खेलकुद

हेटौंडा । हेटौंडामा पहिलो संस्करणको जिल्लास्तरीय फुलकन्ट्याक्ट कराँते प्रतियोगिता हुने भएको छ। मकवानपुर जिल्ला क्योकुशिन कराँते संघ (बालकुमारी आइकेओ) युनियनको आयोजनामा प्रतियोगिता यही जेष्ठ २४ गते हेटौंडा–४, पारिजातपथस्थित बहुउद्देश्यीय कभर्ड हलमा सम्पन्न हुने संघले जनाएको छ। संघका केन्द्रीय उपाध्यक्ष तथा जिल्लाका मुख्य प्रशिक्षक विष्णु श्रेष्ठका अनुसार, प्रतियोगिताको उद्देश्य युवा पुस्तालाई मानसिक तथा शारीरिक रुपमा सबल बनाउनुका साथै जिल्लामा खेलकुदको विकास गर्नु हो। प्रतियोगिताबाट राष्ट्रिय तथा अन्तर्राष्ट्रिय स्तरका खेलाडी उत्पादन गर्ने लक्ष्य रहेको श्रेष्ठले जानकारी दिए। प्रतियोगितामा मकवानपुरको मनहरी गाउँपालिका, बागमती गाउँपालिका र थाहा नगरपालिकाबाट करिब १५० जना महिला तथा पुरुष खेलाडीको सहभागिता रहने अनुमान गरिएको छ। प्रतियोगितामा महिलातर्फ ३५ केजी,…

मकवानपुर । नेपाली कांग्रेस बागमती प्रदेश सभापति ईन्द्रबहादुर बानियाँले खेलकुद क्षेत्रको समग्र विकासका लागि स्थानीयदेखि संघीय सरकारले ध्यान दिनुपर्ने बताएका छन् ।खेलाडीको क्षमता अभिवृद्धिका साथै उनीहरुको मनोबल बढाउँदै स्थानीयदेखि अन्तर्राष्ट्रिय प्रतिस्पर्धामा उभिनसक्ने बनाउनुपर्नेमा नेता बानियाँको जोड थियो । नेपाली कांग्रेस थाहा नगरपालिका ९ नम्बर वडा कार्यसमितिको आयोजनामा नयाँ वर्ष तथा लोकतन्त्र दिवसको अवसरमा स्वर्गीय शालिकराम मानन्धर र तेजबहादुर केसीको स्मृतिमा भएको प्रथम जिल्लास्तरीय रनिङशिल्ड भलिबल प्रतियोगिताको समापन कार्यक्रममा बोल्दै सभापति बानियाँले खेलकुद क्षेत्र मुलुकको सान भएको भन्दै यसमा प्रयाप्त बजेट छुट्याउन पहल गरिने प्रतिवद्धता पनि जनाए । भलिबल, फुटबललगायतका खेल क्षेत्रको विकासका लागि बागमती प्रदेश सरकारमार्फत प्रयाप्त बजेट विनियोजन गर्न…

मकवानपुर । हेटौंडा उपमहानगरपालिका–६ स्थित गौरीटारमा निर्माण सम्पन्न फुटबल रंगशालाको औपचारिक उद्घाटन गरिएको छ। बुधबार एक विशेष समारोहका बीच बागमती प्रदेशका मुख्यमन्त्री बहादुर सिंह लामाले रंगशालाको उद्घाटन गर्नुभयो। १४ करोड रुपैयाँको लागतमा निर्माण गरिएको उक्त रंगशाला सामाजिक विकास मन्त्रालयको पहलमा सम्पन्न गरिएको हो। रंगशालामा २,८५० दर्शक क्षमताको प्यारापिटसहितको पूर्वाधार तयार गरिएको छ, जसले क्षेत्रीय तथा राष्ट्रियस्तरका खेल आयोजनाको सम्भावनालाई बलियो बनाएको छ। उद्घाटन समारोहमा मुख्यमन्त्री लामाले खेलकूदलाई राष्ट्र निर्माणको आधारका रूपमा व्याख्या गर्दै भने, “खेल मैदान मात्र होइन, यो एक प्रशिक्षण केन्द्र बन्नु पर्छ जहाँ भविष्यका राष्ट्रिय र अन्तर्राष्ट्रिय खेलाडी उत्पादन हुन्छन्।” उहाँले विश्व चर्चित फुटबल खेलाडी क्रिस्टियानो रोनाल्डो र…

