स्वास्थ्य

रेडियो मकवानपुरको १६ औं वार्षिकोत्सव अन्तर्गत सप्ताहव्यापी कार्यक्रम सुरु भएको छ । रेडियोको वार्षिकोत्सव तथा रेडियोको सञ्चालक संस्था दिव्यतारा बहुउद्देश्यीय सहकारीको स्थापना दिवसको अवसरमा प्रत्येक वर्ष माघ १६ देखि २२ गतेसम्म सप्ताहव्यापी कार्यक्रमको आयोजना हुँदै आएको छ । सप्ताहव्यापी कार्यक्रमको पहिलो दिन रेडियो मकवानपुरकै प्राङ्गण हेटौंडा २ पल्पसाहल रोडमा रक्तदानको आयोजना भएको छ । रक्त सञ्चार केन्द्र हेटौंडाको सहकार्यमा भएको कार्यक्रममा १८ जनाले रक्तदान गरेका छन् । कार्यक्रममा रेडियो मकवानपुर सञ्चालक समिति अध्यक्ष आनन्दराम पराजुली, स्टेसन म्यानेजर गणेशदर्पण अधिकारी, पत्रकार महासंघ मकवानपुरका सचिव केशव समर्पण सुवेदी, दिव्यतारा बहुउद्देश्यीय सहकारीका सचिव ईश्वर पण्डित, मकवानपुर उद्योग वाणिज्य संघका सचिव कुलप्रसाद चौलागाइँ, रक्त…

हेटौंडा । बागमती प्रदेश सभाको ८औँ वार्षिकोत्सवको अवसरमा रक्तदान कार्यक्रम आयोजना गरिएको छ । प्रदेश सभा हेटौंडाको सचिवालय परिसरमा आयोजित उक्त कार्यक्रममा उपसभामुख अप्सरा चापागाईंले रक्तदान गरेपछि कार्यक्रमको उद्घाटन गरिएको थियो । कार्यक्रममा प्रदेश सभाका कर्मचारी तथा अन्य व्यक्तिहरू गरी जम्मा १६ जनाले रक्तदान गरेका थिए । रक्तदान कार्यक्रममा बागमती प्रदेशका मन्त्रीहरू तथा प्रदेश सभाका सदस्यहरूको भने उपस्थिति नरहेको प्रदेश सभा सचिवालयले जनाएको छ ।

हेटौँडा । बागमती प्रदेशभित्र निर्माण हुने सार्वजनिक भौतिक संरचनालाई अपाङ्गता भएका व्यक्तिसहित सबै नागरिकका लागि सहज पहुँचयोग्य बनाउने उद्देश्यले ‘सार्वजनिक पूर्वाधारमा सर्वसुलभ (युनिभर्सल) डिजाइन’ सम्बन्धी निर्देशिका निर्माण प्रक्रिया औपचारिक रूपमा अघि बढाइएको छ । प्रदेशको भौतिक पूर्वाधार विकास मन्त्रालयले हेटौँडामा आयोजना गरेको कार्यशाला तथा कार्यदलको पहिलो बैठकसँगै निर्देशिका निर्माणको काम सुरु गरिएको हो । सरकारले संसदमार्फत ऐन निर्माणको प्रक्रिया पूरा नहुँदै मन्त्रिपरिषद्बाट निर्देशिका स्वीकृत गरी तत्काल कार्यान्वयनमा लैजाने तयारी गरेको जनाएको छ । यसका लागि प्राविधिक सहयोग लिने गरी एक गैरसरकारी संस्थासँग सहकार्यसम्बन्धी समझदारीसमेत गरिएको छ । कार्यक्रममा सरोकारवालाले अब बन्ने सार्वजनिक संरचनामा अपाङ्गता भएका व्यक्ति, वृद्ध, बालबालिका तथा अस्थायी…

हेटौँडा । मकवानपुरको एक ग्रामीण क्षेत्रमा युवावर्गमा लागुपदार्थ सेवनको समस्या बढ्दो रूपमा देखिन थालेको भन्दै सरोकारवालाले चिन्ता व्यक्त गरेका छन् । पछिल्लो समय गाँजाभन्दा पनि अफिमबाट उत्पादित ब्राउन सुगरतर्फ युवाहरू आकर्षित हुँदै गएको बताइएको छ । कैलाश गाउँपालिका–९ स्थित एक माध्यमिक विद्यालयमा आयोजित लागुऔषध दुर्व्यसनविरुद्धको सचेतनामूलक कार्यक्रममा बोल्दै स्थानीय नेतृत्वले लागुपदार्थ प्रयोगले स्वास्थ्य, सामाजिक जीवन र कानुनी अवस्थासमेत गम्भीर असर पार्ने उल्लेख गर्नुभयो । चुरोट–खैनीबाट सुरु भएको कुलत क्रमशः गाजा हुँदै ब्राउन सुगरसम्म पुग्ने अवस्था देखिन थालेको उहाँको भनाइ थियो । कार्यक्रममा पछिल्लो समय किशोरसँगै किशोरीहरू पनि प्रयोगकर्ताको रूपमा देखिन थालेकोप्रति चिन्ता व्यक्त गरियो । लागुपदार्थ उत्पादन हुने कच्चा पदार्थकै…

