स्वास्थ्य

हेटौंडा / मुख्य न्यायाधिवक्ता कार्यालय, बागमती प्रदेश, हेटौंडाले स्थापन दिवसको अवसरमा रक्तदान कार्यक्रम आयोजना गरेको छ। हेटौंडाको बुद्धचोकमा आयोजित कार्यक्रममा ७ जना महिला र २४ जना पुरुष गरी जम्मा ३१ जनाले रक्तदान गरेको मुख्य न्यायाधिवक्ता अप्सरा बस्नेतले जानकारी दिइन्। मुख्य न्यायाधिवक्ता बस्नेतले रक्तदान गरी कार्यक्रमको उद्घाटन गरेपछि सुरु भएको उक्त कार्यक्रममा कार्यालयका कर्मचारी तथा अन्य व्यक्तिहरूले समेत उत्साहपूर्वक रक्तदान गरेको कार्यालयले जनाएको छ।

हेटौंडा । हेटौंडा उपमहानगरपालिका–१५ नम्बर वडाले नागरिकको दैनिकीसँग प्रत्यक्ष जोडिएका आधारभूत सेवालाई केन्द्रमा राख्दै सराहनीय कार्यक्रम सुरु गरेको छ। वडाले आफ्ना बासिन्दाका लागि निःशुल्क खानेपानी, एम्बुलेन्स सेवा तथा उपचारका लागि आवश्यक रगतको व्यवस्था उपलब्ध गराउने निर्णय कार्यान्वयनमा ल्याएको हो। यस पहलपछि वडाबासीमा उत्साह देखिएको छ। विशेषगरी बिरामी पर्दा लाग्ने एम्बुलेन्स भाडा र रगत खरिदजस्ता खर्चले राहत पाउने भएपछि स्थानीयहरू खुसी भएका हुन्। वडा कार्यालयका अनुसार, अब वडाभित्रका नागरिक जहाँसुकै उपचारका लागि गए पनि एम्बुलेन्स खर्च र आवश्यक रगतको व्यवस्थापनमा आर्थिक भार कम हुनेछ। साथै, प्रत्येक घरधुरीलाई मासिक १० हजार लिटरसम्म खानेपानी निःशुल्क उपलब्ध गराइनेछ। यो कार्यक्रम विशेषतः विपन्न तथा आकस्मिक…

हेटौंडा । मकवानपुर जिल्लामा सञ्चालन गरिएको एचपीभी (HPV) खोप अभियान प्रभावकारी रूपमा सम्पन्न भएको छ। जिल्लाका १० वटा स्थानीय तहमा लक्षित समूहका ९५ प्रतिशत नागरिकलाई खोप लगाउन सफल भएको जनाइएको छ। मंगलबार गैर सरकारी संस्था महासंघको सभाहलमा आयोजित पत्रकार अन्तरक्रिया कार्यक्रममा जनस्वास्थ्य कार्यालय मकवानपुरले अभियानको प्रगति सार्वजनिक गरेको हो। कार्यालयका प्रमुख लक्ष्मण घिमिरेका अनुसार कुल ४ हजार ३ सय १२ जनालाई खोप लगाउने लक्ष्य राखिएकोमा ४ हजार ८६ जनाले खोप प्राप्त गरेका छन्। जिल्लाका विभिन्न पालिकामा खोप अभियान उत्साहजनक देखिएको छ। हेटौंडा उपमहानगरपालिकामा १ हजार ९ सय ७० लक्ष्यमध्ये १ हजार ९ सय १० जनालाई खोप लगाइएको छ भने थाहा…

