए । प्रतियोगितामा छात्रातफ आधुनिक राष्ट्रिय माविका एनोरा तिवारी प्रथम, जीएस निकेतन माविका श्रीयान्सी कर्माचार्य द्वितीय, ब्रम्हदिक एकेडेमीकी स्पन्धन अधिकारी तृतीय भई…

हेटौँडा । बालबालिकाहरूमा बढ्दो ‘नसर्ने रोग’ (NCDs) को जोखिमलाई न्यूनीकरण गर्ने र स्वास्थ्यका लागि शारीरिक क्रियाकलापको महत्त्वबारे जनचेतना जगाउने उद्देश्यले हेटौँडामा अन्तर विद्यालय ‘साइकल च्याम्पियनशिप’ प्रतियोगिता आयोजना हुने भएको छ। ‘स्वास्थ्य सरोकार’ संस्थाले PATH (INGO) सँगको सहकार्य र हिमालयन राइडर्स सोसाइटीको विशेष सहयोगमा आगामी असार १३ गते, शनिबार उक्त प्रतियोगिता सञ्चालन गर्न लागेको हो। हेटौँडाको हुप्रचौरबाट बिहान ६ बजे सुरु हुने कार्यक्रमअन्तर्गत सुरुमा विद्यार्थीहरूले नगर परिक्रमा गर्नेछन्। सोपश्चात् ‘साइकल च्याम्पियनशिप’ प्रतियोगिता सञ्चालन हुनेछ। कार्यक्रम व्यवस्थापक राजेन्द्र थापाका अनुसार यस प्रतियोगितामा मकवानपुर जिल्लाका विद्यालयहरूमा अध्ययनरत कक्षा ६ देखि १० सम्मका विद्यार्थीहरूले सहभागिता जनाउन सक्नेछन्। स्वस्थ जीवनशैली र खेलकुदको माध्यमबाट बालबालिकामा सकारात्मक…

हेटौँडा । हेटौँडा उपमहानगरपालिका–११ स्थित सरस्वती मितेरी चौरमा सञ्चालित ‘वडाध्यक्ष कप’ फुटबल प्रतियोगिताको उपाधि शान्ति चोक टोल विकास संस्थाले जितेको छ। असार ७ गते सम्पन्न फाइनल खेलमा डाङ्डुङ्गे टोल विकास संस्थालाई १–० गोल अन्तरले पराजित गर्दै शान्ति चोक टोल विकास संस्थाले प्रतियोगिताको ट्रफी हात पारेको हो। हेटौँडा–११ वडा बाल सञ्जालको आयोजनामा भएको उक्त प्रतियोगितामा वडाभित्रका १२ वटा टोल विकास संस्थाहरूका खेलाडीहरूले सहभागिता जनाएका थिए। नव–प्रतिभाहरूको पहिचान र खेलाडी उत्पादन गर्ने मुख्य उद्देश्यका साथ आयोजित प्रतियोगितामा विजेता बन्न सफल शान्ति चोक टोल विकास संस्थालाई २० हजार रुपैयाँ नगदसहित ट्रफी, मेडल र प्रमाणपत्र प्रदान गरिएको छ। त्यसैगरी, उपविजेता बनेको डाङ्डुङ्गे टोल विकास…

हेटौँडा । मकवानपुर जिल्ला तेक्वान्दो संघका अध्यक्ष लालकाजी रत्न बज्राचार्य एसियन तेक्वान्दो युनियन (Asian Taekwondo Union-ATU) को गेम्स कमिटी सदस्यमा नियुक्त हुनुभएको छ। युनियनले उहाँलाई सन् २०२६ को जनवरी १ देखि डिसेम्बर ३१ सम्मका लागि उक्त जिम्मेवारी दिएको हो। काठमाडौँमा शनिबार आयोजित एक रेफ्री सेमिनारका अवसरमा बज्राचार्यले आफू नियुक्त भएको प्रमाणपत्र प्राप्त गर्नुभएको हो। एसियन तेक्वान्दो युनियनका अध्यक्ष सङ जीन किमले हस्ताक्षर गर्नुभएको उक्त प्रमाणपत्र नेपाल तेक्वान्दो संघले उहाँलाई प्रदान गरेको हो। सन् २०२६ भर एसियन तेक्वान्दो युनियनले आयोजना गर्ने विभिन्न अन्तर्राष्ट्रिय प्रतियोगिताहरूको व्यवस्थापन र संयोजनमा बज्राचार्यसहित नेपालबाट मनोनित भएका चार जना सदस्यहरूले महत्त्वपूर्ण भूमिका निर्वाह गर्नेछन्। बज्राचार्यको खेलकुद यात्रा…

