हेटौंडा । सात्तासिनहरुले एकतन्त्रीय शासन लाद्न खोज्दा लोकतन्त्र कमजोर बन्दै गएको भन्दै हेटौंडाबाट प्रकाशित पत्रपत्रिकाका सम्पादकहरुले चिन्ता व्यक्त गरेका छन् ।
गैरसरकारी संस्था महासङ्घ नेपाल बागमती प्रदेश समिति हेटौंडाले १९ औं लोकतन्त्र दिवसको अवसरमा आयोजना गरेको लोकतन्त्रको सवलीकरणमा मीडियाको भुमिका सम्पादक सम्वाद कार्यक्रममा बोल्दै सम्पादकहरुले चिन्ता व्यक्त गरेका हुन् । पत्रकार महासङ्ग बागमती प्रदेश उपाध्यक्ष हरि हुमागाइ, महासङ्घ जिल्ला अध्यक्ष बालकृष्ण अधिकारी, जिल्ला सहसचिव शिव चौलागाईं, समृद्ध समाज दैनिक पत्रीकाका सम्पादक सुरेश श्रेष्ठ लगायत ले पत्रकारले नागरिक सवालहरुमा आवाज उठाउनु पर्ने हो, पर्याप्त मात्रामा त्यसो नभएको बताए । पत्रकारहरुले लोकतान्त्र ल्याउन अहम् भुमिका खेल्यो, खबरदारी गर्नुपर्नेमा जागीरे भएर आफ्नो कर्तव्य सोचेजस्तो निभाउन नसकेकोले पनि सत्तामा रहेकाहरुले संविधानको मर्म बिपरित काम गर्दैगएकोले लोकतन्त्र कम्जोर भएको सम्पादकहरुले समिक्षा गरेका थिए ।
कार्यक्रममा बोल्दै कार्यक्रमका प्रमुख अतिथी तथा गैसस महासङ्घ नेपालका केन्द्रिय सचिव बुद्ध शरण लामाले गैसस महासङ्घले नागरिक समाजको बिषयमा सदैव आवाज उठाउने बताए । लोकतन्त्रको विकल्प अरु नभएको र यसलाई सुदृढ गर्दै लैजानमा मीडियाको अहम् भुमिका रहने बताए । गैसस महासङ्घ बागमती प्रदेशका कार्यबाहक अध्यक्ष कमलकुमार बिश्वकर्माको सभाध्यक्षतामा हेटौंडा २ को गैसस भवनमा भएको कार्यक्रममा गैससका बागमती प्रदेश सदस्य आरसी न्यौपाने, सम्पादक नवीन तिमल्सिना, जी न्यौपाने लगायतकाको उपस्थिति रहेको थियोे ।
