रौतहट । नवसर्जक साहित्य चौतारी नेपालको मधेस प्रदेश समितिको आयोजनामा रौतहटमा पहिलो जिल्ला समिति गठन भएको छ । होली(फागु)को अवसरमा गरिएको यस कार्यक्रममा रचना वाचन तथा फागु गीतसमेत प्रस्तुत गरिएको थियो ।
राजन गुप्ताको अध्यक्षतामा गठित समितिको उपाध्यक्षमा रोशनी यादव र श्वेता यादव, सचिवमा नितेश साह, कोषाध्यक्षमा गुड्डी यादव, तथा सदस्यहरूमा मुस्कान सिंह, मनोरमा साह तथा अञ्जना यादव रहेका छन् ।
कार्यक्रममा वृजकिशोर यादव, सञ्जय साह मित्र, दीपक गौतम, बिन्दा साहनी, रमेशमोहन अधिकारी, रेनु गुप्ता, डी.बी. बर्तौला, राजकुमार लामिछाने, किसुनदयाल यादव, प्रभा पौडेल, रामशरण रिजाल, धनदेव जोशी, हरि जी.सी., सरोजकुमार साह, पोनाहाङ्मा लोबा, स्वस्तिका दाहाल, रोशन गडतौला, प्रविना प्रयासी, प्रतिमा पौडेल, अम्बिका विश्वकर्मा, शिवशङ्कर झा, शिवचन्द्र साह, सोनालाल यादव लगायतले शुभकामना मन्तव्य तथा रचना वाचन गरेका थिए ।
रेडियो मधेस मसलाको सभाकक्षमा भएको सो कार्यक्रमको सभाध्यक्षता नवसर्जक साहित्य चौतारी मधेस प्रदेश समितिका अध्यक्ष अभिजित रामले गरेका थिए भने प्रमुख आतिथ्य गरुडा नगरपालिकाकी उपमेयर पुनमकुमारी चौधरीको रहेको थियो ।
