समाचार

हेटौंडा । लागुऔषध खैरो हेरोइनसहित मकवानपुर प्रहरीले दुई जनालाई पक्राउ गरेको छ। जिल्ला प्रहरी कार्यालय मकवानपुरबाट खटिएको टोलीले २०८२ असार ४ गते साँझ ६ बजे विशेष सूचनाका आधारमा हेटौंडा उपमहानगरपालिका–४, फरेष्टी गेट अगाडिको क्षेत्रबाट उनीहरूलाई पक्राउ गरेको हो। पक्राउ पर्नेमा हेटौंडा–४ कमलडाँडा बस्ने ४२ वर्षीय अनुप कुमार रुम्बा र सोही स्थानका ३३ वर्षीय मणी लामा रहेका छन्। शंकास्पद रूपमा बसेको अवस्थामा भेटिएका उनीहरूको खानतलासी गर्दा ०.७७० ग्राम (७७० मिलिग्राम) खैरो हेरोइन जस्तो देखिने लागूऔषध फेला परेको प्रहरीले जनाएको छ। बरामद लागूऔषधसहित दुवैजनालाई नियन्त्रणमा लिई लागूऔषध (खैरो हेरोइन) सम्बन्धी कसुरमा आवश्यक अनुसन्धान र कारबाही अघि बढाइएको जिल्ला प्रहरी कार्यालय मकवानपुरले जानकारी…

हेटौंडा । हेटौंडा उपमहानगरपालिका वडा नम्बर १ का अध्यक्ष सविन न्यौपानेमाथि भएको दुर्व्यवहारप्रति नेपाल कम्युनिष्ट पार्टी (एकीकृत समाजवादी), मकवानपुरले गम्भीर आपत्ति जनाएको छ। २०८२ साल असार ४ गते दिउँसो ३:४० बजेको समयमा केही उच्छृङ्खल व्यक्तिहरूको समूहले अध्यक्ष न्यौपानेमाथि हातपात गर्नुका साथै कालो मसो दलिएको घटनाले लोकतान्त्रिक मूल्य–मान्यतालाई नै चुनौती दिएको भन्दै नेकपा (एकीकृत समाजवादी) मकवानपुर जिल्ला कमिटीले कडा शब्दमा निन्दा गरेको छ। जिल्ला अध्यक्ष विष्णु प्रसाद दाहालद्वारा हस्ताक्षरित प्रेस विज्ञप्तिमा घटनाप्रति गहिरो खेद व्यक्त गर्दै यसमा संलग्न दोषीहरूको तत्काल पहिचान गरी कानुनी कारबाही गर्न माग गरिएको छ। विज्ञप्तिमा भनिएको छ, “उक्त घटनाले जनप्रतिनिधिको सम्मानमा आघात पुगेको छ र यस्तो कार्य…

हेटौंडा । हेटौंडा उपमहानगरपालिका वडा नम्बर १ का वडा अध्यक्ष तथा कार्यपालिका प्रवक्ता सविन न्यौपानेमाथि कार्यकक्षमै अज्ञात व्यक्तिहरूले गरेको सांघातिक आक्रमणप्रति मकवानपुर जिल्लामा क्रियाशील प्रमुख सात राजनीतिक दलहरूले संयुक्त रूपमा विरोध जनाएका छन्। गत २०८२ असार ४ गते भएको उक्त घटनाले लोकतान्त्रिक अभ्यासमाथि गम्भीर चुनौती दिएको भन्दै प्रेस विज्ञप्ति जारी गर्दै उनीहरूले घटनाको कडा शब्दमा भर्त्सना गरेका छन्। विज्ञप्तिमा समस्या समाधानको लोकतान्त्रिक उपाय संवाद र समझदारी भएको स्पष्ट पार्दै, शारीरिक आक्रमणजस्तो अमानवीय र अराजक कार्यलाई कुनै हालतमा स्वीकार गर्न नसकिने उल्लेख गरिएको छ। दलहरूले दोषी पहिचान गरी तत्काल कानूनी दायरामा ल्याउन माग गर्दै जिल्ला प्रहरी कार्यालय र जिल्ला प्रशासन कार्यालय…