हेटौँडा । मकवानपुरको विकट कैलाश गाउँपालिकामा १० शैयाको आधारभूत अस्पताल सञ्चालनमा आएको छ। बागमती प्रदेशका मुख्यमन्त्री इन्द्रबहादुर बानियाँले सोमबार उक्त अस्पतालको उद्घाटन गरेका हुन्। संघीय सरकारको ६ करोड ५८ लाख ९९ हजार १ सय ७६ रुपैयाँ लागतमा निर्माण गरिएको अस्पतालको भवन आशिष/आर्शिवाद/स्वामी नारायण जेभीसँग २०७८ जेठ २७ गते निर्माण सम्झौता भई २०८२ असारमा सम्पन्न भएको हो। अढाई तल्ले भवनमा १० शैया क्षमताको अस्पताल सञ्चालनमा ल्याइएको छ। अस्पतालमा २ जना चिकित्सकसहित २२ जनाको दरबन्दी रहेको छ। दरबन्दीअनुसार ५ जना स्टाफ नर्स, २ जना अनमी, ३ जना हेल्थ असिस्टेन्ट, २ जना अहेव, १ जना कविराज, १ जना ल्याब टेक्निसियन, १ जना रेडियोग्राफर,…

मकवानपुर । भीमफेदी गाउँपालिका–४ स्थित निबुवाटारमा एक दिने बृहत् निःशुल्क स्वास्थ्य शिविर सम्पन्न भएको छ। वडा कार्यालयको सिलिङ बजेटको सहयोग तथा निबुवाटार स्वास्थ्य चौकीको आयोजनामा शनिबार सञ्चालन गरिएको शिविरमा स्थानीय नागरिकले विशेषज्ञ चिकित्सकबाट स्वास्थ्य सेवा लिने अवसर पाएका हुन्। हर्ट फाउन्डेसन मकवानपुरको प्राविधिक सहयोगमा आयोजित शिविरमा चितवन मेडिकल कलेजका वरिष्ठ मुटुरोग विशेषज्ञ डा. मनोजकुमार श्रेष्ठसहितको चिकित्सक टोलीले बिरामीहरूको परीक्षण तथा परामर्श दिएको थियो। शिविरमार्फत कुल २९३ जना स्थानीय बासिन्दाले स्वास्थ्य सेवा प्राप्त गरेका छन्। स्वास्थ्य परीक्षणका क्रममा ५ जनामा मुटुसम्बन्धी गम्भीर समस्या देखिएको चिकित्सक टोलीले जनाएको छ। तीमध्ये एक जनालाई तत्काल शल्यक्रियाका लागि अस्पतालमा बोलाइएको जानकारी दिइएको छ। त्यस्तै महिलाहरूमा…

हेटौँडा । बागमती प्रदेश सरकारको प्रशासनिक संरचना सुधारका लागि गठित पूर्वसचिवहरूको विज्ञ टोलीले सुझावसहितको प्रतिवेदन प्रदेश सरकारलाई बुझाएको छ। पूर्वसचिव बिमल वाग्लेको संयोजकत्वमा रहेको टोलीले तीन महिनाको अध्ययनपछि तयार पारेको प्रतिवेदन मुख्यमन्त्री इन्द्रबहादुर बानियाँ र प्रशासनिक पुनर्संरचनाका लागि गठित उच्चस्तरीय अध्ययन समितिका संयोजक तथा कृषि तथा पशुपन्छी विकास मन्त्री मधुसूदन पौडेललाई हस्तान्तरण गरेको हो। गत असोज ३ गते बसेको मन्त्रिपरिषद् बैठकले प्रदेश सरकारको प्रशासनिक पुनर्संरचना अध्ययनका लागि मन्त्री पौडेलको संयोजकत्वमा उच्चस्तरीय समिति गठन गर्ने निर्णय गरेको थियो। विज्ञ टोलीका संयोजक वाग्लेले प्रतिवेदनमा मन्त्रालयदेखि प्रदेश सरकार मातहतका कार्यालयहरूलाई मितव्ययी, प्रभावकारी तथा सेवाग्राहीमैत्री बनाउने विषयमा विभिन्न सुझाव समेटिएको जानकारी दिए। उनका अनुसार…

