स्वास्थ्य

हेटौँडा । नेपाल रेडक्रस सोसाइटी हेटौँडा–११, नवलपुर उपशाखाको आयोजनामा सम्पन्न खुला रक्तदान कार्यक्रममा ३९ जनाले रक्तदान गरेका छन्। हेटौँडा–११ स्थित त्रिभुवन माध्यमिक विद्यालय अगाडिको चौतारामा आयोजित उक्त कार्यक्रममा हेटौँडा–११ का वडा सदस्य सञ्जय बिडारीले समेत रक्तदान गर्नुभएको थियो। हेटौँडा उपमहानगरपालिका–११ वडा कार्यालयको आर्थिक सहयोग तथा नेपाल रेडक्रस सोसाइटी रक्तसञ्चार केन्द्र हेटौँडाको प्राविधिक सहयोगमा कार्यक्रम सम्पन्न भएको कार्यक्रम संयोजक अञ्जनप्रसाद पौडेलले जानकारी दिनुभयो। नेपाल रेडक्रस सोसाइटी नवलपुर उपशाखाकी कार्यबाहक सभापति सुष्माकुमारी बडालको सभाध्यक्षतामा सम्पन्न कार्यक्रममा हेटौँडा–११ की वडा अध्यक्ष जुना दाहालको प्रमुख आतिथ्यता रहेको थियो। कार्यक्रममा वडा सदस्यहरू गोपिनी सापकोटा र गीता सुनारलगायतको उपस्थिति थियो। मानव जीवन बचाउने पवित्र उद्देश्यका साथ…

हेटौँडा। प्रदेशभर रक्तसञ्चार सेवाको गुणस्तर अभिवृद्धि र सुरक्षित रगत भण्डारण क्षमता बढाउने उद्देश्यले बागमती प्रदेश सरकारले ११ जिल्लाका नेपाल रेडक्रस सोसाइटीका शाखाहरूलाई ब्लड बैंक रेफ्रिजेरेटर हस्तान्तरण गरेको छ। स्वास्थ्य आपूर्ति केन्द्र, हेटौँडाको आयोजनामा बिहीबार आयोजित विशेष समारोहमा बागमती प्रदेशका मुख्यमन्त्री इन्द्रबहादुर बानियाँ र स्वास्थ्यमन्त्री किरण थापा मगरले संयुक्त रूपमा उक्त उपकरणहरू हस्तान्तरण गर्नुभएको हो। बागमती प्रदेशका १३ जिल्लामध्ये रक्तसञ्चार सेवा सञ्चालनमा रहेका सिन्धुपाल्चोक र रसुवाबाहेकका ११ जिल्लालाई रेफ्रिजेरेटर उपलब्ध गराइएको हो। प्रदेश सरकारले २२० लिटर क्षमताका ती अत्याधुनिक रेफ्रिजेरेटर खरिदका लागि ३१ लाख रुपैयाँ खर्च गरेको छ। प्रति युनिट २ लाख ७५ हजार ५ सय ५५ रुपैयाँका दरले खरिद गरिएका…

हेटौंडा । नेपाल स्वास्थ्य स्वयंसेवक संघ (हेभन) ले महिला सामुदायिक स्वास्थ्य स्वयंसेविकाहरूको सामाजिक सुरक्षा, पारिश्रमिक तथा सेवा सुविधाको सुनिश्चितताका लागि बागमती प्रदेश सरकारको ध्यानाकर्षण गराएको छ। संघकी अध्यक्ष बसन्ती महर्जनद्वारा हस्ताक्षरित ज्ञापनपत्र मुख्यमन्त्री इन्द्रबहादुर बानियाँलाई बुझाउँदै स्वयंसेविकाहरूलाई योगदानमा आधारित सामाजिक सुरक्षा कोषमा आबद्ध गरिनुपर्ने, न्यूनतम मासिक पारिश्रमिक तथा भत्ताको व्यवस्था गर्नुपर्ने र सेवा सुविधा सम्बन्धी स्पष्ट कार्यविधि लागू गर्नुपर्ने माग गरिएको छ। नेपालभर करिब ५२ हजार र बागमती प्रदेशमा करिब ९ हजार महिला सामुदायिक स्वास्थ्य स्वयंसेविका कार्यरत रहेको उल्लेख गर्दै संघले मातृ तथा शिशु स्वास्थ्य, खोप, परिवार नियोजन र स्वास्थ्य सचेतनामा उनीहरूको महत्वपूर्ण योगदान रहेको जनाएको छ। ज्ञापनपत्रमा सम्मानजनक निवृत्ति…

