मकवानपुर । हेटौँडामा रक्तदान कार्यक्रम सम्पन्न भएको छ | मकवानपुर बहुमुखी क्याम्पसमा अनेरास्ववियु मकवानपुर बहुमुखी क्याम्पसद्वारा भएको रक्तदान कार्यक्रममा ५१ जनाले रक्तदान गरेका हुन् ।
अनेरास्ववियु मकवानपुर बहुमुखी क्याम्पस कमिटीका संयोजक प्रसिद्ध रेग्मीले रक्तदान गरेर कार्यक्रमको उद्दघाटन भएको हो । कार्यक्रममा कमिटीका संयोजक प्रसिद्ध रेग्मीको सभाध्यक्षता तथा अनेरास्ववियु केन्द्रीय कमिटी सदस्य आकाश अधिकारीको प्रमुख आतिथ्यता रहेको थियो भने अनेरास्ववियु बागमती प्रदेश कमिटि सदस्य तथा प्रचारप्रसार बिभाग प्रमुख भुपेन्द्र राना मगरको बिशेष अतिथ्यता रहेको थियो ।
कार्यक्रममा नेपाल रेडक्रश सोसाइटीको प्राविधिक सहयोग रहेको थियो । रगतको अभाव रहेको बेला बिरामीमा सहयोग पुर्याउने उद्येश्यले रक्तदान कार्यक्रम आयोजना गरिएको कमिटीका सदस्य निशान भण्डारीले जानकारी दिए ।
कार्यक्रममा अनेरास्ववियु मकवानपुर जिल्ला कमिटी उपाध्यक्ष नवराज शर्मा पौडेल , शिव पुलामी मगर , जिल्ला कमिटी सह सचिव जस्प्रिता अधिकारी , अनेरास्ववियु मकवानपुर कोषाध्यक्ष ईशा पाख्रिन , मकवानपुर बहुखि क्यामपस स्ववियु सदस्य उन्नत देवकोटा , अभिषेक दाहाल लगायतको उपस्थिति रहेको थियो ।