मकवानपुर । आगामी वैशाख १२ र १३ गते ‘राइड हेटौंडा टु सौराहा– २०८२’ को आयोजना हुने भएको छ । स्वास्थ्य , वातावरण तथा पर्यटकीय स्थलको प्रवद्र्धन गर्ने उदेश्यले साईकल सिटी हेटौंडाको मुख्य आयोजनामा कार्यक्रम हुने भएको आइतबार पत्रकार सम्मेलन मार्फत जानकारी दिइएको हो । बागमती प्रदेशको सस्कृति तथा पर्यटन मन्त्रालय र आर्थिक मामिला तथा योजना मन्त्रालयको समेत आयोजनामा हुने कार्यक्रममा ४३ जिल्लाबाट पाँच सय जना राईडरहरुले सहभागिता जनाउने अनुमान रहेको साईकल सिटी हेटौंडाका अध्यक्ष लेखनाथ ढकालले बताउनुभयो । जुनसुकै उमेर भएका इच्छुक राइड प्रेमीले कार्यक्रममा सहभागि हुन नाम दर्ता गर्नसक्ने आयोजकले जनाएको छ । हेटौंडा उपमहानगरपालिकादेखि चितवन जिल्लासम्मको ७५ किलोमिटरको…

मकवानपुर । मकवानपुर जिल्ला ब्याडमिन्टन संघको आयोजनामा दोस्रो जिल्ला स्तरीय खुला तथा भेट्रान ब्याडमिन्टन प्रतियोगिता हेटौंडामा सुरु भएको छ। थानाभऱ्याङ्ग बहुउद्देश्यीय ब्याडमिन्टन कभर्ड हल, हेटौंडा-११ मा आयोजना भएको प्रतियोगिता चैत्र ८ देखि १० गतेसम्म सञ्चालन हुनेछ। प्रतियोगिताको उद्घाटन हेटौंडा उपमहानगरपालिकाका उपप्रमुख राजेश बानियाँ र हेटौंडा-११ का वडा अध्यक्ष जुना दाहालको विशिष्ट आतिथ्यतामा सम्पन्न भयो। उद्घाटन कार्यक्रममा सामुदायिक सेवा केन्द्र तथा सामुदायिक प्रहरी सेवा केन्द्रका अध्यक्ष देव कुमार श्रेष्ठ, डाङ्गडुगे सामुदायिक बनका अध्यक्ष सालिकराम पुडासैनी, सहायक हवल्दार निमा भण्डारी लगायतको उपस्थिति रहेको थियो। मकवानपुर जिल्ला ब्याडमिन्टन संघले हेटौंडा उपमहानगरपालिका नगर खेलकुद विकास समितिको समन्वयमा प्रतियोगिता आयोजना गरेको हो। प्रतियोगिताका मुख्य प्रायोजक…

मकवानपुर । हेटौडा भेट्रान्स क्लबको आयोजनामा गत फागुन २२ गते देखी सुरु भएको दसौँ राष्ट्रिय हेटौँडा भेट्रान्स कप एट ए साइड रनिङ शिल्ड फुटबल प्रतियोगिताको उपाधि किङकम भेट्रान्स काठमाण्डौले जितेको छ । हेटौडामा सोमबार सम्पन्न फाइनल खेलमा फ्रिडम फाइटर भेट्रान्स काठमाण्डौलाई ट्राईब्रेकरमा पराजित गर्दै किङकम भेट्रान्सले नगद एक लाख ५० हजार पाँचसय पचपन्न रुपैयाँको राशि हात पार्न सफल भएको प्रतियोगीता संयोजक मणिराज गौतमले बताउनु भयो । खेलको १४ औ मिनेटमा फ्रिडम फाईटर भेट्रान्सको तर्फबाट कृष्ण मालाकारले एक गोल गर्दै समूहलाई अग्रता दिलाए पनि खेलको २७ औ मिनेटमा किङकम भेट्रान्सका खेलाडी जगातमान लामाले गोल गर्दै बराबरीमा बनाएका थिए । निर्धारित समयमा…

