समाचार

मकवानपुर । मकवानपुरको हेटौँडा–भिमफेदी–कलेखानी–फाखेल तथा सिस्नेरी हुँदै काठमाडौँसम्म पुग्ने सडक एकतर्फी मात्रै संचालन हुने भएको छ । जिल्ला ट्राफिक प्रहरी कार्यालय मकवानपुरका अनुसार ३ दिनका लागि काठमाडौँबाट हेटौँडा आउने गरी साना सवारी साधनका लागि बाटो खुला राखिएको हो । इन्द्रसरोवर गाउँपालिकास्थित सिमखोला डाइभर्सनमा क्षति पुगेकोले त्यस क्षेत्रमा अझ मर्मत सम्भार गर्न तथा हिम पाईपहरु राख्ने कार्यहरुका लागि सडक एकर्फी मात्रै संचालनमा ल्याउने निर्णय भएको हो । शुक्रबार बिहान ९ बजेदेखि आईतबारसम्म उक्त बाटो मर्मतसम्भार हुनेछ । ३ दिनसम्म हेटौँडाबाट काठमाडौँसम्म पुग्नभने त्रिभुवन लोकपथ पालुङ, कुन्छाल, चित्लाङ र चन्द्रागिरी हुँदै तथा हेटौँडादेखि कान्तिलोकपथ सडक प्रयोग गर्न पनि प्रहरीले अनुरोध गरेको छ…

मकवानपुर । लागुऔँषध गाँजा चरेश मुद्धामा कैद र जरिवाना तोकी फरार रहेका एक पुरुष पक्राउ परको छन् । जिल्ला प्रहरीका कार्यालय मकवानपुरका अनुसार मनहरी गाउँपालिका वडा नम्बर ७ रमनटारका ४६ वर्षीय मिलन लामा स्याङ्बो पक्राउ परेका हुन् । वि.सं. २०८१ असोज २८ गते अन्दाजी साँझ ५ः३० बजेको समयमा इलाका प्रहरी कार्यालय मनहरीबाट खटिएको प्रहरी टोलीले जिल्ला अदालत मकवानपुरबाट भएको फैसला कार्यान्वयका लागि स्याङ्बोलाई खोजतलासका क्रममा उनको घरबाटै पक्राउ गरेको हो । उनलाई २ वर्ष कैद र २० हजार रुपैयाँ जरिवाना तोकिएको प्रहरीले जनाएको छ । यस सम्बन्धमा थप कारवाही भइरहेको प्रहरीले जनाएको छ ।