हेटौंडा/ मकवानपुरमा सुर्तीजन्य पदार्थ र मदिरा सेवनबाट उत्पन्न स्वास्थ्य तथा सामाजिक जोखिम न्यूनीकरण गर्ने उद्देश्यले सरोकारवालाबीच विशेष छलफल सम्पन्न भएको छ। जिल्ला जनस्वास्थ्य कार्यालय मकवानपुरको आयोजना र नेपाल पत्रकार महासंघ मकवानपुरको समन्वयमा सम्पन्न उक्त पैरवी बैठकमा पत्रकारहरूको सक्रिय सहभागिता रहेको थियो। कार्यक्रममा नेपाल पत्रकार महासंघ मकवानपुरका जिल्ला उपाध्यक्षद्वय धुर्व अधिकारी र भावना रिजाल, साथै महासंघका पूर्व अध्यक्ष राममणि दाहाललगायत पत्रकारहरूको उपस्थिति रहेको थियो। कार्यक्रमलाई विशेष गरी सञ्चार माध्यमको भूमिकासँग जोडेर छलफल गरिएको थियो। सुर्तीजन्य पदार्थ र मदिरा सेवनले समाजमा पारिरहेको दीर्घकालीन स्वास्थ्य तथा सामाजिक असर न्यूनीकरण गर्न पत्रकारितामार्फत सचेतना अभिवृद्धि गर्न सकिने विषयमा सहभागीहरूले जोड दिएका थिए। जनस्वास्थ्य कार्यालयले प्रस्तुत…

हेटौँडा । बागमती प्रदेशमा एचआईभी संक्रमण दर क्रमशः घट्दै गएको भए पनि यसको नियन्त्रण र व्यवस्थापनमा भने अझै चुनौतीपूर्ण अवस्था देखिएको छ। संक्रमण न्यूनीकरणका लागि विभिन्न कार्यक्रम सञ्चालन भए पनि सामाजिक लाञ्छना, ढिलो परीक्षण र सेवाको पहुँचमा रहेको कमीका कारण पूर्ण सफलता हासिल गर्न बाधा पुगिरहेको सरोकारवालाहरूले औँल्याएका छन्। स्वास्थ्य निर्देशनालय, बागमती प्रदेशले हालै सार्वजनिक गरेको तथ्यांकअनुसार प्रदेशमा करिब ७ हजार ४ सय जनामा एचआईभी संक्रमण पुष्टि भएको छ। तराईका सीमावर्ती क्षेत्र, काठमाडौँ र चितवनलाई संक्रमणको उच्च जोखिमयुक्त क्षेत्रका रूपमा पहिचान गरिएको छ। तथ्यांकअनुसार बागमती प्रदेशमा आर्थिक वर्ष २०८१/८२ मा २१ हजार २२९ जनामा गरिएको परीक्षणमध्ये ७२७ जनामा संक्रमण देखिएको…

हेटौंडा । हेटौंडा उपमहानगरपालिका-११ स्थित थानाभर्याङमा रक्तदान कार्यक्रम सम्पन्न भएको छ। ५४ औँ विश्व वातावरण दिवसको अवसर पारेर उक्त कार्यक्रम आयोजना गरिएको हो। टोल विकास संस्था वडा समन्वय समिति, हेटौंडा-११ को आयोजना तथा वडा नम्बर ११ कार्यालयको आर्थिक सहयोगमा सञ्चालित रक्तदान कार्यक्रममा बागमती प्रदेश प्रहरी गणका ५ जना प्रहरीसहित १७ जनाले रक्तदान गरेका थिए। वडा समन्वय समिति हेटौंडा-११ का अध्यक्ष यज्ञबहादुर आचार्यको सभाध्यक्षता तथा वडाध्यक्ष जुना दाहालको प्रमुख आतिथ्यतामा कार्यक्रम सम्पन्न भएको हो। कार्यक्रममा वडा सदस्यद्वय विकास नेपाल र गोपिनी सापकोटा, सामुदायिक प्रहरी सेवा केन्द्रका अध्यक्ष तथा टोल विकास संस्था नगर समन्वय समितिका उपमहासचिव देवकुमार श्रेष्ठ लगायतको उपस्थिति रहेको थियो।

