सबै समाचार

राक्सिराङ्ग- मकवानपुरको राक्सिराङ्ग गाउँपालिकामा आइतबार 'बागीभुगोल साप्ताहिक' पत्रिकाको औपचारिक विमोचन गरिएको छ । पत्रिकाले अबदेखि मनहरी, राक्सिराङ्ग र कैलाश गाउँपालिकाका २८ वटै वडाका समाचार र विषयहरू समेट्नेछ । पत्रिकाले ग्रामीण जीवन, स्थानीय संस्कृतिको संरक्षण र उपेक्षित समुदायको आवाज बुलन्द गर्ने लक्ष्य राखेको जनाएको छ । सहरका चिल्ला भवन र भव्य कार्यक्रमका समाचारभन्दा अलग, राक्सिराङ्ग र कैलाशका चेपाङ समुदाय, मनहरीका बनकरिया, गाउँका चिउरी, गिठ्ठा, भ्याकुर र कन्दमूलका विषयहरूलाई प्राथमिकता दिने पत्रिकाको प्रतिवद्धता रहेको छ। बिमोचन कार्यक्रममा बोल्दै प्रमुख अतिथि राक्सिराङ्ग गाउँपालिकाका उपाध्यक्ष बनस्तम थिङ्गले अहिलेको पत्रकारिता कार्यक्रम र उद्घाटनमै सीमित भएको भन्दै आलोचना गरे । उनले भने, 'पत्रकार भनेको खोजपत्रकारितामा आधारित…

हेटौँडा । पूर्वपश्चिम राजमार्ग अन्तर्गत हेटौँडाको राप्ती खोलामा बनेको राप्ती पुल मर्मतसम्भार अभावले जोखिमयुक्त बन्दै गएको हो । वर्षामा राप्तीखोलामा आएको बाढीले पिल्लरमा धक्का पु-याउँदा भित्रका फलाम देखिएका छन् । २१० मिटर लम्बाइ रहेको उक्त पुलमा सात वटा पिल्लर छन् । चार वटा पिल्लरको बाहिरी भागको सिमेन्टमा क्षति पुगेको छ । “सडक डिभिजन हेटौँडा मकवानपुरका सूचना अधिकारी इन्जिनियर यादव सुवेदीले पुलको मर्मत गर्ने बेला भएको बताएका छन,” सूचना अधिकारी सुवेदीले भने, “पुलको अधिकांश पिल्लरको तल्लो भागमा फलामका रड देखिन थालेका छन्, त्यसको मर्मतसम्भार गर्ने तयारी भइरहेको छ । सम्बन्धित विज्ञबाट पुलको स्थलगत अध्ययन गराएर अनि विज्ञहरूकै सुझाव अनुसार मर्मत गर्ने…