समाचार

हेटौँडा । यातायात व्यवस्था कार्यालय, हेटौँडाले सवारी चालक अनुमति पत्र (लाइसेन्स) सम्बन्धी सम्पूर्ण सेवाहरू अर्को सूचना जारी नभएसम्मका लागि स्थगित गरेको छ। कार्यालयले बिहीबार एक सार्वजनिक सूचना जारी गर्दै हाललाई सेवा बन्द भएको जानकारी दिएको हो। लाइसेन्सको मेडिकल सेवा प्रदान गर्दै आएको 'सुनिल पोलिक्लिनिक'लाई जिल्ला प्रशासन कार्यालय मकवानपुरको नेतृत्वमा खटिएको संयुक्त अनुगमन टोलीले बन्द गराएपछि कार्यालयको सेवा प्रभावित हुन पुगेको छ। मेडिकल परीक्षण सेवा अवरुद्ध भएसँगै नयाँ लाइसेन्स दर्ता (बायोमेट्रिक), लिखित तथा प्रयोगात्मक परीक्षा, अनुमति पत्र वितरण, वर्ग थप र नवीकरणलगायतका सम्पूर्ण प्रक्रियाहरू तत्कालका लागि रोकिएका कार्यालयका सूचना अधिकारी टेकनाथ काफ्लेले जानकारी दिनुभयो। संघीय संसद्मै बागमती प्रदेशका मुख्यमन्त्री र यातायात…

हेटौंडा । बागमती प्रदेशका मुख्यमन्त्री इन्द्रबहादुर बानियाँले बागमती सरकारले प्रशासनिक खर्च कटौती र सुशासनका लागि मन्त्रालयको संख्या घटाएर ८ कायम गरेको बताएका छन् । हेटौंडा-६ मा रहेको बिपी गणेशमान स्मृति शान्ति पार्क (पिसपार्क) उद्घाटन गर्दै उनले यस्तो बताएका हुन् । उनले आफू मुख्यमन्त्री भएदेखि आर्थिक मितव्ययिता र सुशासनको पक्षमा काम गरिरहेको बताउँदै यसकै परिणाम स्वरूप अहिले प्रदेशमा मन्त्रालयको संख्या घटाएको बताए । विगतमा १७ जनासम्म मन्त्री रहेको बागमती प्रदेशमा मन्त्रालय घटाएर ८ मा झारेको बताए । उनले प्रदेशमा 'संगठन तथा व्यवस्थापन संरचना' छिटै टुंगो लगाएर मन्त्रालय अनुसार नै मन्त्रीको संख्या कायम हुने बताए । हाल केही मन्त्रीहरूलाई विषयगत क्षेत्रको जिम्मेवारी…

हेटौंडा । टौंडा उपमहानगरपालिका–११ नम्बर वडास्थित शंकरज्योति माविका विद्यार्थीलाई विद्यालयले पुरस्कार वितरण गरेको छ । २०८२ को वार्षिक परीक्षामा कक्षा शिशुदेखि ९ सम्म प्रथम, द्वितीय र तृतीय हुने विद्यार्थीहरुलाई विद्यालयले पुरस्कृत गरेको हो । उनीहरुलाई विद्यालयले पुरस्कारस्वरुप शैक्षिक सामग्री प्रदान गरेको थियो । विद्यालयले अध्ययनरत् कक्षा–२ देखि ६ सम्मका छात्रा, दलित, सीमान्तकृत विद्यार्थीहरुलाई छात्रवृत्ति रकम प्रदान गरेको छ । विद्यालयले करिब २ सय जनालाई छात्रवृत्ति प्रदान गरेको हो । प्रधानाध्यापक महेशकुमार रिजालको सभाध्यक्षता तथा विव्यस कार्यबाहक अध्यक्ष जनप्रतिनिधि गोपिनी सापकोटाको प्रमुख आतिथ्यतामा कार्यक्रम भएको हो । यस्ता कार्यक्रमले विद्यार्थीको हौसला बढाउने हुनाले अतिरिक्त कार्यक्रमहरु विद्यालयमा हुनुपर्ने कार्यक्रमकी प्रमुख अतिथि वडा…

हेटौँडा । मकवानपुरको हेटौँडा–११, थानाभर्याङस्थित बाल सुधार गृहमा रहेका बालकहरूका लागि किशोर सचेतना शिक्षा कार्यक्रम सम्पन्न भएको छ। सुधार गृहमा रहेका ८४ जना बालकहरूलाई सकारात्मक सोच र जिम्मेवार नागरिक बन्ने दिशामा प्रेरित गर्ने उद्देश्यले कार्यक्रम आयोजना गरिएको हो। इन्सेक बागमती प्रदेश र प्रदेशस्तरीय मानव अधिकार रक्षक सञ्जाल बागमती प्रदेशको संयुक्त आयोजना तथा सुनौलो शिक्षा नेपालको समन्वयमा बिहीबार उक्त कार्यक्रम सञ्चालन गरिएको थियो। कार्यक्रममा प्रमुख अतिथि एवं मकवानपुरका प्रमुख जिल्ला अधिकारी वसन्त अधिकारीले बाल सुधार गृहमा रहँदा पनि आफूभित्रको सकारात्मक सोच र आत्मविश्वासलाई जीवित राख्न बालकहरूलाई आग्रह गर्नुभयो। उहाँले विगतका गल्तीबाट पाठ सिकेर नयाँ जीवनको सुरुवात गर्न सकिने भन्दै बालकहरूलाई हौसला…

