मकवानपुर विशेष

हेटौँडा । दक्षिण एसियाकै पहिलो ऐतिहासिक सुरुङका रूपमा परिचित चुरियामाई सुरुङको संरक्षण तथा व्यवस्थापनको जिम्मेवारी 'चुरियामाई मन्दिर तथा सुरुङ संरक्षण एवं व्यवस्थापन समिति'लाई हस्तान्तरण गरिएको छ। हेटौँडा उपमहानगरपालिकाले उक्त समितिसँग औपचारिक सम्झौता गर्दै सुरुङको व्यवस्थापनको जिम्मा सुम्पेको हो। हेटौँडा उपमहानगरपालिकाका नगर प्रमुख मीनाकुमारी लामा र समितिका अध्यक्ष प्रेमबहादुर भोम्जनले सम्झौता पत्रमा हस्ताक्षर गर्नुभएको छ। लामो समयसम्म बन्द रहेको यस सुरुङको मर्मतकार्य बागमती प्रदेश सरकारले सम्पन्न गरी यसअघि नै हेटौँडा उपमहानगरपालिकालाई हस्तान्तरण गरेको थियो। तत्कालीन राणा प्रधानमन्त्री चन्द्र शमशेरको शासनकालमा निर्माण गरिएको यो सुरुङ दक्षिण एसियाकै पहिलो मानिन्छ। वि.सं. १९७२ (सन् १९१५) मा निर्माण कार्य सुरु भई वि.सं. १९७४ (सन् १९१७)…

हेटौँडा । हेटौँडा उपमहानगरपालिकाले नगरप्रमुख श्रीमती मीनाकुमारी लामाको अध्यक्षतामा सार्वजनिक सुनुवाई कार्यक्रम सम्पन्न गरेको छ। २०८३ साल असार २६ गते आयोजित उक्त कार्यक्रम नेपाल पत्रकार महासंघ, मकवानपुरसँगको समन्वयमा सञ्चालन गरिएको हो। कार्यक्रममा उपमहानगरपालिकाद्वारा सम्पादन गरिएका विकास निर्माणका कार्यहरू, सेवा प्रवाहको अवस्था तथा सुशासनसम्बन्धी गतिविधिहरूबारे सहभागी नागरिकहरूलाई जानकारी गराइएको थियो। सो अवसरमा सहभागी नागरिकहरूले राखेका विभिन्न सुझाव, जिज्ञासा र गुनासाहरूको सम्बन्धमा नगरका पदाधिकारी तथा शाखा प्रमुखहरूले प्रत्यक्ष जवाफ दिनुभएको थियो। हेटौँडा उपमहानगरपालिका नागरिकप्रति पारदर्शी, उत्तरदायी र जवाफदेही स्थानीय सरकार निर्माण गर्न प्रतिबद्ध रहेको सन्देश कार्यक्रममार्फत प्रवाह गरिएको छ।

हेटौँडा । हेटौँडा–११, नवलपुरस्थित त्रिभुवन माध्यमिक विद्यालयका कक्षा ८ (बी) का विद्यार्थीहरूले पोषणयुक्त खाद्यान्नका बारेमा सचेतनामूलक प्रदर्शनी आयोजना गरेका छन्। विद्यालय परिसरमै आयोजना गरिएको यो दोस्रो प्रदर्शनी भएको कार्यक्रम संयोजक तथा विद्यालय नर्स बिकिसा बानियाँले जानकारी दिनुभयो। विद्यालय नर्स बानियाँ र अतिरिक्त क्रियाकलाप संयोजक शिक्षिका संगीता बजगाइको सक्रियतामा सम्पन्न उक्त प्रदर्शनीको शिशु कक्षादेखि कक्षा १० सम्मका विद्यार्थीहरूले अवलोकन गरेका थिए। विद्यार्थीहरूलाई सानै उमेरदेखि जङ्क फूड र पोषणयुक्त खाद्यान्नबीचको भिन्नता बुझाउन सके उनीहरूको स्वास्थ्य सुधारमा टेवा पुग्ने विद्यालयका प्रधानाध्यापक रामकुमार बर्तौलाको धारणा रहेको छ। सोही उद्देश्यअनुरूप यो कार्यक्रम आयोजना गरिएको हो। प्रदर्शनीमा विद्यार्थीहरूले पकाइएको दाल, भात र तरकारीका साथै काँचो आलु,…

