सबै समाचार

काठमाडौँ । नवनियुक्त मन्त्रीहरूले पद तथा गोपनीयताको शपथ ग्रहण गर्नुभएको छ। राष्ट्रपति भवन शीतल निवासमा मंगलबार आयोजित विशेष समारोहका बीच राष्ट्रपति रामचन्द्र पौडेलले नवनियुक्त मन्त्रीहरूलाई शपथ ग्रहण गराउनुभएको हो। मन्त्रिपरिषद् पुनर्गठन गर्दै प्रधानमन्त्री बालेन्द्र साहले सुधन गुरुङलाई गृहमन्त्री र महावीर पुनलाई विज्ञान, प्रविधि तथा नवप्रवर्तन मन्त्रीमा नियुक्तिका लागि सिफारिस गर्नुभएको थियो। प्रधानमन्त्रीको सिफारिसबमोजिम राष्ट्रपति पौडेलले मंगलबार नै उहाँहरूलाई मन्त्री पदमा नियुक्त गर्नुभएको हो। शपथ ग्रहण समारोहमा उपराष्ट्रपति रामसहायप्रसाद यादव, प्रधानमन्त्री बालेन्द्र साह, राष्ट्रिय सभाका अध्यक्ष नारायणप्रसाद दाहाल, प्रधानन्यायाधीश डा. मनोजकुमार शर्मा र मन्त्रिपरिषद्का सदस्यलगायत उच्च पदस्थ व्यक्तित्वहरूको उपस्थिति रहेको थियो।

हेटौँडा । सरकारी सूचना तथा विज्ञापन वितरणमा निजी सञ्चारमाध्यममाथि विभेद गरिएको भन्दै आन्दोलनरत नेपाल पत्रकार महासंघ मकवानपुरले संकलन गरेको हस्ताक्षर सोमबार प्रमुख जिल्ला अधिकारीमार्फत प्रधानमन्त्रीसमक्ष पठाएको छ। नेपाल पत्रकार महासंघको केन्द्रीय कार्यक्रमअन्तर्गत जेठ ७ गतेदेखि सुरु गरिएको हस्ताक्षर अभियानबाट संकलित हस्ताक्षरहरू मकवानपुरका प्रमुख जिल्ला अधिकारी वसन्त अधिकारीलाई बुझाइएको हो। हस्ताक्षर बुझाउने कार्यक्रममा महासंघ मकवानपुरका अध्यक्ष बालकृष्ण अधिकारीको नेतृत्वमा बागमती प्रदेश अध्यक्ष कृष्ण सारु मगर, संस्थापक अध्यक्ष प्रताप विष्ट, शाखाका पदाधिकारी तथा जिल्लाका सञ्चारकर्मीहरूको सहभागिता रहेको थियो। महासंघले खर्च कटौतीको नाममा संघीय, प्रदेश तथा स्थानीय तहका सरकारी सूचना तथा विज्ञापन सरकारी सञ्चारमाध्यममा मात्र प्रकाशन तथा प्रसारण गर्ने निर्णयले प्रेस स्वतन्त्रतालाई कमजोर…

हेटौँडा । सर्वधर्म सद्भाव ऐक्यवद्धता महाअभियानले आउँदो भदौ १७ गते मकवानपुरलाई ‘धार्मिक द्वन्द्वमुक्त जिल्ला’ घोषणा गर्ने भएको छ । आइतबार हेटौँडामा सबै धर्मका गुरु र अगुवा तथा नागरिक समाजका सदस्यहरुको भेलाले गठित महाअभियानले भदौ १७ गते मकवानपुरलाई धार्मिक द्वन्द्वमुक्त जिल्ला घोषणा तयारी गरेको हो । महाअभियानका अध्यक्ष राजेश वाग्लेले सबै धर्म र सम्प्रदायको सहभागितामा ‘मकवानपुरमा कुनै पनि धार्मिक द्वन्द्व छैन र हुने छैन’ भन्ने सन्देश दिन यस्तो तयारी गरिएको बताए । उनले भने, ‘हामी संस्था दर्ता गरेर औपचारिकरुपमै धार्मिक समुदायमा सद्भाव कायम राख्दै यो अभियानलाई मकवानपुरबाट अरु जिल्लामा पनि लैजाने तयारीमा छौँ ।’ कार्यक्रममा हेटौँडा उपमहानगर–४ का वडाध्यक्ष नवीन सिग्देलले…

हेटौँडा । बागमती प्रदेशका मुख्यमन्त्री इन्द्रबहादुर बानियाँले निजामती कर्मचारीको कार्यशैलीप्रति कडा असन्तुष्टि व्यक्त गर्नुभएको छ। नेपाल पत्रकार महासंघ बागमती प्रदेश समितिको आयोजनामा हेटौँडामा सुरु भएको ‘बागमती मिडिया सम्मेलन’ को उद्घाटन समारोहमा बोल्दै उहाँले नीति कार्यान्वयन गर्ने तहमा रहेको कर्मचारीतन्त्र नै विकासका लागि मुख्य अवरोध बनेको बताउनुभयो। कर्मचारीले निर्देशन टेरेनन् मुख्यमन्त्री बानियाँले प्रधानमन्त्री बालेन्द्र शाहको निर्देशनलाई समेत कर्मचारीले बेवास्ता गरेको गुनासो गर्नुभयो। “सरकारी विज्ञापन निजी मिडियालाई पनि दिने गरी परिपत्र जारी गर्न प्रधानमन्त्रीले दिनुभएको निर्देशन कर्मचारीले अझै कार्यान्वयन गरेका छैनन्,” उहाँले भन्नुभयो। त्यसैगरी, संघको परिपत्र नआउँदा प्रदेश सांसदहरूका स्वकीय सचिवहरूले हालसम्म सुविधा पाउन नसकेको पनि उहाँले जानकारी दिनुभयो। पत्रकारहरूलाई सत्यतथ्य समाचार…

हेटौँडा । बागमती प्रदेश सरकारले प्रशासनिक संरचनामा व्यापक पुनर्संरचना गर्दै प्रदेश अन्तर्गतका कार्यालयहरूको संख्या घटाउने निर्णय गरेको छ। बिहीबार बसेको मन्त्रिपरिषद् बैठकले ८ वटा मन्त्रालय मातहत जम्मा १९१ वटा कार्यालय मात्र कायम रहने गरी संगठन संरचना पुनर्गठन गर्ने निर्णय गरेको हो। सरकारका प्रवक्ता तथा आर्थिक मामिला तथा योजना मन्त्री प्रभात तामाङका अनुसार यसअघि रहेका २०१ वटा कार्यालयमध्ये केहीलाई गाभ्ने, केहीलाई खारेज गर्ने र आवश्यकताअनुसार नयाँ कार्यालय स्थापना गर्ने निर्णय गरिएको छ। मुख्यमन्त्री तथा मन्त्रिपरिषद्को कार्यालयको प्रस्तावमा गरिएको यस पुनर्संरचनाले अस्थायी तथा दोहोरो प्रकृतिका कार्यालयहरू खारेज गरी प्रशासनिक खर्च कटौती र सेवा प्रवाहलाई थप प्रभावकारी बनाउने लक्ष्य राखेको छ। त्यस्तै, मन्त्रिपरिषद्ले…