मकवानपुर । बुटवलमा सम्पन्न अल नेपाल बुटवल मेयरकप खुला स्नूकर प्रतियोगितामा हेटौंडा उपमहानगरपालिकाको प्रतिनिधित्व गर्दै सहभागी भएका सोम लामा उपाधि विजेता बनेका छन्। उपाधि जितेर हेटौंडा फर्किएका लामालाई हेटौंडा उपमहानगरपालिकाले बधाई तथा सम्मान गरेको छ। नगर प्रमुख मीनाकुमारी लामा र उपप्रमुख राजेश बानियाँ सहितका प्रतिनिधिहरूले लामासहित प्रतियोगितामा सहभागी भएका हेटौंडाका खेलाडीहरूलाई शुभकामना तथा सम्मान व्यक्त गरेका छन्। उक्त प्रतियोगितामा विभिन्न स्थानका खेलाडीहरूबीच प्रतिस्पर्धा भएको थियो, जसमा लामाले उत्कृष्ट प्रदर्शन गर्दै उपाधि जित्न सफल भएका हुन्। खेलकुदको विकासका लागि हेटौंडा उपमहानगरपालिकाले निरन्तर सहयोग गर्ने प्रतिबद्धता व्यक्त गर्दै नगर प्रमुख लामाले स्थानीय खेलाडीहरूलाई अझै अघि बढ्न प्रेरित गर्ने बताएकी छिन् ।

मकवानपुर । हेटौडामा जारी दसौँ राष्ट्रिय हेटौँडा भेट्रान्स कप एट ए साइड रनिङ शिल्ड फुटबल प्रतियोगिताको फाइनलमा फ्रिडम फाइटर भेट्रान्स र किङकम भेट्रान्स फाइनल प्रवेश गरेका छन् । आइतबार हेटौडा ४ मा रहेको हुप्राचौर खेलमैदानमा सम्पन्न प्रतियोगिता अन्तर्गत फ्रिडम फाइटर भेट्रान्सले बानेस्वर फ्रेण्डसिप भेट्रान्सलाई एक शून्य गोल अन्तरमा पराजित गर्दै फाइनल प्रवेश गरेको हो भने किङकम भेट्रान्सले आयोजक हेटौडा भेट्रान्स क्लबलाई तिन गोलको विरुद्ध पाँच गोल गर्दै फाइनल प्रवेश गरेको हो । खेलमा फ्रिडम भेट्रान्सको तर्फबाट खेलको छैटौँ मिनेटमा कृष्ण मालाकारले गरेको एक मात्र गोल निर्णायक बनेको थियो । खेलमा म्यान अफ द म्याच गोलकर्ता मालाकार घोषित भएका थिए ।…

मकवानपुर । हेटौडामा जारी दसौँ राष्ट्रिय हेटौँडा भेट्रान्स कप एट ए साइड रनिङ शिल्ड फुटबल प्रतियोगिता अन्तर्गत शनिवार चार क्वाटर फाइनल खेल सम्पन्न भकाएछन् । हेटौँडा भेट्रान्स क्लबको आयोजनामा आगामी २६ गते सम्म चल्ने प्रतियोगितामा ४५ वर्ष माथि उमेर समूह बिच खेल भइरहेको छ । हेटौडा ४ मा रहेको हुप्राचौर खेलमैदानमा जारी प्रतियोगिता अन्तर्गत शनिवारको पहिलो खेलमा बानेस्वर भेट्रान्सले एबिसि भेट्रान्स पोखरालाई ट्राईब्रेकरमा पराजित गर्न सफल हुँदै सेमिफाइनल प्रवेश गरेको छ । निर्धारित समयमा दुवै समूहबाट गोल हुन नसकेपछि खेल ट्राईब्रेकरमा पुगेको थियो । ट्राईब्रकरमा तिन दुई गोल अन्तरमा बानेस्वर भेट्रान्स विजयी भएको हो । खेलको म्यान अफ द म्याच…