सबै समाचार

हेटौंडा । सञ्चारमैत्री बजेट र कानून निर्माणमा प्रदेश सरकारको भूमिकासम्बन्धी अन्तरक्रिया तथा नेपाल पत्रकार महासंघ बागमती प्रदेशद्वारा आयोजना गरिएको दोस्रो प्रादेशिक भेला हेटौंडामा सुरु भएको छ। मंगलबार सुरु भएको दुई दिने कार्यक्रममा बागमती प्रदेशका मुख्यमन्त्री बहादुर सिंह लामा प्रमुख अतिथि थिए। कार्यक्रममा प्रदेशका आन्तरिक मामिला तथा कानुन मन्त्री सुरजचन्द्र लामिछाने र आर्थिक मामिला तथा योजना मन्त्री कुन्दनराज काफ्ले विशेष अतिथिका रूपमा सहभागी भएका थिए। मुख्यमन्त्री लामाले लोकतन्त्र र प्रजातन्त्रप्रति सरकारको अटुट विश्वास रहेको उल्लेख गर्दै पत्रकारिता सत्य, तथ्य र सन्तुलित सूचनामा आधारित हुनुपर्ने बताए। उनले कानुन निर्माणमा उच्च सावधानी अपनाउनु पर्ने आवश्यकता औंल्याउँदै व्याख्या गर्ने निकायद्वारा अर्थको तोडमोड हुँदा समस्या…

मकवानपुर । मकवानपुरमा लागूऔषध ONEREX सहित एक युवक पक्राउ परेका छन्। प्राप्त विशेष सूचनाका आधारमा जिल्ला प्रहरी कार्यालय मकवानपुरबाट खटिएको प्रहरी टोलीले थाहा नगरपालिका–११ स्थायी घर भई हाल हेटौंडा उपमहानगरपालिका–१० स्थित बसपार्क नजिक डेरा गरी बस्दै आएका २७ वर्षीय बिकास तामाङलाई लागूऔषधसहित पक्राउ गरेको हो। जेठ १३ गते बिहान करिब ९:४५ बजे तामाङको डेरा कोठामा प्रहरीले खानतलासी गर्दा दराजभित्र जेब्रा झोलामा लुकाई राखिएको अवस्थामा लागूऔषध ONEREX–100 ML का १३१ बोतल फेला परेको प्रहरीले जनाएको छ। बरामद गरिएको लागूऔषधसहित तामाङलाई नियन्त्रणमा लिइ मकवानपुर जिल्ला अदालत हेटौंडाबाट ५ दिनको म्याद लिएर थप अनुसन्धान भइरहेको प्रहरी स्रोतले जानकारी दिएको छ। प्रहरीका अनुसार लागूऔषध…

मकवानपुर । मकवानपुरको हेटौंडा उपमहानगरपालिका–१५ स्थित रातोमाटे चेकपोस्टमा प्रहरीले भन्सार छलि गरी ल्याइएका विभिन्न सामग्री बरामद गरेको छ। जेठ १ गतेदेखि १२ गतेसम्म प्रहरी चौकी रातोमाटेबाट खटिएको टोलीले पूर्व–पश्चिम राजमार्ग हुँदै वीरगंजबाट हेटौंडातर्फ आउँदै गरेका यात्रुबाहक सवारी साधनहरू जाँच गर्ने क्रममा बिल–विजकबिनाका सामानहरू फेला पारेको हो। जिल्ला प्रहरी कार्यालयका अनुसार जाँचका क्रममा लत्ताकपडा, एयरबर्ड्स, खाद्यान्नलगायतका सामानहरू फेला परेका छन्, जसको अनुमानित मूल्य ६ लाख ३१ हजार ८ सय ५० रुपैयाँ बराबरको छ। बरामद गरिएका सामानहरू आवश्यक अनुसन्धान तथा कारबाहीका लागि १२ गते राजश्व अनुसन्धान कार्यालय पथलैया, बारामा बुझाइएको प्रहरीले जानकारी दिएको छ।

