मकवानपुर विशेष

हेटौँडा । मकवानपुरको हेटौँडा उपमहानगरपालिकाले आगामी आर्थिक वर्ष २०८३/०८४ को बजेट, नीति तथा कार्यक्रमलाई थप जनमुखी र पारदर्शी बनाउन नगरवासीसँग सुझाव संकलन सुरु गरेको छ। स्थानीय सरकारको योजना तर्जुमा प्रक्रियामा नागरिकको प्रत्यक्ष सहभागिता सुनिश्चित गर्ने उद्देश्यले उपमहानगरले प्रविधिको प्रयोग गर्दै 'क्यूआर कोड' मार्फत सुझाव संकलन अभियान थालेको हो। विकास निर्माण, पूर्वाधार, शिक्षा, स्वास्थ्य, कृषि, पर्यटन, रोजगार, वातावरण संरक्षण, खानेपानी, सडक तथा सामाजिक विकास लगायतका क्षेत्रमा नागरिक, बुद्धिजीवी, व्यवसायी, युवा, महिला, किसान र शिक्षक लगायत सम्पूर्ण सरोकारवालाले आफ्नो राय दिन सक्नेछन्। उपमहानगरपालिकाले सार्वजनिक गरेको क्यूआर स्क्यान गरी सजिलै आफ्ना सुझाव पठाउन सकिने व्यवस्था मिलाइएको छ। नीति तथा कार्यक्रम निर्माण प्रक्रियालाई पारदर्शी…

हेटौंडा । हेटौंडा उपमहानगरपालिकाले २०८२ सालको माध्यमिक शिक्षा परीक्षा (एसईई) मा उत्कृष्ट नतिजा हासिल गर्ने विद्यार्थीहरूलाई सम्मान गरेको छ। जिल्लाका विभिन्न विद्यालयबाट ४ जीपीए प्राप्त गरी जिल्लाकै गौरव बढाएको भन्दै १३ जना विद्यार्थीलाई एक विशेष कार्यक्रमका बीच सम्मान गरिएको हो। उपमहानगरपालिकाले उत्कृष्ट शैक्षिक उपलब्धि हासिल गरेका ती विद्यार्थीहरूलाई जनही ६ हजार रुपैयाँ नगदसहित प्रशंसापत्र प्रदान गरेको छ। सम्मानित हुने विद्यार्थीहरूमा नवोदय शिशु सदनका वृष्टि जयस्वाल, परजन्य कुशवाह र पूर्णता गोर्खाली रहेका छन्। त्यस्तै, जी.एस. निकेतनका एलेक्स घिमिरे, समीक्षा यादव र रौनक भण्डारीलाई पनि सम्मान गरिएको छ। बालजागृति अंग्रेजी माध्यम विद्यालयका देविना सञ्जेल र रेनिसा सापकोटा, ब्रह्मदिक विद्यालयका कुष्मा लौडारी र…

हेटौंडा । हेटौँडा–११ स्थित सिमलटार सुकुम्बासी बस्ती पुगेर श्रमशक्ति पार्टीका अध्यक्ष हर्क साम्पाङले सुकुम्बासीमाथि भइरहेको दबाब र विस्थापनको प्रयासप्रति कडा आपत्ति जनाएका छन्। उनले राज्यले नागरिकलाई संरक्षण दिनुपर्ने ठाउँमा उल्टै घर भत्काएर त्रास सिर्जना गर्नु अस्वीकार्य भएको बताएका हुन्। सिमलटारमा आयोजित भेटघाट कार्यक्रममा बोल्दै साम्पाङले संविधानले प्रत्येक नागरिकलाई बाँच्न र सुरक्षित आवासमा बस्न पाउने मौलिक हक सुनिश्चित गरेको स्मरण गराउँदै बल प्रयोगको शैलीमा गरिने कुनै पनि कदम लोकतान्त्रिक मूल्यविपरीत हुने बताए। उनले भने, “हरेक नागरिकलाई सम्मानपूर्वक बाँच्न पाउने अधिकार छ। राज्यले अचानक डोजर लिएर आएर जनता आतंकित बनाउने काम गर्नु हुँदैन। हामी त्यसको विपक्षमा छौँ।” साम्पाङले सुकुम्बासी समस्यालाई केवल स्थानीय…

