स्वास्थ्य

हेटौंडा / मकवानपुर पादरी संघले हेटौंडामा रक्तदान कार्यक्रम गरेको छ । पादरी संघका जिल्ला अध्यक्ष पाष्टर सुबास गोपाली र योगदान राष्ट्रका लागि अभियानका प्रदेश अध्यक्ष पाष्टर पदम सेढाईले रक्तदान गरेपछि शुरु भएको रक्तदान कार्यक्रममा ३५ जनाले रक्तदान गरेका थिए । हेटौंडाको बुद्ध चोकमा गरिएको रक्तदान गूड् फ्राइडेको अवसरमा गरिएको हो । स्टर सण्डे ( आइतबार ) कादिन हेटौंडामा बिहान मोटरसाइकल र्याली गर्ने संघ जिल्ला अध्यक्ष गोपालीले जानकारी दिए । येशुख्रीष्टको मृत्यु र पुनरुत्थानको सम्झनामा यस्ता कार्यक्रमहरु गर्ने गरेको इसाईहरु बताउँछन् ।

हेटौंडा । हेटौंडामा खानेपानी तथा स्वच्छतासम्बन्धि सामुदायिक कार्ययोजना प्रदर्शनीको पूर्वतयारीमा दुई दिने तालिम भएको छ । हेटौंडा उपमहानगरपालिका कार्यपालिकाको आयोजना र लुमन्ती आवासका लागि सहयोग समूह हात्तीवन ललितपुरको साझेदारीमा तालिम भएको हो । जिल्ला समन्वय समिति मकवानपुरको सभाहलमा भएको तालिममा हेटौंडा–११, सिमलटारका लक्षित वर्ग २० जनाको सहभागिता थियो । आवास, लघुवित्त, खानेपानी स्वच्छता र सरसफाइ, विपत् व्यवस्थापन क्षेत्रमा नेपालका करिब ३५ भन्दा बढी महानगर, उपमहानगर, नगरमा काम गर्दै आएको संस्थाले हेटौंडा र पोखरामा काम गर्ने योजनासाथ तालिमहरु सञ्चालन गर्दै आएको लुमन्ती परियोजना प्रमुख उद्धब भट्टराईले जानकारी दिए । ‘आवासका लागि पनि हेटौंडामा काम गर्ने लक्ष्य राखेका छौं । सम्भावना भएसम्म…

हेटौँडा । विश्व अटिजम दिवसको सन्दर्भ पारेर हेटौँडा–४ मा सञ्चालित सेन्टर फर अटिजमले अभिभावकहरूसँग अन्तरक्रिया तथा छलफल कार्यक्रम आयोजना गर्दै अटिजम भएका बालबालिकाको समग्र विकासमा समुदायको भूमिका थप सुदृढ बनाउने सन्देश दिएको छ। हरिकृष्ण मैनालीको अध्यक्षतामा सम्पन्न कार्यक्रममा अपाङ महासंघ बागमती प्रदेशका सदस्य बद्री विक्रम थापा प्रमुख अतिथिका रूपमा सहभागी भएका थिए। कार्यक्रममा अटिजम भएका बालबालिकाको शिक्षा, हेरचाह र पुनःस्थापनामा अभिभावकको सक्रियता कति महत्वपूर्ण हुन्छ भन्ने विषयमा जोड दिइएको थियो। चार वर्षअघि तीन जना अभिभावकको पहलबाट सुरु भएको यो केन्द्र अहिले अभिभावककै निरन्तर सहयोग र समर्पणमा सञ्चालन भइरहेको छ। हाल ३२ जना बालबालिका अध्ययनरत रहेको केन्द्रले व्यवहारिक सिकाइमार्फत बालबालिकाको बौद्धिक…

हेटौंडा / विश्व क्षयरोग दिवसको अवसरमा युवाहरूले हेटौंडामा जनचेतनामूलक सडक नाटक प्रदर्शन गरेका छन्। बागमती प्रदेश सरकारको स्वास्थ्य मन्त्रालय, स्वास्थ्य निर्देशनालय, जिल्ला जनस्वास्थ्य कार्यालय मकवानपुर, स्वास्थ्य क्लब तथा मदन भण्डारी हेल्थ एकेडेमी साइन्स स्कुलका युवाहरूको सहभागितामा जनचेतनामूलक र्‍याली र सडक नाटक आयोजना गरिएको हो। नेपाल सरकारले सन् २०३५ सम्म नेपाललाई क्षयरोगमुक्त देश बनाउने लक्ष्य लिएको छ। सोही लक्ष्यअनुसार विभिन्न जनचेतनामूलक कार्यक्रमहरू सञ्चालन भइरहेका छन् भनी सम्बन्धित स्वास्थ्य संस्थाहरूले जनाएको छ।

हेटौंडा / मुख्य न्यायाधिवक्ता कार्यालय, बागमती प्रदेश, हेटौंडाले स्थापन दिवसको अवसरमा रक्तदान कार्यक्रम आयोजना गरेको छ। हेटौंडाको बुद्धचोकमा आयोजित कार्यक्रममा ७ जना महिला र २४ जना पुरुष गरी जम्मा ३१ जनाले रक्तदान गरेको मुख्य न्यायाधिवक्ता अप्सरा बस्नेतले जानकारी दिइन्। मुख्य न्यायाधिवक्ता बस्नेतले रक्तदान गरी कार्यक्रमको उद्घाटन गरेपछि सुरु भएको उक्त कार्यक्रममा कार्यालयका कर्मचारी तथा अन्य व्यक्तिहरूले समेत उत्साहपूर्वक रक्तदान गरेको कार्यालयले जनाएको छ।

