समाचार

हेटौंडा । नेकपा एकीकृत समाजवादीका केन्द्रिय नेताहरूले जिल्ला पार्टी का नेताहरुसंग भेटघाट गरेका छन् । पार्टीका केन्द्रिय सदस्य द्रोण प्रसाद सिलवाल, नेपाल रिटर्निङ्ग एशोसिएशनका केन्द्रिय अध्यक्ष प्रवीण पौडेल, केन्द्रिय सदस्य प्रकाशमान मोहराले प्रदेश तथा जिल्ला नेताहरूसंग पार्टी कार्यालय हेटौंडामा भेटघाट गरेका हुन् । भेटघाट कार्यक्रममा बोल्दै नेपाल रिटर्निङ्ग एशोसिएशनका केन्द्रिय अध्यक्ष पौडेलले कृषिमा क्रान्ति ल्याउनुपर्ने बताए । उनले भने , 'नेपालमा कृषि क्रान्तिले परिवर्तन ल्याउन सक्छ, त्यसको लागि भुमि ब्यवस्था र चक्ला बन्दी हुनुपर्छ । उनले कृषि प्रणाली र शिक्षा प्रणाली अत्याधिक रुपमा भत्केको भन्दै दुखेसो पोखे । कार्यक्रममा पार्टीका केन्द्रिय सल्लाहकार यादव गजुरेल, प्रदेश सदस्य कल्पना बिस्वकर्मा, जिल्ला अध्यक्ष…

हेटौंडा । जलवायु परिवर्तनसम्बन्धी समस्या र त्यसका समाधानमा समुदायको भूमिकाबारे सशक्त छलफल गर्ने उद्देश्यले “जलवायु सचेतना : समस्या र समाधानमा समुदायको भूमिका र हाम्रो प्रयास” विषयक प्यानल डिस्कसन कार्यक्रम हेटौंडामा सम्पन्न भएको छ। कार्यक्रममा हेटौंडा उपमहानगरपालिकाकी नगर प्रमुख मिना कुमारी लामाले जलवायु संकटको प्रभाव न्यूनीकरणका लागि नीति निर्माण मात्र नभई समुदायस्तरबाट हुने सचेत प्रयासको महत्त्वपूर्ण भूमिका रहेको बताउँदै भनिन्, “हामीले वातावरणमैत्री नीतिहरू बनाउँदै आएका छौं, तर स्थानीयस्तरको सहभागिता बिना दीगो परिणाम सम्भव छैन।” हेटौंडा उपमहानगरपालिकाका टोल विकास संस्था नगर समन्वय समितिका अध्यक्ष ध्रुव प्रसाद अधिकारीले आफ्नो भनाइमा टोलस्तरमा जनचेतना अभिवृद्धि, प्लाष्टिक न्यूनिकरण, हरियाली प्रवर्द्धन तथा फोहोर व्यवस्थापनमा भइरहेका प्रयासहरूबारे जानकारी…

मकवानपुर । ईन्द्रेणी मसरुम फार्म लिमिटेड काठमाडौंको मकवानपुरगढी गाउँपालिका ५, कालिवनमा सामरी युनिट शिलान्यास गरिएको छ । बागमती प्रदेशका कृषि तथा पशुपन्छी विकास मन्त्री प्रकाश श्रेष्ठले च्याउ उत्पादन युनिटको शिलान्यास गरेका हुन् । प्रदेशमा रहेका करिब ६ लाख किसानको सुचिकरण, वर्गीकरण, अभिलेखिकरण अन्तिम चरणमा पुगेको मन्त्री श्रेष्ठले बताए । प्रदेशका ६ वटा स्मार्ट फार्म संचालन गर्न कृषि मन्त्रालयले साझेदारी गर्ने उनले बताए । काठमाडौंको चन्द्रागिरी नगरपालिका १२ बलम्बुमा वि.सं. २०७१ सालमा स्थापित कम्पनीले मकवानपुरको चित्लाङ फार्मपछि दोश्रो सामरी युनिट स्थापना गरेको हो । कम्पनीको ४४ कठ्ठा जमिनमा च्याऊसँगै च्याऊको विऊ र कम्पोष्ट मल उत्पादनसँगै तालिम पनि संचालन गरिने ईन्द्रेणी मसरुम…

मकवानपुर । महिलाहरुको १ महिने हाते कढाइ एड्भान्स तालीम सम्पन्न भएको छ । लब्ली न्यु कृएशनको आयोजना तथा हेटौंडा उपमहानगरपालिका कार्यालयको सहयोगमा भएको तालिम महिलाहरुले पूरा गरेको आयोजक संस्थाकी प्रमुख शोभा श्रेष्ठले जानकारी दिइन् । श्रेष्ठले सहजीकरण गरेको तालिमका सहभागीहरुलाइ कार्यक्रमकी प्रमुख अतिथि हेटौंडा उपमहानगर पालिकाकी मेयर मिनाकुमारी लामाले प्रमाणपत्र बितरण गरेकी थिइन् । विशेष अतिथि हेटौंडा ६ का वडाध्यक्ष विष्णु बहादुर दाहालले बजारिकरणमा सघाउने बताए । कार्यक्रम हेटौंडा उपमहानगरपालिकाको हलमा भएको हो ।

हेटौंडा । नेपाल अडिटर्स एसोसिएसन (अडान) को सातौं राष्ट्रिय महाधिवेशन सम्पन्न भएको छ। महाधिवेशनले मकवानपुरका राजेन्द्र प्रसाद ढुङ्गानालाई केन्द्रिय उपाध्यक्षमा निर्वाचित गरेको छ। लेखा परीक्षण क्षेत्रमा दशकौँदेखि सक्रिय ढुङ्गाना पेशागत रूपमा अनुभवी र योग्य व्यक्तित्वका रूपमा चिनिन्छन्। त्यस्तै, महाधिवेशनले तेज प्रसाद आचार्यलाई केन्द्रिय सदस्यमा चयन गरेको छ। उनी पनि मकवानपुरकै प्रतिनिधित्व गर्दै अडानको नयाँ कार्यसमितिमा समावेश भएका छन्। दुबैजना लामो समयदेखि रजिष्ट्रड अडिटरको रूपमा सेवा दिँदै आएका छन्। महाधिवेशनले बद्रीप्रसाद भट्टराईको अध्यक्षतामा ८४ सदस्यीय नयाँ कार्यसमिति चयन गरेको छ। नयाँ नेतृत्वले आगामी तीन वर्षभित्र लेखा पेशालाई थप व्यवस्थित, मर्यादित र समसामयिक बनाउने लक्ष्य लिएको छ।