समाचार

हेटौंडा / सजनी स्टोर्स ग्लोहब हेटौंडा १० बसपार्कमा पनि संचालनमा आएको छ । स्टोर्स ग्लोहबको उद्घाटन हबका संचालक चन्द्र डङ्गोल ,सबिना डङ्गोल र सजनी डङ्गोलले सङ्युक्त रुपमा रिबन काटेर गरेका हुन् । स्टोर्स ग्लोहबमा स्मार्ट चस्मा , घडी , लगायत इलेक्ट्रोनिक सामानहरु सुलभ मुल्यमा पाइने जनाइएको छ । यसको शाखा हेटौंडा ११ मा पनि केही समय अगाडि संचालनमा आएको छ । ब्यापारका साथसाथै गुणस्तरमा ध्यान दिन्छौं र ग्राहकको चाहना पूरा गरेर गूड्विल कमाउछौ त्यो हाम्रो मुख्य उद्देश्य हुनेछ संचालक चन्द्र डङ्गोलको भनाइ रहेको छ ।

हेटौंडा । हेटौंडा–११ स्थित त्रिभुवन माविबाट टोल परिचालन कमिटी गठन भएको छ । वडास्थित नवलपुरमा अवस्थित माविले गोल्फिनटारमा अभिभावक भेला गरी परिचालन कमिटी गठन गरेको हो । कमिटीमा पूर्णकुमारी बस्नेत अध्यक्ष चयन भएकी छन् भने उपाध्यक्षमा कल्पना सापकोटालाई चयन गरिएको छ । सदस्यमा बबिता बानिया“, सीता बानिया“, विशाल तामाङ, बुद्धिमान पाख्रिन, कुमारी खत्री, बाटुली थापा, ममता पटेल, भुवादेवी सापकोटा चयन भएका छन् भने सल्लाहकारमा रामेश्वर पोखरेल, देवीमाया पोखरेल छन् । कमिटी गठनमा विद्यालयका प्रअ रामकुमार बर्तौला, सहायक प्रअद्वय शर्मिला ढकाल र बैकुण्ठ नेपाल, विद्यालय व्यवस्थापन समिति सदस्य गोबिन्दप्रसाद न्यौपानेलगायतको उपस्थिति थियो ।

हेटौँडा । बागमती प्रदेश सरकारले आगामी आर्थिक वर्षको बजेट आम्दानी वृद्धि र उत्पादन विस्तारमा केन्द्रित गर्ने संकेत दिएको छ। प्रदेशका मुख्यमन्त्री इन्द्रबहादुर बानियाँले सरकारको प्राथमिकता नागरिकलाई उत्पादनसँग जोड्दै आर्थिक रूपमा सबल बनाउनेतर्फ रहने स्पष्ट पार्नुभएको छ। मुख्यमन्त्री तथा मन्त्रिपरिषद् कार्यालयमा आयोजित अन्तरसंवाद कार्यक्रममा उहाँले प्रदेशको राजस्व बढाउने र श्रमलाई उत्पादनमा रूपान्तरण गर्ने योजनालाई बजेटको केन्द्रमा राखिने जानकारी दिनुभयो। गरिबी न्यूनीकरणका लागि “कमाएर खाने” वातावरण निर्माण गर्न सरकार प्रतिबद्ध रहेको उहाँको भनाइ थियो। सरकारले अपेक्षाअनुसार बजेट खर्च गर्न नसकेको स्वीकार गर्दै मुख्यमन्त्री बानियाँले विभिन्न बहानामा जिम्मेवारीबाट पन्छिने प्रवृत्ति नरहेको पनि उल्लेख गर्नुभयो। साथै, सरकारका निर्णयहरू कार्यान्वयनको चरणमा पुगेको र त्यसका परिणामहरू…

हेटौंडा / हेटौंडामा युवाहरुमा हुने असमानताबारे सरोकारवालाहरुसँग छलफल भएको छ । गैरसरकारी महासङ्घको आयोजना र अक्सफामको सहकार्यमा कार्यक्रम भएको हो । कार्यक्रममा बोल्दै गैसस महासङ्घकी महासचिव देवी खड्काले धर्म, जात, वर्ग, लिङ्ग, भूगोलका आधारमा असमानता बढेकोले युवाहरु स्वदेशमा काम गर्न बस्नुभन्दा पनि विदेशलाई रोजगारको गन्तव्य बनाउन थालेको भन्दै चिन्ता व्यक्त गरिन् । यस्तै उपमहासचिव किरण थापाले नागरिक आवाजलाई बुलन्द बनाउन आवश्यक रहेको बताए । नेपालमा केही भएन भन्नुभन्दा धेरै कुरा भएको छ, तर त्यो पर्याप्त मात्रामा नभएकोले नागरिकहरुले संघर्ष गर्नुपर्ने कुरामा जोड दिए । यस्तै काठमाडौं विश्वविद्यालयकी असिस्टेन्ट प्रोफेसर डाक्टर रुपा मुनाकर्मीले विश्वमा धनीहरु बढेको र उनीहरुले पैसालाई कब्जामा राखेका…

