समाचार

मकवानपुर । हेटौंडा उपमहानगरपालिका वडा नम्बर १६ लाई बालमैत्री स्थानीय शासनयुक्त वडा घोषणा गरिएको छ । शुक्रबार ‘बालबालिकामा लगानी, सुनिश्चित भविष्यको थालनी’ नारासहित वडालाई निकृष्ट बालश्रम, बाल विवाहमुक्त घोषणा गर्दै बालमैत्री स्थानीय शासनयुक्त वडा घोषणा गरिएको हो । हेटौंडा–१६ नम्बर वडाका वडाअध्यक्ष रामकृष्ण कोइरालाको अध्यक्षता तथा हेटौंडा उपमहानगरपालिका नगर कार्यपालिकाकी प्रमुख मीना कुमारी लामाको प्रमुख आतिथ्यतामा बालमैत्री घोषणा गरिएको हो । नगर कार्यपालिकाकी प्रमुख लामाले बालमैत्री स्थानीय शासनयुक्त वडा घोषणा प्रतिबद्धता पत्र अध्ययनसँगै हस्ताक्षर गर्नुहुँदै बालमैत्री घोषणा गर्नुभएको हो । कार्यक्रमलाई सम्बोधन गर्नुहुँदै उहाँले बालमैत्री स्थानीय शासनयुक्त वडा घोषणालाई उपमहानगरले अभियानको रुपमा सुरु गरिएको बताउनुभयो । अभियान सुरु गर्दा बालश्रम…

मकवानपुर । हेटौंडामा शुक्रबार सवारी चालकहरुको निःशुल्क स्वास्थ्य परिक्षण गरिनुका साथै लागु औषध दुर्व्यसनको अवस्थाबारे चेकजाँच गरिएको छ । बढ्दो सवारी दुर्घटना तथा क्षती न्यूनीकरणको लागि एक दिने शिविरको आयोजना गरिएको जिल्ला ट्राफिक प्रहरी कार्यालय मकवानपुरका प्रमुख केशव अधिकारीले जानकारी दिए । ट्राफिक प्रहरी कार्यालयको आयोजना र जिल्ला जनस्वास्थ्य कार्यालय, सीएमसी चुरेहिल अस्पतालको सहकार्यमा शिविर संचालन गरिएको थियो । ‘सवारी चालक, सहचालकको स्वास्थ अवस्था कस्तो छ, उहाँहरुको ब्लड प्रेसर, सुगर, आँखाको अवस्था कस्तो छ, उहाँहरु लागु औषधको कुलतमा फस्नुभएको छ, छैन समयमै सचेत हुन र सचेत गराउन हामीले बेलाबेलामा यस्ता शिविर राख्ने गरेका छौं,’’ ट्राफिक प्रमुख अधिकारीले बताए ।

मकवानपुर । २०२४ को क्रिसमस विभिन्न कार्यक्रमका साथ सम्पन्न भएको छ । हेटौंडाका इसाई मन्डली, संघसंथाहरुले शुभकामना आदानप्रदान, साँस्कृतिक पृतिभोज लगायतका कार्यक्रम गरि क्रिसमस मनाएका हुन् । ख्रीष्ट येसु पापीहरुको उद्वार, मुक्ति र शान्ति दिन संसारमा जन्म लिनुभएको हो, त्यो खुशीमा क्रिसमस मनाउने गरिएको इसाईहरुको विश्वास र मान्यता रहिआएको छ । क्रिश्चियनहरुको बाक्लो बसोबास रहेको बागमती प्रदेशमा गैर इसाईहरुले पनि राष्ट्रिय पर्वको रुपमा खुशी साटासाट गरि यस पर्व मनाउने गरेको पाइएको छ । यस्तै व्यापारिक केन्द्रहरुले पनि क्रिसमस ट्री झिलिमिली बत्तीले सजाएको देख्न सकिन्छ । हेटौंडाको स्कुल अफ म्यानेजमेन्टले क्रिसमसको शुभकामना सन्देश लेखेको होर्डिङ बोर्ड हेटौंडाको बुद्ध चोकमा राखेको छ…