हेटौंडा । हेटौंडा–२ मा रहेको हातेमालो बचत तथा ऋण सहकारी संस्था लिमिटेडले शनिबार विविध कार्यक्रमसहित आफ्नो १९औँ स्थापना दिवस भव्य रूपमा सम्पन्न गरेको छ। कार्यक्रम संस्थाका अध्यक्ष हरिप्रसाद पौडेलको अध्यक्षता र बागमती प्रदेशका वन तथा वातावरण मन्त्री कृष्णप्रसाद सिलवालको प्रमुख आतिथ्यतामा सम्पन्न भएको हो। मुख्य समारोहमा बोल्दै मन्त्री सिलवालले सहकारी संस्थाहरूलाई उत्पादनमुखी क्षेत्रमा जोडेर ऋण प्रवाह गर्न आवश्यक रहेको बताउँदै यस्ता संस्थाहरू राष्ट्रिय आर्थिक समृद्धिमा महत्वपूर्ण भूमिका निर्वाह गर्नसक्ने विश्वास व्यक्त गरे। कार्यक्रममा प्रदेश सहकारी बोर्डका कार्यकारी उपाध्यक्ष नारायणप्रसाद देवकोटा, जिल्ला सहकारी संघकी अध्यक्ष कल्पना श्रेष्ठलगायत वक्ताहरूले सहकारी क्षेत्रको वर्तमान अवस्था, चुनौती र सम्भावनाबारे आ–आफ्नो धारणा राखेका थिए। स्थापना दिवसको…

हेटौंडा । बागमती प्रदेश सरकार र स्थानीय सुरेशिखर कृषि सहकारी संस्थाको सहकार्यमा हेटौंडा–१५, चुरीयामाईमा सञ्चालन गरिएको पशुपालन (पाडापाडी) प्रवर्द्धन कार्यक्रमअन्तर्गत २५ जना किसानलाई पाडापाडी वितरण गरिएको छ। हेटौंडा उपमहानगरपालिकाका नगर प्रमुख मीनाकुमारी लामा, वडा नं. १५ का वडा अध्यक्ष सुनिल मोक्तानसहितको टोलीले कार्यक्रम स्थलमा पुगेर वितरण कार्यक्रमको अवलोकन गरेका थिए। उक्त कार्यक्रमको पहिलो चरणअन्तर्गत सहकारी संस्थामार्फत हुर्काइएका पाडापाडीहरू किसानहरूलाई हस्तान्तरण गरिएको हो। उपमहानगरपालिकाले किसानको जीविकोपार्जनमा सहयोग पुर्याउने उद्देश्यले पाडापाडी वितरण कार्यक्रम सञ्चालन गरेको जनाइएको छ। नगर प्रमुख लामाले स्थानीय उत्पादन र आत्मनिर्भरता अभिवृद्धिमा यस्ता कार्यक्रमले दीर्घकालीन लाभ पुर्याउने बताइन्। वडा अध्यक्ष मोक्तानले पनि सहकारी र सरकारी साझेदारीमा अझ प्रभावकारी कार्यक्रमहरू…

हेटौँडा । मकवानपुर गढी पर्यटन विकास समन्वय समितिको नयाँ कार्यसमिति चयन भएको छ। शुक्रवार हेटौँडामा सम्पन्न समितिको १५ औँ वार्षिक साधारणसभा तथा दोस्रो अधिवेशनले केदार प्रसाद न्यौपानेको अध्यक्षतामा ११ सदस्यीय नयाँ कार्यसमिति चयन गरेको हो। नयाँ कार्यसमितिमा शंकरलाल श्रेष्ठ उपाध्यक्ष, ओकिलराज बानिया सचिव, शंकर बि.सी. कोषाध्यक्ष र अनिल पराजुली सह–सचिव पदमा चयन भएका छन्। त्यस्तै, एमपी शर्मा, उमा श्रेष्ठ, सङ्ग्राम श्रेष्ठ, सुमित श्रेष्ठ, विनोद पुडासैनी र कृष्ण प्रसाद पोखरेल सदस्य पदमा चयन भएका छन्। समितिको सल्लाहकार तथा संरक्षकमा बद्री प्रसाद खतिवडा, घनश्याम शंकर शर्मा, भागीरथी शर्मा खरेल, रामप्रसाद घिमिरे र विष्णु प्रसाद सिग्देल चयन भएका छन्। कार्यक्रमको उद्घाटन हेटौँडा उपमहानगरपालिका…