हेटौंडा । हेटौंडा उपमहानगरपालिका–१५ नम्बर वडाले नागरिकको दैनिकीसँग प्रत्यक्ष जोडिएका आधारभूत सेवालाई केन्द्रमा राख्दै सराहनीय कार्यक्रम सुरु गरेको छ। वडाले आफ्ना बासिन्दाका लागि निःशुल्क खानेपानी, एम्बुलेन्स सेवा तथा उपचारका लागि आवश्यक रगतको व्यवस्था उपलब्ध गराउने निर्णय कार्यान्वयनमा ल्याएको हो। यस पहलपछि वडाबासीमा उत्साह देखिएको छ। विशेषगरी बिरामी पर्दा लाग्ने एम्बुलेन्स भाडा र रगत खरिदजस्ता खर्चले राहत पाउने भएपछि स्थानीयहरू खुसी भएका हुन्। वडा कार्यालयका अनुसार, अब वडाभित्रका नागरिक जहाँसुकै उपचारका लागि गए पनि एम्बुलेन्स खर्च र आवश्यक रगतको व्यवस्थापनमा आर्थिक भार कम हुनेछ। साथै, प्रत्येक घरधुरीलाई मासिक १० हजार लिटरसम्म खानेपानी निःशुल्क उपलब्ध गराइनेछ। यो कार्यक्रम विशेषतः विपन्न तथा आकस्मिक…

हेटौंडा । मकवानपुर जिल्लामा सञ्चालन गरिएको एचपीभी (HPV) खोप अभियान प्रभावकारी रूपमा सम्पन्न भएको छ। जिल्लाका १० वटा स्थानीय तहमा लक्षित समूहका ९५ प्रतिशत नागरिकलाई खोप लगाउन सफल भएको जनाइएको छ। मंगलबार गैर सरकारी संस्था महासंघको सभाहलमा आयोजित पत्रकार अन्तरक्रिया कार्यक्रममा जनस्वास्थ्य कार्यालय मकवानपुरले अभियानको प्रगति सार्वजनिक गरेको हो। कार्यालयका प्रमुख लक्ष्मण घिमिरेका अनुसार कुल ४ हजार ३ सय १२ जनालाई खोप लगाउने लक्ष्य राखिएकोमा ४ हजार ८६ जनाले खोप प्राप्त गरेका छन्। जिल्लाका विभिन्न पालिकामा खोप अभियान उत्साहजनक देखिएको छ। हेटौंडा उपमहानगरपालिकामा १ हजार ९ सय ७० लक्ष्यमध्ये १ हजार ९ सय १० जनालाई खोप लगाइएको छ भने थाहा…

हेटौँडा । मकवानपुरको विकट कैलाश गाउँपालिकामा १० शैयाको आधारभूत अस्पताल सञ्चालनमा आएको छ। बागमती प्रदेशका मुख्यमन्त्री इन्द्रबहादुर बानियाँले सोमबार उक्त अस्पतालको उद्घाटन गरेका हुन्। संघीय सरकारको ६ करोड ५८ लाख ९९ हजार १ सय ७६ रुपैयाँ लागतमा निर्माण गरिएको अस्पतालको भवन आशिष/आर्शिवाद/स्वामी नारायण जेभीसँग २०७८ जेठ २७ गते निर्माण सम्झौता भई २०८२ असारमा सम्पन्न भएको हो। अढाई तल्ले भवनमा १० शैया क्षमताको अस्पताल सञ्चालनमा ल्याइएको छ। अस्पतालमा २ जना चिकित्सकसहित २२ जनाको दरबन्दी रहेको छ। दरबन्दीअनुसार ५ जना स्टाफ नर्स, २ जना अनमी, ३ जना हेल्थ असिस्टेन्ट, २ जना अहेव, १ जना कविराज, १ जना ल्याब टेक्निसियन, १ जना रेडियोग्राफर,…

मकवानपुर । भीमफेदी गाउँपालिका–४ स्थित निबुवाटारमा एक दिने बृहत् निःशुल्क स्वास्थ्य शिविर सम्पन्न भएको छ। वडा कार्यालयको सिलिङ बजेटको सहयोग तथा निबुवाटार स्वास्थ्य चौकीको आयोजनामा शनिबार सञ्चालन गरिएको शिविरमा स्थानीय नागरिकले विशेषज्ञ चिकित्सकबाट स्वास्थ्य सेवा लिने अवसर पाएका हुन्। हर्ट फाउन्डेसन मकवानपुरको प्राविधिक सहयोगमा आयोजित शिविरमा चितवन मेडिकल कलेजका वरिष्ठ मुटुरोग विशेषज्ञ डा. मनोजकुमार श्रेष्ठसहितको चिकित्सक टोलीले बिरामीहरूको परीक्षण तथा परामर्श दिएको थियो। शिविरमार्फत कुल २९३ जना स्थानीय बासिन्दाले स्वास्थ्य सेवा प्राप्त गरेका छन्। स्वास्थ्य परीक्षणका क्रममा ५ जनामा मुटुसम्बन्धी गम्भीर समस्या देखिएको चिकित्सक टोलीले जनाएको छ। तीमध्ये एक जनालाई तत्काल शल्यक्रियाका लागि अस्पतालमा बोलाइएको जानकारी दिइएको छ। त्यस्तै महिलाहरूमा…