हेटौंडा । संघीय खानेपानी तथा ढल व्यवस्थापन कार्यालय र हेटौंडा खानेपानी व्यवस्थापन बोर्डको संयुक्त लगानीमा निर्माण गरिएको अत्याधुनिक पानी परीक्षण प्रयोगशाला सञ्चालनमा आएको छ । हेटौंडा खानेपानी व्यवस्थापन बोर्डको कार्यालय परिसरमा स्थापना गरिएको प्रयोगशालाको हेटौंडा उपमहानगरपालिकाकी प्रमुख मीना कुमारी लामाले सोमबार एक समारोहबीच उद्घाटन गरिन् । उद्घाटन कार्यक्रममा बोल्दै प्रमुख लामाले सुरक्षित र गुणस्तरीय खानेपानी नागरिकको आधारभूत अधिकार भएको उल्लेख गरिन् । उनले नयाँ तथा अत्याधुनिक प्रयोगशालाको सञ्चालनसँगै पानीको गुणस्तर परीक्षण प्रक्रिया वैज्ञानिक, विश्वसनीय र राष्ट्रिय मापदण्डअनुसार हुने विश्वास व्यक्त गरिन् । नगरवासीलाई स्वच्छ र सुरक्षित पानी उपलब्ध गराउन प्रयोगशालाले महत्वपूर्ण भूमिका खेल्ने उनको भनाइ थियो । हेटौंडा खानेपानी व्यवस्थापन…

हेटौंडा । हेटौंडा ११ का बालबालिकाहरुलाइ भिटामिन ए र जूकाको दवाइ खुवाइएको छ । हेटौंडा उपमहानगर पालिका ११ नम्बर वडाका ६ महिना पूरा भएको र ५ वर्ष ननाघेको बालबालिकाहरुलाइ जूकाको दवाइ र भिटामिन ए खुवाइएको हो । कार्तिक २० गते बिहिवार देखि कार्तिक २१ गते शुक्रबार सम्म हेटौंडा ११ को सिमलटार टोलविकास संस्था , बिपन्न वचत तथा ॠण सहकारी संस्था लिमिटेडको भवन , त्रिभुवन मावि ( नवलपुर ) अगाडि , सहिद स्मारक , सरस्वतीको प्रतीक्षालय , नवलपुर आधारभूत शहरी स्वास्थ्य कार्यालय , दुइवस्ती खानेपानीको भवन र सरस्वतीको सिटिइभिटी अगाडि स्वास्थ्य स्वयं सेविकाहरुद्वारा जूकाको दवाइ र भिटामिन ए खुवाइएको आमा समुहकी…

हेटौंडा । राष्ट्रिय स्वतन्त्र पार्टी मकवानपुरले हेटौंडाको बुद्धचोकमा शनिबार खुला रक्तदानको आयोजना गरेको छ । राष्ट्रिय स्वतन्त्र पार्टी बागमती प्रदेश र्याटको समन्वय र नेपाल रेडक्रस सोसाइटी , रक्तसञ्चार केन्द्र हेटौंडाको प्राविधिक सहयोगमा गरिएको रक्तदान कार्यक्रममा ३५ जनाले रक्तदान गरेका थिए । रास्वपा मकवानपुरका सभापति भरत पराजुलीको सभाध्यक्षतामा भएको कार्यक्रममा सङ्घिय पुर्व साम्सद रास्वपाका केन्द्रिय सदस्य बिन्दवासिनी कङ्साकारको प्रमुख आतिथ्यता रहेको थियो । गत भाद्र २३ र २४ गते जेन्जी आन्दोलनमा गोली लागेर घाइते भएका युवाहरूलाई रगतको आवस्यकतामा सघाउ पुर्याउने उदेश्यले रक्तदान कार्यक्रमको आयोजना गरिएको र्याटका बागमती प्रदेश सचीव महेन्द्र कुमार श्रेष्ठले जानकारी दिए । रक्तदान कार्यक्रममा रास्वपा , रास्वपा र्याटका…

हेटौँडा ।‘आफ्नो आँखालाई माया गरौं’ भन्ने नारासहित विश्व दृष्टि दिवस–२०२५ नेपालभर विभिन्न कार्यक्रमका साथ मनाइएको छ। यस अवसरमा तिलगंगा आँखा प्रतिष्ठान अन्तर्गतको हेटौँडा सामुदायिक आँखा अस्पतालले दृष्टि समस्या, अन्धोपनका कारण र बच्ने उपायबारे छलफल कार्यक्रम आयोजना गरेको छ। कार्यक्रममा अस्पतालका प्रमुख सुनिल थकालीले अन्धोपनका प्रमुख कारण, सुरक्षाका उपाय र समयमै उपचारको महत्त्वबारे जानकारी गराए। उहाँका अनुसार, नेपालमा दृष्टि समस्या हुने जनसंख्या ३.९ प्रतिशत र अन्धोपन हुने दर ०.३ प्रतिशत रहेको छ। तीमध्ये महिलामा समस्या बढी देखिएको उल्लेख गर्दै थकालीले भने, “अन्धोपनका करिब ६५ प्रतिशत कारण मोतीबिन्दु हुन्, बाँकीमा जलबिन्दु, उमेरजन्य पर्दा र रेटिनासम्बन्धी समस्या मुख्य हुन्।” विश्व स्वास्थ्य सङ्गठन (WHO)…