हेटौँडा । हेटौँडा उपमहानगरपालिका–११ मा सडक दुर्घटना न्यूनीकरण गर्ने उद्देश्यले ‘रोड मिरर’ (Road Mirror) जडान गरिएको छ। जिल्ला ट्राफिक प्रहरी कार्यालय मकवानपुरबाट प्राप्त तथ्यांकअनुसार, राप्ती पुलदेखि पश्चिम सरस्वती खोल्सीसम्मको क्षेत्रमा आर्थिक वर्ष २०८२/०८३ मा ९३ वटा सडक दुर्घटना भएका छन्। उक्त दुर्घटनाहरूमा परी १६३ जना घाइते, ७ जना गम्भीर घाइते र २ जनाको मृत्यु भएको छ। पछिल्लो समय यस क्षेत्रमा सडक दुर्घटनाका कारण मानिसहरूको ज्यान जानु र अंगभंग हुनुका साथै गम्भीर घाइते हुनेको संख्या अत्यधिक देखिएपछि यसको नियन्त्रणका लागि सुरक्षात्मक पहल गरिएको हो। विशेष गरी राजमार्गका शाखा बाटोहरूबाट मुख्य सडकमा प्रवेश गर्दा दायाँबायाँबाट आउने सवारी साधनहरू नदेखिँदा हुने दुर्घटनालाई कम…

हेटौंडा । कुनै समय यस्तो थियो, सरकारी विद्यालय भनेपछि धेरै अभिभावकको मनमा पहिलो रोजाइ होइन, बाध्यताको विकल्प भन्ने धारणा थियो। निजी विद्यालयको चमकधमक, अङ्ग्रेजी माध्यमको आकर्षण र गुणस्तरीय शिक्षाको अपेक्षाले सामुदायिक विद्यालयहरू ओझेलमा पर्दै गएका थिए। तर समय फेरिएको छ। आज हेटौंडाका धेरै सामुदायिक विद्यालयमा नयाँ शैक्षिक सत्र सुरु हुनुअघि नै भर्नाका लागि अभिभावकहरूको भीड लाग्ने दृश्य सामान्य बन्दै गएको छ। केही विद्यालयमा त सिट सीमित हुँदा सबै इच्छुक विद्यार्थीलाई भर्ना गर्नसमेत कठिन हुने अवस्था देखिन थालेको छ। यो परिवर्तन कुनै संयोग होइन। स्थानीय सरकार गठनपछि हेटौंडा उपमहानगरपालिकाले शिक्षालाई विकासको केन्द्रबिन्दु बनाउँदै अघि सारेका नीति, कार्यक्रम र सुधारका योजनाहरूको परिणाम…

हेटौँडा । हेटौँडा उपमहानगरपालिकाले ४० माइक्रोनभन्दा पातलो प्लाष्टिकको झोला प्रयोगमुक्त अभियानलाई तीव्रता दिएको छ। बिहीबार आयोजित एक विशेष कार्यक्रमका बीच बागमती प्रदेशमै पहिलोपटक हेटौँडा–७ लाई 'पातलो प्लाष्टिक झोला प्रयोगमुक्त वडा' घोषणा गरिएको छ। नगरप्रमुख मीनाकुमारी लामाले प्लाष्टिकजन्य प्रदूषणले वातावरण र मानव स्वास्थ्यमा गम्भीर चुनौती थपेको भन्दै यो अभियानलाई क्रमशः उपमहानगरका सबै वडामा विस्तार गरिने बताउनुभयो। “वातावरण संरक्षणका लागि प्लाष्टिकको प्रयोग न्यूनीकरण अपरिहार्य छ,” उहाँले भन्नुभयो, “वडाबाट सुरु भएको यो प्रयासमा स्थानीय महिला, विद्यार्थी, टोल विकास संस्था र आमा समूहको भूमिका निर्णायक रहनेछ।” बागमती प्रदेशको वन तथा वातावरण मन्त्रालयको योजनाअन्तर्गत 'एक जिल्ला, एक वडा प्लाष्टिक मुक्त' अभियानका रूपमा सञ्चालित यो कार्यक्रममा…

हेटौंडा । हेटौंडा ११ सिमलटार , थानाभर्याङ्ग , तल्लो थानाभर्याङ्ग , सागरपथ , गोल्फिनटारका वासिन्दाहरुले सोझै धाराको पानी उपभोग गर्न पाउने भएका छन् । प्रदेश , संघिय र स्थानीय सरकार ( हेटौंडा उपमहानगर पालिका ) , खानेपानी ब्यवस्थापन बोर्ड हेटौंडाको संयुक्त लगानीमा सिमलटारमा ४ लाख ५० हजार लिटरको खानेपानी ट्याङ्की निर्माण र पाइप बिस्तारको काम गरेपछी यो खुशी छाएको हो स्थानीय उपभोक्ताहरुमा । सरकारले ढिलै भएपनी खानेपानी उपलब्ध गराएकोमा आफुलाइ अत्यन्तै खुसी लागेको गोल्फिन्टार निवासी सीता न्यौपाने बताउछिन् । पहिला - पहिला खानेपानी कुवा , खोलाको जरुवाबाट पानी बोकेर ल्याइ आफू खाने र वस्तुभाउलाइ पनि त्यही पानी खुवाउने गर्थ्यौ न्यौपानेले…

