समाचार

हेटौंडा । हेटौंडा उपमहानगरपालिका–८ नं. वडा कार्यालयको आर्थिक सहयोगमा कर्णावती उधमी महिला कृषक समूहलाई उन्नत जातको बाख्रा वितरण गरिएको छ। आर्थिक सशक्तीकरणको उद्देश्यसहित सञ्चालन गरिएको यस कार्यक्रमले महिलाहरूलाई आत्मनिर्भर बनाउने र आयआर्जनका अवसरहरू सिर्जना गर्ने अपेक्षा गरिएको वडा कार्यालयले जनाएको छ। बाख्रा वितरण कार्यक्रममार्फत महिला कृषकहरूलाई व्यावसायिक पशुपालनतर्फ आकर्षित गर्दै उनीहरूको जीविकोपार्जनमा टेवा पुर्‍याउने उद्देश्य राखिएको छ। वडा कार्यालयका अनुसार यस्ता कार्यक्रमहरूले स्थानीय स्तरमा रोजगारी सिर्जना हुनुका साथै महिला सशक्तीकरणमा महत्वपूर्ण योगदान पुर्‍याउने विश्वास गरिएको छ। कर्णावती समूहका प्रतिनिधिहरूले कार्यक्रमप्रति धन्यवाद व्यक्त गर्दै बाख्रापालनलाई व्यवस्थित रूपमा अगाडि बढाउने प्रतिबद्धता जनाएका छन्।

हेटौंडा । हेटौंडा उपमहानगरपालिका–१९ स्थित लेखपानी बस्तीमा छिट्टै खानेपानीको सुविधा पुर्‍याउने प्रतिबद्धता हेटौंडा उपमहानगरपालिकाका उपमेयर राजेश बानियाँले व्यक्त गर्नुभएको छ। जीवनज्योति आधारभूत विद्यालयमा आयोजित पर्खाल निर्माण सम्पन्न समारोह तथा शैक्षिक प्रदर्शनी मेला उद्घाटन कार्यक्रममा बोल्दै उपमेयर बानियाँले गाग्री बोकेर टाढाबाट पानी ल्याउनुपर्ने बाध्यता देखेर आफू भावुक बनेको भन्दै अब उक्त समस्या समाधानतर्फ नगरपालिकाले प्राथमिकताका साथ काम गर्ने बताउनुभयो। "मैले लेखपानीको भौगोलिक अवस्था राम्ररी नबुझेकै कारण पछाडि परेको रहेछ। अब विद्यालयदेखि सुरुवात गर्दै समग्र क्षेत्रको विकासमा जुट्नेछु," उपमेयर बानियाँले भन्नुभयो। साथै, उहाँले बालबालिकालाई आवश्यक पर्ने खाद्यान्नको व्यवस्था बजेटमै समावेश गरेर लैजाने पनि प्रतिवद्धता जनाउनुभयो। कार्यक्रममा पत्रकार कमलचन्द्र सुमन र मञ्जिता मैनालीलाई…