हेटौँडा । मदन भण्डारी स्वास्थ्य विज्ञान प्रतिष्ठानका शैक्षिक कार्यक्रमलाई व्यवस्थित र स्थायी संरचनाबाट सञ्चालन गर्ने लक्ष्यसहित हेटौँडामा प्रिफ्याब भवन निर्माण कार्य सुरु गरिएको छ। हेटौँडा–१० टिसियन क्षेत्रमा निर्माण हुन लागेको उक्त भवनको ठेक्का सम्झौता सम्पन्न भएपछि बिहीबारदेखि निर्माण प्रक्रिया अघि बढाइएको हो। भवनको शिलान्यास बागमती प्रदेशका मुख्यमन्त्री इन्द्रबहादुर बानियाँ र प्रदेशका प्रथम मुख्यमन्त्री डोरमणि पौडेलले संयुक्त रूपमा गरेका हुन्। प्रतिष्ठानका रजिस्ट्रार भीमसागर गुरागाईंका अनुसार शैक्षिक गतिविधि सञ्चालनका लागि आवश्यक भौतिक पूर्वाधार तयार पार्ने उद्देश्यले निर्माण सुरु गरिएको यस भवनको लागत ८ करोड ६१ लाख १७ हजार ९ सय १ रुपैयाँ रहेको छ। निर्माण कार्यका लागि काठमाडौँस्थित बिजी–साबिरा–चन्द्रायण जेभीसँग सम्झौता गरिएको…

हेटौँडा । बागमती प्रदेशका मुख्यमन्त्री इन्द्रबहादुर बानियाँले जनताको स्वास्थ्यजस्तो संवेदनशील विषयलाई राजनीतिक विवादको विषय बनाउन नहुने बताएका छन्। मदन भण्डारी स्वास्थ्य विज्ञान प्रतिष्ठान अन्तर्गत हेटौँडा अस्पतालमा नवनिर्मित विशिष्टीकृत सेवासहितको २०० शय्याको भवन बिहीबार उद्घाटन गर्दै उनले चुनावका बेला राजनीतिक बहस स्वाभाविक भए पनि स्वास्थ्य सेवामा राजनीति गर्न नहुने धारणा व्यक्त गरे। उनले प्रतिष्ठान अहिलेसम्म राजनीतिक प्रभावबाट टाढा रहेको उल्लेख गर्दै आगामी दिनमा पनि त्यसलाई त्यही अवस्थामा राख्नुपर्ने बताए। मुख्यमन्त्री बानियाँले हेटौँडा अस्पताललाई स्वास्थ्य विज्ञान प्रतिष्ठानको रूपमा विकास गर्ने प्रक्रियामा विगतमा विभिन्न मतहरू उठे पनि आफू प्रमुख प्रतिपक्षी दलको नेताको भूमिकामा रहँदा संसद्बाट विधेयक सर्वसम्मत पारित गराउन पहल गरेको स्मरण गरे।…

हेटौँडा — बागमती प्रदेश सरकार अन्तर्गत रहेको मदन भण्डारी स्वास्थ्य विज्ञान प्रतिष्ठानले एमबीबीएस अध्यापन औपचारिक रूपमा सुरु गरेको छ। चिकित्सा शिक्षा आयोगबाट ५० सिटको स्वीकृति प्राप्त भएपछि प्रतिष्ठानले चालु शैक्षिक वर्षदेखि एमबीबीएस कार्यक्रम सञ्चालनमा ल्याएको हो। नयाँ भर्ना भएका विद्यार्थीहरूका लागि सोमबार अभिमुखीकरण कार्यक्रम आयोजना गरिएको थियो। कार्यक्रममा बोल्दै बागमती प्रदेशका स्वास्थ्य मन्त्री किरण थापाले प्रदेशका विभिन्न पालिकामा सञ्चालन भएका अस्पतालहरूमा चिकित्सक तथा स्वास्थ्यकर्मीको अभाव रहेको उल्लेख गर्नुभयो। उहाँले प्रतिष्ठानमा सुरु भएको एमबीबीएस कार्यक्रमले भविष्यमा दक्ष चिकित्सक उत्पादन गरी उक्त अभाव पूर्ति गर्न महत्वपूर्ण योगदान दिने विश्वास व्यक्त गर्नुभयो। मन्त्री थापाले नागरिकलाई गुणस्तरीय र व्यवस्थित स्वास्थ्य सेवा उपलब्ध गराउनु राज्यको…