हेटौंडा । हेटौंडा उपमहानगरपालिकाका सम्पूर्ण वडाबीच प्रतिस्पर्धा हुने गरी प्रतिष्ठित ‘मेयर कप’ फुटबल प्रतियोगिताको छैटौं संस्करण आयोजना हुने भएको छ । हेटौंडा–१३ स्थित पदमपोखरी युथ क्लबको आयोजनामा आगामी असार ४ गतेदेखि १३ गतेसम्म सञ्चालन हुने यस प्रतियोगिताले नगर क्षेत्रका युवाहरूमा खेलकुदको अभिरुचि बढाउने र भविष्यका लागि उत्कृष्ट फुटबल खेलाडी उत्पादन गर्ने लक्ष्य राखेको छ । करिब २० लाख रुपैयाँको अनुमानित लागतमा सम्पन्न हुने यस प्रतियोगिताका लागि हेटौंडा उपमहानगरपालिका मुख्य प्रायोजक रहेको छ भने हेटौंडा–१३ वडा कार्यालय सह-प्रायोजकका रूपमा रहेको छ । प्रतियोगिता सञ्चालनका लागि उपमहानगरपालिकाबाट १० लाख, १३ नं. वडा कार्यालयबाट ५ लाख र अन्य सहयोगीदाताहरूबाट थप ५ लाख रुपैयाँ…

हेटौँडा । हेटौँडा उपमहानगरपालिका-११ स्थित सरस्वती मितेरी खेल मैदानमा आयोजित जिल्ला स्तरीय भलिबल प्रतियोगिताको उपाधि आयोजक हेटौँडा-११ (ए) टीमले जितेको छ। प्रतियोगितामा थाहा नगरपालिकाको सोल्टु युवा क्लब द्वितीय र थाहा नगरपालिका युवा क्लब तृतीय भएको छ। त्यस्तै, हटिया स्पोर्ट्स क्लब र बज्रबाराही स्पोर्ट्स क्लब सान्त्वना भएका छन्। विजेता र उपविजेता टिमलाई क्रमशः ५० हजार, ३० हजार, २० हजार र १०-१० हजार रुपैयाँ नगदसहित ट्रफी, मेडल र प्रमाणपत्र प्रदान गरिएको छ। गोकुल बिडारीको सभाध्यक्षता तथा सञ्जय बिडारीको संयोजकत्वमा सम्पन्न समापन समारोहमा बागमती प्रदेशका मुख्यमन्त्री इन्द्रबहादुर बानियाँले २०३८ र २०५३ सालका उत्कृष्ट खेलाडीहरूलाई सम्मान गर्नुभएको थियो। कार्यक्रममा वडाध्यक्ष जुना दाहाल, वडा सदस्यहरू…

हेटौंडा / हेटौंडा उपमहानगरपालिका ११ नम्बर वडा सरस्वतीको खेल मैदानमा आयोजित् जिल्ला स्तरीय भलिबल प्रतियोगिताको २१ गते उद्घाटन गरिएको छ । खेलको उद्घाटन कार्यक्रमकि प्रमुख अतिथी तथा वडाध्यक्ष जुना दाहालले पानसमा बत्ती बाली भलिबल खेलका क्याप्टेनलाई बल दिएर गरेकी हुन् । सरस्वती टोलविकास संस्थाको आयोजना र हेउमनपा ११ नम्बर वडा कार्यालयको प्रायोजनमा खेल भएको हो । उद्घाटन खेल आयोजित संस्थाका A/B टीम बिच प्रतिस्पर्धा भएको भएको थियो भने २१ गतेकै दिन ६ वटा टिमले खेल प्रदर्शन गरिसकेका कार्यक्रम संयोजक संजय बिडारीले जानकारी दिए । जेठ २४ गते सम्म चल्ने उक्त भलिबल खेलमा १३ वटा टीमले प्रतिस्पर्धा गर्ने आयोजक सज्जन रिमालले…

हेटौंडा । हेटौंडा–१० स्थित टिसिएन चौरमा जारी दोस्रो राष्ट्रिय बृहत् खेलकुद तथा कृषि–पर्यटन महोत्सव अन्तर्गत आयोजित राष्ट्रिय महिला भलिबल प्रतियोगिताको उपाधि काठमाडौं, चन्द्रगिरी नगरपालिकाको न्यू डायमण्ड क्लबले जितेको छ। आइतबार सम्पन्न फाइनल खेलमा न्यू डायमण्डले बागमती प्रदेशको केशवलाल श्रेष्ठ स्मृति प्रतिष्ठानलाई सोझो तीन सेटमा पराजित गर्दै च्याम्पियन बन्न सफल भयो। प्रतिस्पर्धात्मक खेलमा न्यू डायमण्डले २५–१३, २५–१५ र २५–२३ को नतिजासहित उपाधि आफ्नो नाममा लेखायो। अघिल्लो संस्करणमा उपविजेतामै सीमित रहेको न्यू डायमण्ड यसपटक उत्कृष्ट प्रदर्शन गर्दै शीर्ष स्थानमा उक्लिएको हो। समूह चरणमा उत्कृष्ट खेल प्रदर्शन गर्दै दुवै टोली फाइनलसम्म पुगेका थिए। मकवानपुर जिल्ला भलिबल संघ र केशवलाल श्रेष्ठ स्मृति प्रतिष्ठानको व्यवस्थापनमा…