सबै समाचार

मकवानपुर । हेटौडा उपमहानगरपालिका–१० स्थित कर्रापुलबाट करिब ५०० मिटर तल कर्रा खोलामा डुबेका एक पुरुषको प्रहरी र स्थानीयको सहयोगमा उद्धार गरिएको छ। मंगलबार बिहान करिब ८:२० बजे खोलामा मानिस डुबेको भन्ने सूचना प्राप्त भएपछि वडा प्रहरी कार्यालय हेटौडाबाट खटिएको टोलीले स्थानीयवासीको सहयोगमा खोजतलासी गर्दै घाइते व्यक्तिलाई अचेत अवस्थामा उद्धार गरेको हो। उद्धारपछि उनलाई तत्काल हेटौडा अस्पतालमा पुर्‍याइएको थियो। उपचारपछि होसमा आएपछि उनले आफ्नो परिचय हेटौडा उपमहानगरपालिका–१५ रातोमाटे बस्ने ४४ वर्षीय उमेश बी.क. रहेको बताएका थिए। प्रहरीका अनुसार स्वास्थ्य अवस्था सुधार भएपछि उनलाई आफन्तको जिम्मा लगाइएको छ।

मकवानपुर । मकवानपुर प्रहरीले ९ ग्राम ५८० मिलिग्राम लागू औषध खैरो हेरोइन जस्तो देखिने पदार्थसहित एकजनालाई नियन्त्रणमा लिएको छ। हेटौंडा उपमहानगरपालिका–१५, रातोमाटे चेकपोस्ट अगाडि पूर्व–पश्चिम राजमार्गमा शनिबार साँझ करिब ६ बजे सवारी साधनहरू रोक्दै नियमित चेकजाँच गर्ने क्रममा प्रहरीले सो पदार्थ बरामद गरेको हो। बिरगंजबाट हेटौंडातर्फ आउँदै गरेको बा.प्र.०३–००१ ज ५१३ नम्बरको यात्रुबाहक EV गाडीमा सवार चितवन जिल्ला, भरतपुर महानगरपालिका–१२ बस्ने २७ वर्षीय लभ ठकुरीलाई शंका लागी प्रहरीले तलासी लिँदा उनको साथबाट उक्त लागू औषध फेला परेको हो। खैरो हेरोइन जस्तो देखिने उक्त प्रतिबन्धित पदार्थ बरामद गरी ठकुरीलाई नियन्त्रणमा लिएर कानूनी प्रक्रिया अनुसार थप अनुसन्धान भइरहेको जिल्ला प्रहरीले जनाएको छ।

हेटौंडा । बागमती प्रदेशका मुख्यमन्त्री इन्द्रबहादुर बानियाँले आफ्नो सेवा–सुविधाबाट प्राप्त रकम नागरिक सेवामा खर्च गर्ने निर्णयअनुरूप पहिलो घर निर्माण सम्पन्न गरी हस्तान्तरण गरेका छन्। गत साउन २० गते मुख्यमन्त्री नियुक्त भएपछि पहिलो मन्त्रिपरिषद् बैठकमै उहाँले आफ्नो तलब तथा सुविधा विपन्न नागरिकको सेवामा प्रयोग गर्ने निर्णय गर्नुभएको थियो। उक्त निर्णयअनुसार मुख्यमन्त्री बानियाँले आफ्नो निर्वाचन क्षेत्रका तीन अति विपन्न परिवारका लागि घर निर्माण गर्ने योजना अघि बढाएका थिए। तीमध्ये मनहरी गाउँपालिकाकी मिठ्ठुमाया तामाङको घर निर्माण सम्पन्न गरी हस्तान्तरण गरिएको हो। १४ वर्षको उमेरमै विवाह बन्धनमा बाँधिएकी मिठ्ठुमायाले १५ वर्षमा पहिलो सन्तान जन्म दिएकी थिइन्। तीन छोरा र एक छोरीकी आमा मिठ्ठुमायाका श्रीमान्को…