हेटौँडा । मकवानपुरका सुकुम्बासी तथा अव्यवस्थित बसोबासीहरूले जग्गाको निस्सा उपलब्ध गराउन माग गर्दै संघीय सरकार र स्थानीय तहको ध्यानाकर्षण गराएका छन्। उनीहरूले प्रमुख जिल्ला अधिकारी बसन्त अधिकारीमार्फत प्रधानमन्त्री बालेन्द्र शाह र हेटौँडा उपमहानगरपालिकाकी नगर प्रमुख मिनाकुमारी लामालाई ज्ञापनपत्र बुझाउँदै दीर्घकालीन समस्या समाधानको माग गरेका हुन्। आवासीय अधिकार कुण्ठित हुने गरी जारी सूचनाहरू तत्काल खारेज गर्नुपर्ने उनीहरूको माग छ। नेपाल बसोबास संरक्षण समाज मकवानपुरका अध्यक्ष कमलचन्द्र सुमनका अनुसार भूमि ऐन २०२१ अनुसार गठन गरिएको भूमि समस्या समाधान आयोगमार्फत सुकुम्बासी तथा अव्यवस्थित बसोबासीले हकभोग गर्दै आएको जग्गाको निस्सा प्रदान गरिनुपर्छ। ज्ञापनपत्रमा वर्षौँदेखि बसोबास गर्दै आएको सरकारी, ऐलानी तथा वन क्षेत्रको जमिन खाली…

हेटौंडा /  हेटौंडा उपमहानगरपालिका ५ नम्बर वडाकाे राईटोलमा नवनिर्मित वडा कार्यालय तथा सामुदायिक भवन उद्घाटन गरिएको छ । हेटौंडा उपमहानगरपालिकाकाे मेयर मीना कुमारी लामाद्वारा आज एक औपचारिक कार्यक्रमबीच उक्त भवनकाे उद्घाटन गरिएको हाे ।  १ करोड २० लाख रुपैयाँको लागतमा निर्माण सम्पन्न उक्त भवन स्थानीय, समाजसेवी, विभिन्न राजनीतिक दल तथा जनप्रतिनिधिहरूको सहयोग र सहकार्यबाट सम्पन्न भएको हो । नवनिर्मित प्रशासनिक भवनको उद्घाटन समारोहलाई सम्बोधन गर्दै मेयर लामाले हेटौंडा नगरको परिकल्पना अनुरूपको हेटौंडा निर्माणका लागि पहलहरू भइरहेको बताइन् । उनले अहिले बनेको नयाँ सरकारलाई सहयोग गर्दै नगरको समृद्धिका लागि सबै पक्ष एकजुट हुनुपर्नेमा जोड दिइन् । वडा कार्यालय जनताको सेवाको आधारस्तम्भ…

हेटौँडा । अब मकवानपुरका सेवाग्राहीले राहदानी लिन जिल्ला प्रशासन कार्यालय धाउनुपर्ने झन्झट हट्ने भएको छ । जिल्ला प्रशासन कार्यालय मकवानपुरले हुलाक सेवामार्फत राहदानी सीधै घरमै पु¥याउने नयाँ व्यवस्था लागू गर्न लागेको हो । यो सेवा आगामी वैशाख २ गतेदेखि औपचारिक रूपमा सञ्चालनमा आउने जनाइएको छ । सेवाग्राहीको समय र श्रम बचत गर्ने उद्देश्यसहित सुरु गरिएको यस पहलले राहदानी वितरण प्रक्रियालाई थप सहज र प्रभावकारी बनाउने अपेक्षा गरिएको छ । प्रशासनले सेवा कार्यान्वयनका लागि जिल्ला हुलाक कार्यालयसँग समन्वय गरेर तयारी अघि बढाइसकेको जनाएको छ । प्रमुख जिल्ला अधिकारी बसन्त अधिकारीका अनुसार सुरुवाती चरणमा हेटौँडा उपमहानगरपालिका क्षेत्रभित्र मात्र सेवा उपलब्ध गराइनेछ ।…

