मकवानपुर । हेटौँडामा शनिबार ३२ जनाले रक्तदान गरेका छन् । भुटनदेवी क्लबको आयोजना र सामुदायिक सेवा उपकेन्द्र तथा सामुदायिक प्रहरी सेवा उपकेन्द्रको सहकार्यमा रक्तदान कार्यक्रम गरिएको हो। भुटनदेवी क्लबका अध्यक्ष राजु विष्टको सभाध्यक्षतामा भुटनदेवी मन्दिरको सभाहलमा कार्यक्रम भएको थियो ।
हेटौंडा उपमहानगरपालिका १० नम्बर वडाका वडाध्यक्ष फुर्वा दोर्जे तामाङको प्रमुख आतिथ्यतामा कार्यक्रम भएको हो । क्लबले यसै अवसरमा राष्ट्रिय फुटबल टिममा पर्न सफल मकवानपुरका खेलाडी छिरिङ लामालाई सम्मान समेत गरेको थियोे ।
कार्यक्रममा सामुदायिक प्रहरी सेवा उपकेन्द्र हेटौंडा बसपार्कका अध्यक्ष प्रदिप कँडेल , जिल्ला खेलकुद विकास समिति मकवानपुरका निवर्तमान अध्यक्ष भेष खड्की, जिल्ला फुटबल संघ मकवानपुरका अध्यक्ष टिकाराम लामा, राष्ट्रिय फुटबल खेलाडी अञ्जन विष्ट, मानव अधिकारकर्मी शर्मिला श्रेष्ठ लगायतको आतिथ्यता रहेको थियोे ।