हेटौंडा । हेटौंडा उपमहानगरपालिका–१८ स्थित मकवानपुर बालविद्या सदन विद्यालयले दशैं–तिहारको बीचमा आयोजना गरेको ‘स्किल क्याम्प’ कार्यक्रमले विद्यार्थीहरूमा मौलिक उत्पादन र सिर्जनात्मक सीप विकासको उदाहरण प्रस्तुत गरेको छ। कार्यक्रममा हेटौंडा उपमहानगरपालिकाकी मेयर मिना लामाले प्रमुख अतिथिको रूपमा सहभागिता जनाउँदै बालविद्या सदनले गरेको यो पहल शैक्षिक क्षेत्रमा नयाँ दृष्टिकोण ल्याउने काम गरेको बताउनुभयो। उहाँका अनुसार, आजको कृत्रिम बुद्धिमत्ता युगमा विद्यार्थीहरूलाई सिर्जनशील बनाउनु चुनौतीपूर्ण बन्दै गएको अवस्थामा विद्यालयले प्रस्तुत गरेको यस्तो अभ्यास अत्यन्तै प्रेरणादायी छ। मेयर लामाले भन्नुभयो, “हाम्रा नानी–बाबुलाई आफ्ना मौलिक उत्पादनसँग परिचित गराउनु र उत्पादन गर्ने सीप सिकाउनु आजको आवश्यकता हो। यस विद्यालयले त्यसैको जीवन्त अभ्यास प्रस्तुत गरेको छ।” उहाँले कार्यक्रममा…

मकवानपुर । मकवानपुरे युवाहरुको तिहार विशेष गीतको म्यूजिक भिडियो सार्वजनिक भएको छ । सार्वजनिक गीतमा हरि मिजार र धिरज ढकालको आवाज रहेको छ । हरि मिजारको शब्द तथा अमृत ल्वागुनको संगीत र एरेञ्जमा गीत तयार भएको हो । म्यूजिक भिडियोलाई महेन्द्र ओझाले छायाँकन तथा सम्पादन गरेका छन् । विशु कोईरालाको कोरियाग्राफी रहेको म्युजिक भिडियोमा किङ आयुश, सम्झना रानाभाट र मोनिका तामाङको नृत्य रहेको छ । गीतमा रत्न बिकले बाँसुरी र भुवन गन्दर्भको मादलको ताल सुन्न सकिन्छ । भिडियोको छायाँकनमा ओझालाई अजित मग्रातीले साथ दिएका छन् । हेर्नुहोस् म्युजिक भिडियो–

हेटौंडा । नेपालको संविधानअनुसार गाईको वध निषेध गरिएको छ र गाई राष्ट्रिय जनावरका रुपमा मान्यताप्राप्त छ । यस सन्दर्भमा विश्व हिन्दु परिषद् नेपाल देशभर गाई संरक्षण, तस्करी नियन्त्रण र गौसेवामा निरन्तर सक्रिय रह“दै आएको छ । हालै मकवानपुरको हेटौंडामा गाईगोरु तस्करी नियन्त्रणका क्रममा जिल्ला पशुसेवा कार्यालयले गरेको कार्य सराहनीय छ । कार्यालयका इमान्दार कर्मचारीले प्रहरीको सहयोग नपाउ“दा पनि सशस्त्र प्रहरीको सहयोगमा रातभर खटिएर बंगलादेशतर्फ लैजा“दै गरिएको तस्करी गाडी नियन्त्रणमा लिएका तथ्य बाहिर आएको छ । केही प्रहरी र प्रशासनिक निकायका व्यक्तिहरु तस्करस“ग मिलेमतोमा रहेको आशंकासमेत गरिएको छ । पशु ढुवानी मापदण्ड खुलेआम उलंघन भइरहेको अवस्थामा सम्बन्धित निकायको मौनतामाथि प्रश्न खडा…

हेटौंडा । बागमती प्रदेशका मुख्यमन्त्री तथा नेपाली कांग्रेस बागमती प्रदेशका सभापति इन्द्रबहादुर बानियाँले आफ्नै सेवा सुविधाबाट निर्माण गरिएको घर मनहरी गाउँपालिका–९ ज्यामिरेकी मिठुमायाँ सुनारलाई आगामी आईतबार हस्तान्तरण गर्न लागेका छन् । मुख्यमन्त्री बानियाँको व्यक्तिगत पहलमा निर्माण गरिएको घर तिहारको अवसर पारेर कार्तिक २ गते बिहान मिठुमायाँलाई हस्तान्तरण गरिने उनकाे सचिवालयले जनाएको छ। यो हस्तान्तरणसँगै मिठुमायाँ अब आफ्नै घरमा बस्न पाउने भएकी छन्। सचिवालयका अनुसार बानियाँको निर्वाचन क्षेत्र राक्सीराङ्ग गाउँपालिका–१ इन्द्रुङ्गका सुमनसिं चेपाङका लागि निर्माण भइरहेको अर्को घर पनि द्रुत गतिमा सम्पन्न हुँदैछ। सो घर कात्तिक महिनाभित्र हस्तान्तरण गरिने तयारी गरिएको छ। मुख्यमन्त्री बानियाँले यसअघि मकवानपुरको बकैया गाउँपालिका–५, गरगरेमा आगलागीबाट घर…