समाचार

भिमफेदी । नेकपा (माओवादी केन्द्र) भिमफेदी गाउँपालिका समितिले गाउँपालिकाको बजेट नीति तथा कार्यक्रम जनताको आवश्यकताअनुसार समावेश गर्न माग गर्दै गाउँपालिकालाई ज्ञापनपत्र बुझाएको छ। ज्ञापनपत्र पार्टीका गाउँपालिका अध्यक्ष बद्री स्याङ्तानले भिमफेदी गाउँपालिकालाई बुझाएका हुन्। उक्त ज्ञापनमा स्थानीय जनताको समस्या समाधानतर्फ ध्यान दिन र नीति तथा कार्यक्रम जनमुखी बनाउन आग्रह गरिएको छ। गाउँ परिषद् नजिकिँदै जाँदा नीति तथा कार्यक्रम निर्माणका क्रममा निर्वाचित जनप्रतिनिधि र पालिका कर्मचारीबीच मात्र बन्द कोठामा छलफल गरी ताली बजाएर पास गर्ने प्रथा स्वीकार्य नहुने स्पष्ट गरिएको छ। माओवादी केन्द्रले यस प्रक्रियालाई लोकतान्त्रिक अभ्यासविपरीत भन्दै आपत्ति जनाएको छ। ज्ञापनमार्फत गाउँ कार्यपालिकाको आन्तरिक छलफलमार्फत मात्र योजना निर्माण गर्नुको सट्टा, जनप्रतिनिधि,…

हेटौंडा । नेकपा माओवादी केन्द्र हेटौंडा उपमहानगरपालिका ११ नम्बर वडा समितिको सचिव पदमा छेगु गोले सर्वसम्मत चयन भएका छन् । वडा समितिको बैठकले गोलेलाई सचिव पदमा चयन गरेको पार्टी वडा समितिले जनाएको छ । पार्टी को भातृ सङ्गठनको विभिन्न पदमा रहिआएका गोले विभिन्न किसान समुहमा आवद्ध हुँदै , सिमलटार युवा क्लबका अध्यक्ष , सिमलटा टोल विकास संस्थाका सदस्य समेत रहिसकेका र हाल सिमलटार टोल विकास संस्थाको उपाध्यक्ष पदमा निर्वाचित भै कार्यरत छन् ।

हेटौंडा । “देशभरिका मिजारहरू एक हौं, प्रगति र सृजनाका लागि दृढ हौं” भन्ने मूल नारासहित मिजार समाज नेपाल मकवानपुरले जिल्ला अधिवेशनको औपचारिक तयारी थालेको छ। अधिवेशन तयारीसम्बन्धी पत्रकार सम्मेलन हेटौंडा–१, राप्तीरोडस्थित सृजना कला केन्द्रमा सम्पन्न भएको हो। अधिवेशन तयारी समिति संयोजक बलराम मंग्रातीले पत्रकारहरूलाई जानकारी दिँदै मिजार जाति नेपालमा दलित समुदायअन्तर्गत पर्ने जाति भएको बताउँदै पछिल्लो जनगणना अनुसार देशभर ४ लाख ५२ हजार २२९ मिजार समुदाय रहेको तथ्य प्रस्तुत गरे। यो संख्या नेपाल कुल जनसंख्याको करिब १.५ प्रतिशत हो। उनका अनुसार मकवानपुरमा मिजार समाजलाई संगठित गर्नुको उद्देश्य जातीय एकता सुदृढ गर्ने, संस्कार–संस्कृतिको संरक्षण, तथा रीतिरिवाज र बंशावली जस्ता मौलिक पक्षको…

हेटौंडा । सीप विकास, दक्षता अभिवृद्धि र स्वदेशमै रोजगारीको सम्भावनालाई उजागर गर्ने उद्देश्यसहित हेटौंडामा दुई दिने ‘सीप महोत्सव २०८२’ आयोजना हुने भएको छ। बागमती प्रदेश उद्योग परिषद् र सामाजिक विकास मन्त्रालयको संयुक्त आयोजनामा असार १२ र १३ गते महोत्सव सम्पन्न हुने शनिबार आयोजित पत्रकार सम्मेलनमा जानकारी गराइएको हो। महोत्सवबारे जानकारी दिँदै बागमती प्रदेश उद्योग परिसंघका अध्यक्ष लेखराज पोखरेलले दक्ष जनशक्ति उत्पादन, उत्पादन भएका जनशक्तिलाई रोजगारको अवसरसँग जोड्न र स्वदेशमै रोजगारी सम्भव छ भन्ने सन्देश दिन महोत्सवको आयोजना गरिएको बताए। महोत्सवले सीप, दक्षता र अनुभवको आदानप्रदान गर्दै प्राविधिक शिक्षा र उद्योग क्षेत्रबीचको सहकार्यलाई मजबुत पार्ने विश्वास पोखरेलले व्यक्त गरे। सीप महोत्सवमा…

हेटौंडा । नेपालमै रहेर आफ्नै व्यवसाय सञ्चालन गर्न चाहने नव उद्यमीलाई प्रोत्साहन गर्ने उद्देश्यले हेटौंडा उपमहानगरपालिकाले मोही उत्पादन व्यवसायीलाई सहयोग पुर्‍याएको छ। हेटौंडा–१९ मा सञ्चालनमा रहेको मोही घरलाई आवश्यक पर्ने दारको ठेकी, क्यान, मोटर र मदानी सहितका सामग्रीहरू हस्तान्तरण गरिएको हो। सहयोग सामग्री हस्तान्तरण कार्यक्रम हेटौंडा उपमहानगरपालिकाकी नगर प्रमुख मीनाकुमारी लामाको प्रमुख आतिथ्यमा सम्पन्न भएकाे हाे । नगर प्रमुख लामाले यस्ता लघु तथा घरेलु उद्योगहरूलाई प्रवर्द्धन गरेर स्थानीय उत्पादन र स्वरोजगारलाई टेवा पुर्‍याउने रणनीति अनुसार नगरपालिका अघि बढिरहेको बताइन्। कार्यक्रमले नव उद्यमीलाई आत्मनिर्भर बन्न प्रोत्साहन गर्ने विश्वास समेत व्यक्त गरिएको छ।