हेटौँडा । हेटौँडा उपमहानगरपालिकाको व्यवस्थापन र सञ्चालनमा रहेको मकवानपुरकै पहिलो कानुन संकाय 'सिद्धार्थ ल क्याम्पस'ले आफ्नो शैक्षिक यात्रामा ऐतिहासिक सफलता हासिल गरेको छ। क्याम्पसको BALLB प्रथम वर्षको परीक्षामा सहभागी कुल २७ जना विद्यार्थीमध्ये २० जनाले उत्कृष्ट नतिजा ल्याउँदै सफलता प्राप्त गरेका हुन्। यस उल्लेखनीय उपलब्धिप्रति हेटौँडा उपमहानगरपालिकाकी नगर प्रमुख मीनाकुमारी लामाले एक सन्देश जारी गर्दै खुसी व्यक्त गर्नुभएको छ। उहाँले सफल सम्पूर्ण विद्यार्थीहरूलाई हार्दिक बधाई दिँदै उनीहरूको उज्ज्वल भविष्यको कामना गर्नुभएको छ। नगर प्रमुख लामाले व्यक्त गर्नुभएको बधाई सन्देश: "हेटौँडा उपमहानगरपालिकाको व्यवस्थापन तथा सञ्चालनमा रहेको मकवानपुर जिल्लाकै पहिलो कानुन संकायअन्तर्गत सिद्धार्थ ल क्याम्पसको BALLB प्रथम वर्षको परीक्षामा सहभागी २७ जना…

हेटौँडा । लामो समयदेखि आधा सिलिन्डर ग्यासको भरमा चुलो बाल्न बाध्य उपभोक्ताहरू अब पुनः भरि सिलिन्डर ग्यास पाउन थालेपछि हर्षित भएका छन्। विगत तीन–चार महिनादेखि बजारमा आधा सिलिन्डर ग्यास मात्र उपलब्ध हुँदै आएको थियो। यद्यपि, सरकारको पछिल्लो निर्णयबमोजिम असार ३१ गतेदेखि नै बजारमा पुनः भरि सिलिन्डर ग्यास सहज रूपमा पाइन थालेको छ। हाल एक भरि सिलिन्डर ग्यासको मूल्य दुई हजार सत्तरी रुपैयाँ तोकिएको छ। ग्यासको आपूर्ति सहज भएसँगै उपभोक्ताहरूले राहत महसुस गरेका छन्। यता, केही स्थानमा भने पसलेहरूले तोकिएको मूल्यभन्दा बढी अर्थात् दुई हजार एक सय रुपैयाँसम्म असुल्ने गरेको गुनासो पनि उपभोक्ताबाट आएको छ। तोकिएको भन्दा बढी मूल्य लिने व्यापारीहरूमाथि…

हेटौँडा । मकवानपुरको इन्द्रसरोवर गाउँपालिका–२ स्थित सिमखोलामा आएको बाढीले बगाएको स्कुटी फेला परेको छ। सोमबार दिउँसो करिब ३ बजेको समयमा स्कुटीसहित चालकलाई बगाएको थियो। खोजतलासका क्रममा बा.प्रदेश–०२–०३२ प ८०५४ नम्बरको उक्त स्कुटी घटनास्थलबाट करिब १ सय मिटर तल खोलाको दहमा फेला परेको हो। घटनालगत्तै नेपाल प्रहरी, नेपाली सेना र सशस्त्र प्रहरी बलको संयुक्त टोली परिचालन गरी उद्धार कार्य अघि बढाइएको थियो। स्कुटी फेला परे पनि चालकको अवस्था अझै अज्ञात छ। चालकको खोजी कार्य जारी रहेको र सुरक्षाकर्मीको टोलीले सम्भावित क्षेत्रहरूमा निरन्तर खोजी गरिरहेको प्रहरीले जनाएको छ। बाढीले बगाएर ल्याएको ठूलो परिमाणमा लेदो तथा ढुङ्गाका कारण खोजी कार्यमा कठिनाइ भइरहेको छ।…

हेटौँडा । मकवानपुरको कैलाश गाउँपालिका–६, राउते दुम्सि खर्कमा खानेपानीका तीनवटा ट्याङ्की निर्माण सम्पन्न भएका छन्। राउते खानेपानी तथा सरसफाइ उपभोक्ता समितिद्वारा सञ्चालित ए–बी–सी योजनाअन्तर्गत निर्माण गरिएका ती ट्याङ्कीहरूको आज शिलाकन्या विद्यालय परिसरमा आयोजित एक कार्यक्रमका बीच उद्घाटन गरिएको छ। बागमती प्रदेश सरकारको पञ्चवर्षीय योजनाअन्तर्गत आर्थिक वर्ष २०७९ मा सुरु भएको सो आयोजना चार वर्षपछि सम्पन्न भएको हो। खानेपानी तथा सरसफाइ डिभिजन कार्यालय नं. १, मकवानपुरको आर्थिक सहयोग तथा समन्वयमा कार्यान्वयन गरिएको यो आयोजनाले स्थानीय बासिन्दालाई स्वच्छ र सुरक्षित खानेपानीमा सहज पहुँच पुर्‍याउने अपेक्षा गरिएको छ। उद्घाटन समारोहमा बागमती प्रदेशकी पूर्व सामाजिक विकास मन्त्री कुमारी मुक्तान प्रमुख अतिथि र कैलाश गाउँपालिकाका…