समाचार

हेटौंडा । बागमती प्रदेश प्रहरी प्रमुख, प्रहरी नायब महानिरीक्षक (डीआईजी) अरुण पौडेलले हेटौंडाको मुख्य बजार क्षेत्रमा यात्रुहरुलाई दुःख दिने र झोला तान्ने गतिविधिमा संलग्न व्यक्तिहरूमाथि तत्काल कारवाही गर्न सम्बन्धित निकायलाई निर्देशन दिनुभएको छ। सोमबार हेटौंडा–११ थानाभ¥याङस्थित प्रदेश प्रहरी कार्यालयमा सञ्चारकर्मीहरूसँगको परिचयात्मक कार्यक्रममा बोल्दै प्रमुख पौडेलले समाजमा शान्ति सुरक्षा कायम गर्न प्रदेश प्रहरी गम्भीर र प्रतिबद्ध रहेको बताउनुभयो। उहाँले बजार क्षेत्रमा सार्वजनिक यातायात, विशेषगरी सुमोमा यात्रा गर्ने यात्रुहरूमाथि हुने अभद्र व्यवहार, झोला तानातानजस्ता क्रियाकलाप रोक्न आवश्यक कडा कदम चालिने स्पष्ट गर्नुभयो। डीआईजी पौडेलले ट्राफिक दुर्घटनाको न्युनिकरण, भिड नियन्त्रण, भिआइपी सुरक्षा र विपद् व्यवस्थापनलाई प्रहरीको प्राथमिकतामा राखिएको उल्लेख गर्दै जनगुनासोलाई सम्बोधन गर्ने…

हेटौँडा । नेकपा (माओवादी केन्द्र) हेटौँडा उपमहानगरपालिका वडा नं. १४ को तेस्रो वडा सम्मेलन मंगलबार सम्पन्न भएको छ। सम्मेलनले नयाँ कार्यसमिति सर्वसम्मत रूपमा चयन गरेको छ। सम्मेलनबाट सानु कान्छा रुम्बा अध्यक्षमा चयन हुनुभएको छ। उपाध्यक्षमा चन्द्र बहादुर स्याङ्तान र राजकुमार भोलन, सचिवमा बिर बहादुर प्रज्ञा, सह–सचिवमा उर्मिला पौडेल तथा कोषाध्यक्षमा शोभा घले निर्वाचित हुनुभएको छ। त्यसैगरी माया घलानसहित २९ सदस्यीय नयाँ वडा समिति सर्वसम्मत रूपमा चयन भएको माओवादी केन्द्रका विवेक राईले जानकारी दिनुभयो ।

मकवानपुर । मकवानपुरमा पार्किङ गरी राखिएको अवस्थामा चोरी भएको ट्रक दुई साता पछि फेला परेको छ। ट्रकका मालिक गणेश बरुवालका अनुसार ना ६ ख ८५५ नम्बरको उक्त ट्रक मिति २०८२ जेठ १३ गते अज्ञात स्थानबाट चोरी भएको थियो। जिल्ला प्रहरी कार्यालयमा प्राप्त जाहेरीका आधारमा गरिएको अनुसन्धानपछि सोही दिन राति हेटौँडा नगरपालिका वडा नं. ३ स्थित बसामाडी क्षेत्रबाट ट्रक फेला पारिएको हो। प्रहरीले ट्रकलाई नियन्त्रणमा लिएर थप अनुसन्धान अघि बढाएको थियो। आज मिति २०८२ जेठ २६ गते ट्रकका धनी गणेश बरुवाललाई बोलाई ट्रक सनाखत गराई पुष्टि भएपछि उक्त ट्रक उनैलाई बुझाइएको छ। यस चोरी प्रकरणमा मकवानपुरगढी गाउँपालिका वडा नं. १ का…