हेटौंडा । हेटौंडा ११ का व्यवसायी प्रभाकर पुडासैनीले १२० घरधुरीलाई उन्नत जातको हबर्ड कुखुराको चल्ला वितरण गरेका छन् । हेटौंडा ११ स्थित सिमलटारमा अवस्थित सिमलटार युवा क्लबका अध्यक्ष समेत रहेका ‘पुडासैनी पोल्ट्री फर्म’का संचालक पुडासैनीले सिमलटार सहयोगी समाजमाआवद्ध सदस्यहरुलाई लक्षितगरि चल्ला वितरण गरेको बताए । सिमलटारको खेल मैदान निर्माण, खेलाडी उत्पादन लगायत विभिन्न सामाजिक कार्यमा सक्रियता देखाएका युवा व्यवसायी पुडासैनीले विपन्नहरुको आयअर्जनमा आफ्नो सानो लगानी होस् भन्ने उद्देश्यले चल्ला वितरण गरेको बताए । पुडासैनी सिमलटार टोल विकास संस्था का सल्लाहकार समेत हुन् ।

हेटौंडा । उद्योग तथा वाणिज्य कार्यालय, बागमती प्रदेश सिटीइभिटी र हेटौंडा उपमहानगरपालिकाको सहयोगमा सञ्चालित विभिन्न तालिमहरू सोमबार सम्पन्न भएका छन्। समापन कार्यक्रम बागमती प्रदेश सभा सदस्य तथा पूर्वमन्त्री एकालाल श्रेष्ठको प्रमुख आतिथ्यमा सम्पन्न भएको थियो। कार्यक्रममा सहभागी प्रशिक्षार्थीहरूलाई प्रमाणपत्र वितरण गरिएको छ। ३० दिने विशेष तालिमहरू हेटौंडा गार्मेन्ट उद्यमी समूह, सूर्यमणि प्राविधिक शिक्षालय र हाम्रो प्रशिक्षण सेवा तालिम केन्द्रको आयोजनामा प्रदान गरिएको हो। उद्योग तथा वाणिज्य कार्यालयको आर्थिक सहयोगमा सञ्चालित तालिमहरूमा एड्भान्स बुटिक सिलाइ, ढाका कपडा बुनाइ र औद्योगिक विद्युत् जडान समावेश थिए। त्यस्तै, बागमती प्रदेश सिटीइभिटीको सहकार्यमा सूर्यमणि प्राविधिक शिक्षालयले सहायक ब्युटिसियन तालिम सञ्चालन गरेको थियो भने हाम्रो प्रशिक्षण…

हेटौंडा । आदिवासी जनजाति समुदायका युवाहरुलाई लोक सेवा क्षेत्रमा सहभागी गराउन उद्देश्यले आदिवासी जनजाति उत्थान राष्ट्रिय प्रतिष्ठानको आयोजनामा मंगलबार हेटौंडामा लोक सेवा तयारी अभिमुखिकरण कार्यक्रम सम्पन्न भएको छ। कार्यक्रमका प्रमुख अतिथि प्रतिष्ठानका उपाध्यक्ष रेशम गुरुङ रहेका थिए भने लोक सेवा तयारीमा मार्गदर्शन दिन उपसचिव कुमार घिसिङले प्रशिक्षकका रूपमा प्रशिक्षण दिएका थिए। उनले लोक सेवा आयोगतर्फ कसरी तयारी गर्ने, योजना कसरी बनाउने, र प्रक्रिया कसरी अघि बढाउने भन्ने विषयमा सहभागीहरूलाई जानकारी गराए। अभिमुखिकरण कार्यक्रममा नेपाल तामाङ घेदुङ बागमती प्रदेश समितिका अध्यक्ष लिलाकुमार घलान, नेपाल मगर संघ मकवानपुरका सचिव भूपेन्द्र राना मगर, नेपाल आदिवासी जनजाति पत्रकार महासंघ (फोनिज) मकवानपुरका अध्यक्ष नवराज वाईबा,…