मकवानपुर । हेटौँडा उपमहानगरपालिका वडा नम्बर १३ स्थित पदमपोखरी बहुमुखी क्याम्पसको प्रमुखमा पदमपोखरी निवासी बगानसिंह थिङ चयन हुनुभएको छ । क्याम्पसले हिजो एक सूचना प्रकाशित गर्दै प्रमुखमा थिङ चयन भएको जानकारी दिएको हो । क्याम्पसको सेवा समितिद्वारा दिइएको जानकारी अनुसार पुस ९ गते लिईको अन्तरवार्ताबाट थिङलाई क्याम्पस प्रमुखमा नियुक्ति गरिएको हो । वैकल्पिक उम्मेदवारमा भने नवराज वाईबाको नाम सिफारिश गरिएको छ । थिङलाई मंसिर ३० गते प्रकाशित सूचना अनुसार खुल्ला प्रतियोगिता मार्फत पदपुर्ति गर्ने योजना अनुसार प्राप्त आवेदनहरुबाट अन्तरवार्ता लिई छनौट गरिएको हो । लामो समयदेखि हेटौँडामा शिक्षा क्षेत्र तथा सामाजिक कार्यमा सक्रिय रहेका थिङ क्याम्पसमा प्रमुखका रुपमा छानिएसँगै स्थानीयहरुले…

मकवानपुर । हेटौँडामा इसाईहरुले क्यान्डल र्याली प्रदर्शन गरेका छन् । मकवानपुर इसाई समाजको आयोजनामा हेटौंडास्थित इसाई चर्चका सदस्यहरुले क्यान्डल र्याली प्रदर्शन गरेका हुन् । इसाइहरुले हातमा क्यान्डल, शिरमा क्रीसमस टोपी, हातमा प्ले कार्ड बोकेर शुभकामना सन्देश प्रवाह गरेका थिए । हेटौंडा उपमहानगरपालिका १० नम्बर वडास्थित सोलिड्यारिटी इन्टरनेसनल एकेडेमी स्कुलको प्राङ्गणबाट शुरु भएको र्याली बुद्धचोकमा गई कोणसभामा परिणत भएको थियोे । शुभकामना सन्देश प्रवाह गर्दै मकवानपुर इसाई समाजका सल्लाहकार ऋषिराम आचार्यले धर्मशास्त्र बाइबलबाट पढ्दै येसु ख्रीष्ट संसारमा सबै मानिसको उद्वार र शान्तिको लागि आउनु भएको बताए । उनले मुक्ति, उद्वार र शान्ति येशुमा रहेको बताए । इसाईहरुले सन्देश मुलक गीतमा नाचगान…

मकवानपुर । हेटौंडामा सवारी दुर्घटना हुँदा एकजनाको मृत्यु भएको छ । हेटौंडा उपमहानगरपालिका–१ तिरतिरे धारास्थित हेटौंडा–भैसे सडक खण्डमा सोमबार साँझ भएको सवारी दुर्घटनामा एकजनाको मृत्यु भएको छ भने अर्का घाइते भएको मकवानपुर प्रहरीले जनाएको छ । भैँसेबाट हेटौंडा जाँदै गरेको बाप्र०३-००२प ७२६७ नम्बरको स्कुटरलाई हेटौंडाबाट काठमाडौंतर्फ जाँदै गरेको बीआर ०५ बीए ०००६ नम्बरको भारतीय कारले ठक्कर दिँदा स्कुटर चालक, हेटौंडा–१ चौकीटोल निवासी अन्दाजी ३०/३५ वर्षीय युवराज लामाको मृत्यु भएको हो । शरीरका विभिन्न भागमा गम्भीर चोट लागेर घाइते भएका उनलाई उपचारका लागि तुरुन्तै हेटौंडा अस्पताल लगिएकोमा उपचारकै क्रममा साँझ ७ः२५ बजे चिकित्सकले मृत घोषणा गरेको जिल्ला प्रहरी कार्यालय मकवानपुरका प्रहरी…