मकवानपुर । भूमि समस्या समाधान आयोग मकवानपुरले जिल्लामा रहेको भूमि सम्बन्धी समस्या समधानका लागि हरसम्भव प्रयासहरु गरिरहेको छ । आयोगको नयाँ नेतृत्व आएसंगै जिल्लाका भूमिहीन दलित, भूमिहीन सुकुम्बासी र अव्यवस्थित बसोबासीहरुको लामो समदेखिको समस्या समाधनकालागि छलफल, अन्तरकृया, समन्वय र सहकार्यलाई द्रुत गतिमा अगाडी बढाएको छ । यसै क्रममा आयोगका अध्यक्ष बलराम बलको अध्यक्षतामा आईतबार बसेको बैठकले भूमि समस्या समाधानका लागि फोकल पर्सन तोकेर सदस्यहरुलाई जिम्मेवारी प्रदान गर्ने निर्णय गरेको छ । बैठकले स्थानीय पालिकाहरुसंग समन्वय र सहकार्य गर्ने र द्रुत गतिमा काम अगाडी बढाउने उदेश्यका साथ विज्ञ सदस्य अर्जुनप्रसाद चौलागाईलाई हेटौंडा उपमहानगरपालिका, मनहरी, राक्सिराङ र कैलाश गाउँपालिकाको जिम्मेवारी दिने निर्णय…

हेटौंडा । मकवानपुर उद्योग वाणिज्य संघ अन्तर्गतको महिला उद्यमी विकास समितिको आयोजनामा एक दिवसीय ई.पि.एस. (इफेक्टिभ पब्लिक स्पिकिङ) तालिम शनिबार हेटौंडामा सम्पन्न भएको छ। तालिममा जिल्लाका विभिन्न क्षेत्रबाट ४३ जना महिलाको सहभागिता रहेको थियो। कार्यक्रम महिला उद्यमी विकास समितिका सभापति सितादेवी भेटवालको अध्यक्षतामा सम्पन्न भएको हो। कार्यक्रममा संघका अध्यक्ष प्रमोद सिंह रानाभाट प्रमुख अतिथि रहनुहुन्थ्यो भने नेपाल उद्योग वाणिज्य महासंघका केन्द्रीय सदस्य तथा संघका पूर्वअध्यक्ष कृष्ण कटुवाल विशिष्ट अतिथिका रूपमा सहभागी हुनुहुन्थ्यो। त्यसैगरी संघका निवर्तमान अध्यक्ष कृष्ण कुमार गुप्ता, सल्लाहकार नरेन्द्र भण्डारी, उपाध्यक्ष काव्यमणि अधिकारी, महासचिव प्रतिमा श्रेष्ठ, सहकोषाध्यक्ष निलम वैद्य, सचिव कुलप्रसाद चौलागाईं, निवर्तमान सभापति अंकिता सुमार्गी, कासस विक्रम…

हेटौंडा । हेटौंडा उपमहानगरपालिकाकी नगर प्रमुख मिनाकुमारी लामाले सकारात्मक समाज निर्माणमा सञ्चारकर्मीको भूमिका अत्यन्त महत्वपूर्ण हुने बताउनु भएको छ। शनिबार नेपाल पत्रकार महासंघ मकवानपुर शाखाको आयोजनामा तथा हेटौंडा उपमहानगरपालिकाको आर्थिक सहयोगमा आयोजित ‘सञ्चार क्षेत्रमा प्रविधिले ल्याएको चुनौती र अवसर’ विषयक कार्यशाला गोष्ठीमा बोल्दै नगर प्रमुख लामाले पछिल्लो समयमा समाजमा मानवता हराउँदै गएको उल्लेख गर्नुभयो। उहाँले सञ्चारकर्मीहरुले नेताहरुको भिजनलाई तल्लो तहसम्म पुर्‍याउने, समाजलाई सुसूचित गर्ने र नेतृत्वलाई जवाफदेही बनाउने कार्यमा कलम चलाउनुपर्नेमा जोड दिनुभयो। “हिनता, त्रास र डरमा भएको नेतृत्वले समाजको विकास गर्न सक्दैन,” नगर प्रमुख लामाले भन्नुभयो, “देश र समाजप्रति दृष्टिकोण नकारात्मक हुँदा संविधान र व्यवस्था नै असफल हुन सक्छ।”…