हेटौंडा । हेटौंडा-११ स्थित त्रिभुवन माध्यमिक विद्यालयले शिशु कक्षामा अध्ययनरत २० जना छात्रछात्रालाई विद्यालय ब्याग र शैक्षिक सामग्री वितरण गरेको छ। विद्यालयका प्रधानाध्यापक रामकुमार बर्तौलाका अनुसार गरिब तथा जेहेन्दार विद्यार्थीहरूलाई लक्षित गरी उक्त सामग्री वितरण गरिएको हो।
कार्यक्रमका प्रमुख अतिथि एवं वडाध्यक्ष तथा विद्यालय व्यवस्थापन समिति (विव्यस) अध्यक्ष जुना दाहालले यस्ता साना सहयोगले विद्यार्थीको शैक्षिक उन्नतिमा ठूलो मद्दत पुग्ने बताइन्।
विद्यालय व्यवस्थापन समितिका सदस्य बद्री लम्सालको सभाध्यक्षतामा सम्पन्न कार्यक्रममा विद्यालयका प्रधानाध्यापक रामकुमार बर्तौला, सहायक प्रधानाध्यापकद्वय बैकुण्ठ नेपाल र शर्मिला ढकाल लगायत शिक्षक-शिक्षिकाहरूको उपस्थिति रहेको थियो।
Advertisement
प्रतिकृया दिनुहोस्
