लेख/रचना

हेटौंडा । सामुदायिक सेवा केन्द्र तथा सामुदायिक प्रहरी सेवा केन्द्र, हेटौंडा-११, मकवानपुरको आयोजना र हेटौंडा-११ वडा कार्यालयको आर्थिक सहयोगमा वक्तृत्वकला प्रतियोगिता सम्पन्न भएको छ। प्रतियोगितामा त्रिभुवन माध्यमिक विद्यालयकी वर्षा चापागाईं प्रथम भएकी छिन्। त्यसैगरी, जेम्स इङ्लिस मिडियम स्कुलकी अंकिता सुवेदी द्वितीय र सोही विद्यालयकी प्रीन्सा ढकाल तृतीय हुन सफल भएकी छिन्। प्रतियोगितामा उत्कृष्ट हुने विद्यार्थीहरूलाई क्रमशः ५,०००, ३,५०० र १,५०० रुपैयाँ नगदसहित प्रमाणपत्र वितरण गरिएको थियो।

हेटौंडा – हेटौंडा उपमहानगरपालिका-११ स्थित त्रिभुवन माध्यमिक विद्यालयमा माध्यमिक तह स्तरीय वक्तृत्वकला प्रतियोगिता सम्पन्न भएको छ। साहित्य संगम मकवानपुरको आयोजना र हेटौंडा उपमहानगरपालिका-११ नम्बर वडाको प्रवर्द्धनमा उक्त प्रतियोगिता आयोजना गरिएको हो। ‘पर्यापर्यटनमा स्थानीय सरकारको भूमिका’ विषयक वक्तृत्वकला प्रतियोगितामा हेटौंडा-११ स्थित हेटौंडा एकेडेमीका छात्र सुलोचन पराजुली प्रथम भएका छन्। त्यसैगरी, हेटौंडा-१८ स्थित ज्योति माध्यमिक विद्यालयकी छात्रा सुनिता भोम्जन द्वितीय र त्रिभुवन माध्यमिक विद्यालयकी छात्रा पृज्मा शिवाकोटी तृतीय भइन्। साथै, हेटौंडा-९ स्थित प्रगति माध्यमिक विद्यालयकी छात्रा सदिक्षा नेपाल र बकैया गाउँपालिका स्थित बुद्ध माध्यमिक विद्यालयकी छात्रा सुमिना दाहालले सान्त्वना पुरस्कार प्राप्त गरे। साहित्य संगम मकवानपुरका अध्यक्ष डीबी बर्तौलाको सभाध्यक्षता तथा वडाध्यक्ष जुना…

हेटौँडा । नवसर्जक साहित्य चौतारी नेपालको ४२औँ मासिक शृङ्खलाको अवसरमा चौतारीकी बागमती प्रदेश सदस्य सुमि थिङको मुक्तक सङ्ग्रह ‘जीवनको गोरेटो’ कृतिको विमोचन तथा विमर्श कार्यक्रम हेटौँडामा सम्पन्न भएको छ। हेटौँडास्थित अमर माध्यमिक विद्यालयमा कक्षा ९ मा अध्ययनरत १४ वर्षीया सुमि थिङको पहिलो कृतिका रूपमा उक्त मुक्तक सङ्ग्रह प्रकाशन गरिएको हो। सानै उमेरमा साहित्य सिर्जनामा सक्रिय सुमिको कृति सार्वजनिक हुनु साहित्यिक वृत्तमा उत्साहको विषय बनेको आयोजकले जनाएको छ। नवसर्जक साहित्य चौतारी नेपालकी केन्द्रीय महासचिव स्वस्तिका दाहालको अध्यक्षता तथा हेटौँडा उपमहानगरपालिका वडा नं. १ का वडाध्यक्ष एवं उपमहानगरपालिकाका प्रवक्ता सविन न्यौपानेको प्रमुख आतिथ्यमा कार्यक्रम सम्पन्न भएको थियो। कार्यक्रममा अग्रज साहित्यकार डा. निमेष…