हेटौँडा । हेटौँडा उपमहानगरपालिकाले स्वदेशमै स्वरोजगार बन्न चाहने युवाहरूलाई प्रवर्द्धन गर्ने नीतिअन्तर्गत कृषि क्षेत्रमा सक्रिय युवा उद्यमीहरूलाई साथ र सहयोग दिँदै आएको छ। यसैक्रममा हेटौँडा–१४ मा सञ्चालित ‘निश्चलराज एकीकृत कृषि तथा पशुपन्छी फर्म’ को हेटौँडा उपमहानगरपालिकाकी नगर प्रमुख मीनाकुमारी लामाले स्थलगत अवलोकन गर्नुभएको छ। अवलोकनका क्रममा नगर प्रमुख लामाले पछिल्लो समय हेटौँडामा व्यावसायिक खेतीतर्फ आकर्षण बढेको र विशेष गरी ‘ड्रागन फ्रुट’ तथा पशुपन्छी पालनमा युवाहरूले देखाएको सक्रियताको प्रशंसा गर्नुभयो। उहाँले उत्पादनमूलक कार्यमा लाग्न चाहने युवा उद्यमीहरूका लागि उपमहानगरपालिका सधैँ सहकार्य र सहयोगका लागि तयार रहेको बताउनुभयो। फर्मको निरीक्षणका लागि नगर प्रमुख लामासहित प्रमुख प्रशासकीय अधिकृत टेकबहादुर वली नेतृत्वको टोली पुगेको…

हेटौँडा । हेटौँडा उपमहानगरपालिकाले करदाताहरूलाई लक्षित गर्दै पालिका तहबाटै महत्त्वपूर्ण कर सेवाहरू प्रदान गर्न सुरु गरेको छ। सेवाग्राहीलाई छिटो, छरितो र सहज सेवा उपलब्ध गराउने उद्देश्यले अब नगरपालिकाको कार्यालयबाटै प्यान (PAN) र भ्याट (VAT) सँग सम्बन्धित प्रशासनिक कार्यहरू गरिने भएको छ। यस व्यवस्थाअन्तर्गत उपमहानगरपालिकाले व्यक्तिगत तथा व्यावसायिक स्थायी लेखा नम्बर (PAN) दर्ता र रूपान्तरण, मूल्य अभिवृद्धि कर (VAT) तथा अन्तःशुल्क दर्ता र नवीकरणको सुविधा उपलब्ध गराएको छ। साथै, करदाताको प्रोफाइल अद्यावधिक गर्ने, कर चुक्ता प्रमाणपत्र जारी गर्ने, दर्ता खारेजी, कार्यालय स्थानान्तरण र शाखा थप लगायतका प्राविधिक सेवाहरू पनि अब सोही कार्यालयबाट प्राप्त गर्न सकिनेछ। यसका साथै नगरपालिकाले करदाता शिक्षा तथा…

हेटौँडा । जिल्ला समन्वय समिति मकवानपुरका प्रमुख ललित घलानले हेटौँडा उपमहानगरपालिकाअन्तर्गत सञ्चालित विभिन्न विकास आयोजनाहरूको स्थलगत अनुगमन गर्नुभएको छ। अनुगमनका क्रममा उहाँले नगरभित्र भइरहेका भौतिक पूर्वाधार तथा निर्माण कार्यको प्रगति र गुणस्तरबारे जानकारी लिनुभएको हो। प्रमुख घलानले महिलामैत्री पार्क, प्रगति माध्यमिक विद्यालयको निर्माणाधीन भवन, तामाङ संग्रहालय र टोनी हेगन पार्कको स्थलगत अवलोकन गर्नुभएको थियो। सो क्रममा उहाँले निर्माण कार्यको गति र त्यसको प्राविधिक गुणस्तरका विषयमा चासो राख्नुभएको थियो। हेटौँडा उपमहानगरपालिकाले नगरभित्र सञ्चालित विकास निर्माणका कामहरूलाई तोकिएको समयभित्रै सम्पन्न गर्न र गुणस्तरीय निर्माण सामग्रीको प्रयोग सुनिश्चित गर्न विशेष प्राथमिकता दिँदै आएको छ। विकास आयोजनाहरूको अनुगमनले कार्य सम्पादनमा थप पारदर्शिता र जवाफदेहिता…