हेटौंडा । ६२ औ विद्यार्थी दिवसको अवसरमा नेकपा एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) मकवानपुर जिल्ला कमिटिले आयोजना गरेको रक्तदान कार्यक्रममा २७ जनाले रक्तदान गरेका छन । शुक्रवार विहान हेटौडा – ४ स्थित हेटौंडा क्याम्पस परिसरमा अनेरास्ववियु हेटौंडा क्याम्पस कमिटिको व्यवस्थापनमा भएको रक्तदान कार्यक्रममा २७ जनाले रक्तदान गरेका हुन । रक्तदान कार्यक्रममा क्याम्पसमा अध्ययनरत विद्यार्थीहरु, हेटौंडा क्याम्पसका पुर्व क्याम्पस प्रमुख ,प्रध्यापक, कर्मचारी लगाएत रक्तदान गरेको अनेरास्ववियु हेटौंडा क्याम्पस कमिंिटका अध्यक्ष नितेस भण्डारीले जानकारी दिए । कार्यक्रम अनेरास्ववियु मकवानपुर जिल्ला कमिटिको जिल्ला संयोजक नवराज पौडेलको अध्यक्षता कार्यक्रममा प्रमुख अतिथि नेकपा एमाले केन्द्रिय सदस्य एव्म मकवानपुर जिल्ला ईन्चार्ज रामेश्वर…

हेटौँडा । जिल्ला जनस्वास्थ्य कार्यालय मकवानपुरको आयोजनामा हेटौँडा उपमहानगरपालिका–११ मा ‘एक जिल्ला एक स्वास्थ्य कार्यक्रम’ अन्तर्गत वडा स्तरीय समिति बैठक तथा अभिमुखीकरण कार्यक्रम सम्पन्न भएको छ। वडा अध्यक्ष जुना दाहालको अध्यक्षतामा सम्पन्न उक्त कार्यक्रममा स्वास्थ्यसम्बन्धी नीति, योजना तथा स्थानीय स्तरमा कार्यक्रम कार्यान्वयनका विषयमा छलफल गरिएको थियो। कार्यक्रममा हेटौँडा उपमहानगरपालिका स्वास्थ्य विभाग (जनस्वास्थ्य शाखा) प्रमुख सूर्य प्रसाद तिवारीले सहजीकरण गर्दै कार्यक्रमको उद्देश्य, कार्ययोजना तथा अपेक्षित उपलब्धिबारे जानकारी गराएका थिए। कार्यक्रममा गोपिनी सापकोटा, गीता सुनार, गोकर्ण प्रसाद पराजुली, सूर्य प्रसाद तिवारी, सिम्रन के.सी., प्रिन्स दाहाल, देवकुमार श्रेष्ठ, मीना कुमारी तथा शर्मिला ढकाल श्रेष्ठ लगायतको उपस्थिति रहेको थियो। कार्यक्रममार्फत स्थानीय तहमा स्वास्थ्य सेवाको…

हेटौंडा । डेंगी संक्रमण बढ्दै गएपछि यसको नियन्त्रणका लागि स्थानीय तह र सामाजिक संस्थाहरू सक्रिय देखिएका छन्। यसै क्रममा रोटरी क्लब हेटौंडाले हेटौंडा उपमहानगरपालिका–६ को वडा कार्यालयलाई आवश्यक उपकरण हस्तान्तरण गरेको छ। क्लबका अध्यक्ष प्रमेश प्रधानका अनुसार वडाध्यक्ष विष्णु दाहाललाई औपचारिक रूपमा उपकरण हस्तान्तरण गरिएको हो। यसअघि पनि क्लबले वडा नम्बर ५ मा यस्तै सहयोग प्रदान गरिसकेको छ। हस्तान्तरण गरिएका सामग्रीमा लामखुट्टे नियन्त्रणका लागि प्रयोग हुने फगर मेसिन, सुरक्षात्मक पोशाक तथा स्प्रेइङ सेट रहेका छन्। यी उपकरणहरूले डेंगी सार्ने लामखुट्टेको नियन्त्रणमा प्रभावकारी भूमिका खेल्ने विश्वास क्लबले व्यक्त गरेको छ। अध्यक्ष प्रधानले डेंगी नियन्त्रणका लागि समुदायको सक्रिय सहभागिता अपरिहार्य रहेको उल्लेख…