मनहरी । मनहरी गाउँपालिका वडा नम्बर २ अन्तर्गत ट्याङ्कीदमार टोल र दोभान टोलमा आज बाल समूहको बैठक तथा परिचयात्मक कार्यक्रम भएको छ । मनहरी गाउँपालिका वडा नम्बर १,२,३ र ४ का बालमैत्री सहजकर्ता लिला माया तामाङको उपस्थितिमा कार्यक्रम सम्पन्न भएको हो । भविष्यका कर्णधार आजका बालबालिकालाई सहि बाटोमा हिंडाउने र निर्धक्कसाथ बोल्न सक्ने बनाउने उद्देश्यका साथ बाल समूह गठन गर्दै अघि बढेको कार्यक्रममा बालबालिकालाई आफ्नो परिचय कसरी गर्ने भन्ने विषयमा अभ्यास गराइएका छन् । बालबालिकाको वार्षिक परीक्षा सकिए लगत्तै हुने विदा समयको सदुपयोग गरि बाल मानस्पटलमा सकारात्मक सोच र बिचार भरिदिन पाएकोमा बालमैत्री सहजकर्ता लिला माया तामाङले खुसी व्यक्त गरेका…

हेटौंडा / हेटौंडा ११ स्थित जिम्बाडाडा तथा तल्लोताल खानेपानी उपभोक्ता समितिको अध्यक्ष पदमा अनिरुद्र लुइँटेल निर्वाचित भएका छन् । लुइँटेलले ३०५ मत प्राप्त गरि बिजय भएका हुन् भने उनका प्रतिस्पर्धी लालकृष्ण प्याकुरेलले २९७ मत प्राप्त गरेका थिए । यसैगरी उपाध्यक्ष पदमा धनबहादुर भण्डारीले २९२ मत प्राप्त गरि बिजय भएका थिए भने उनका प्रतिद्वन्द्वी शिवप्रसाद न्यौपानेले २७९ मत प्राप्त गरेका थिए । यस्तै सचिव पदमा सुदर्शन बर्तौला निर्बिरोध निर्वाचित भए । यस्तै सहसचिव पदमा कृष्णप्रसाद चौरेल २८६ मत प्राप्तगरि बिजय भए भने उनका प्रतिद्वन्द्वी लक्ष्मी बजगाइले २५० मत प्राप्त गएका थिए । यसैगरी कोषाध्यक्ष पदमा प्रेमकुमारी चौलागाईं ३१६ मत प्राप्तगरि बिजय…

हेटौँडा । बागमती प्रदेश सरकारअन्तर्गत श्रम, रोजगार तथा यातायात मन्त्रालयद्वारा गठन गरिएको प्रदेश श्रम सल्लाहकार परिषद्को दोस्रो पूर्ण बैठक हेटौँडामा सम्पन्न भएको छ। बैठकले प्रदेशको श्रम क्षेत्र सुधारका लागि ठोस नीति तथा कार्यक्रम अघि बढाउने संकेत दिएको छ। श्रम, रोजगार तथा यातायात मन्त्री जयराम थापाको अध्यक्षतामा मन्त्रालय परिसरमा आयोजित बैठकमा विभिन्न मन्त्रालयका सचिवहरू, सम्बन्धित निकायका प्रतिनिधि, रोजगारदाता तथा ट्रेड युनियनका प्रतिनिधिहरूको उल्लेख्य सहभागिता रहेको थियो। बैठकमा प्रदेशभित्र रोजगारीका अवसर विस्तार, श्रमिकहरूको सीप विकास, वैदेशिक रोजगारीलाई सुरक्षित, व्यवस्थित र मर्यादित बनाउने उपाय, श्रमिक अधिकार संरक्षण तथा श्रम कानुनको प्रभावकारी कार्यान्वयनका विषयमा गहन छलफल भएको थियो। निजी क्षेत्रसँग सहकार्य बढाउँदै उत्पादनशील क्षेत्रमा…