हेटौँडा । जिल्ला प्रशासन कार्यालय मकवानपुरले पेट्रोलियम पदार्थको प्रयोगमा मितव्ययिता अपनाउन सबै सरकारी निकायलाई आग्रह गरेको छ। बिहीबार जारी सूचनामार्फत प्रशासनले अत्यावश्यक सरकारी कार्यबाहेक अन्य प्रयोजनका लागि सरकारी सवारी साधन प्रयोग नगर्न निर्देशन दिएको हो। सूचनामा सार्वजनिक बिदाका दिन सवारी साधन सञ्चालन नगर्न स्पष्ट उल्लेख गरिएको छ। साथै, सार्वजनिक बिदा वा जिल्ला बाहिर सरकारी कामका लागि सवारी साधन प्रयोग गर्नुपर्ने अवस्था आएमा अनिवार्य रूपमा पास लिएर मात्र सञ्चालन गर्नुपर्ने व्यवस्था गरिएको छ। पेट्रोलियम पदार्थको आपूर्तिमा आएको कमीलाई मध्यनजर गर्दै खपत घटाउने उद्देश्यले नेपाल सरकार मन्त्रिपरिषद्ले चैत २३ गतेदेखि लागू हुने गरी सातामा थप एक दिन सार्वजनिक बिदा दिने निर्णय गरेको…

हेटौँडा — हेटौँडा उपमहानगरपालिका–१० स्थित बसपार्क क्षेत्रमा निर्माणाधीन ‘पारिजात स्मृति घण्टाघर’ अन्तिम चरणमा पुगेको छ। वडा कार्यालयको लगानीमा निर्माण भइरहेको उक्त संरचनालाई हेटौँडाको नयाँ पहिचानका रूपमा विकास गर्ने लक्ष्य राखिएको छ। साहित्यकार पारिजातको सम्झनामा निर्माण भइरहेको घण्टाघरले शहरको सांस्कृतिक र ऐतिहासिक पहिचान झल्काउने अपेक्षा गरिएको छ। वडा नम्बर–१० का अध्यक्ष फुर्वा दोर्जे लामाका अनुसार सार्वजनिक स्थललाई आकर्षक, व्यवस्थित र सांस्कृतिक रूपमा समृद्ध बनाउने उद्देश्यसहित यो परियोजना अघि बढाइएको हो। उनले हेटौँडाको मौलिकता झल्काउने संरचना निर्माण गर्ने प्रयास भइरहेको बताउँदै यो घण्टाघर शहरको पहिचान मात्र नभई मकवानपुर जिल्लाको गौरव र विकासको प्रतीक बन्ने विश्वास व्यक्त गर्नुभयो। बागमती प्रदेशको राजधानी हेटौँडाको केन्द्रभागमा…

हेटौंडा । मकवानपुरको इन्द्रसरोवरमा जडीबुटीको परिचय पुस्तिका विमोचन गरिएको छ । इन्द्रसरोवर गाउँपालिकामा जडीबुटीहरु ः पहिचान, उपयोग र संरक्षण नाम पुस्तकको विमोचन गरिएको हो । बिहीबार (आज) गाउँपालिका परिसरमा आयोतित कार्यक्रममा इन्द्रसरोवर गाउँपालिकाका अध्यक्ष देवकृष्ण पुडासैनीको अध्यक्षतामा पुस्तक विमोचन भएको हो । सामाजिक अनुसन्धान तथा विकास केन्द्र (सगुन) संस्था र गाउँपालिकाको लागत सहभागितामा गाउँपालिका भित्र पाइने जडीबुटीहरुको अध्ययन गरेर पुस्तक प्रकाशन गरिएको सगुनका प्रतिनिधि महन्त बावु महर्जनले बताए । उनका अनुसार गाउँपालिकाभर पाइने औषधियुक्त जडीबुटीको विषयमा खोज अनुसन्धान गरिएको छ । सगुनका अनुसन्धानकर्ता डा.कमल फुयाँल, डा. अञ्जु कार्की, महन्त बावु महर्जन र शालिक राम डंगोलले पुस्तक लेखेका हुन् । गाउँपालिकामा…