समाचार

हेटौंडा / हेटौंडा–११ मा समुदायमा आधारित रोग निगरानीसम्बन्धी वडास्तरीय अभिमुखीकरण कार्यक्रम सम्पन्न भएको छ। समुदायमा अनपेक्षित रूपमा देखापर्ने विभिन्न प्रकारका सरुवा तथा नसर्ने रोगहरू के–कस्ता हुन्छन्, तिनका समाधानका उपाय के हुन्, र यस्ता समस्याहरूको समाधान कुन संस्थाले गर्छ भन्ने विषयमा समुदायलाई जानकारी गराउने उद्देश्यले कार्यक्रम आयोजना गरिएको नवलपुर आधारभूत स्वास्थ्य केन्द्रकी प्रमुख मीना कुमारीले जानकारी दिइन्। हेटौंडा उपमहानगरपालिका तथा नवलपुर आधारभूत स्वास्थ्य केन्द्र, हेटौंडा–११, मकवानपुरको आयोजनामा कार्यक्रम सम्पन्न भएको हो। वडाध्यक्ष जुना दाहालको प्रमुख आतिथ्यतामा सम्पन्न कार्यक्रममा आधारभूत स्वास्थ्य केन्द्रकी मीना कुमारी र PHRD की प्रतिनिधि नम्रता सिलवालले सहजीकरण गरेका थिए। कार्यक्रममा जनप्रतिनिधि, विद्यालयका प्रअ, टोल विकास संस्थाका अध्यक्ष, स्वास्थ्य…

हेटौंडा । मकवानपुर उद्योग वाणिज्य संघले बागमती प्रदेश स्तरीय कृषि प्रदर्शनी २०८२ आयोजना गर्ने भएको छ। संघअन्तर्गतको कृषि प्रवर्द्धन समितिको संयोजनमा चैत १३ गतेदेखि १६ गतेसम्म हेटौंडाको पल्पसा सदनमा प्रदर्शनी आयोजना गरिने जानकारी दिइएको छ। किसान तथा कृषि उद्यमीहरूको मनोबल बढाउने, युवालाई कृषिमा आकर्षित गर्ने तथा कृषि उत्पादनको प्रवर्द्धन र बजारीकरणमा टेवा पुर्‍याउने उद्देश्यले प्रदर्शनी आयोजना गर्न लागिएको हो। प्रदर्शनीको उद्घाटन बागमती प्रदेशका कृषि तथा पशुपन्छी विकास मन्त्री मधुसुधन पौडेलले गर्ने कार्यक्रम रहेको छ भने विभिन्न कलाकारहरूको प्रस्तुति समेत आकर्षणको रूपमा रहने जनाइएको छ। संघले विगतदेखि नै उद्योगी व्यवसायीहरूको हितमा विभिन्न कार्यक्रम सञ्चालन गर्दै आएको र कृषिक्षेत्रमा पनि उत्प्रेरणा तथा…

हेटौँडा । मकवानपुर जिल्लामा यस वर्ष वन डढेलोका घटना अघिल्ला वर्षहरूको तुलनामा कम देखिएका छन्। २०८१ साल फागुनदेखि २०८२ जेठसम्मको अवधिमा ५७४ दशमलव २५ हेक्टर वन क्षेत्र डढेलोबाट प्रभावित भएको तथ्यांक सार्वजनिक गरिएको छ। मंगलबार आयोजित पत्रकार सम्मेलनमा प्रस्तुत विवरणअनुसार उक्त अवधिमा डढेलोका कारण १०२ वटा रुख, १ हजार १३७ खम्बा, १० हजार २९९ लाथ्रा तथा १ लाख ३५ हजार ६२ बिरुवामा क्षति पुगेको छ। चालु आर्थिक वर्षमा भने चैत महिनामा मात्रै डढेलोका घटना भएका थिए, जसमा करिब ५ हेक्टर वन क्षेत्र प्रभावित भएको वन कार्यालयले जनाएको छ। देशका ७७ जिल्लामध्ये मकवानपुर वन डढेलोको जोखिमका आधारमा १८ औँ स्थानमा पर्ने…