मकवानपुर विशेष

हेटौंडा । नेपाली कम्युनिस्ट पार्टी (नेकपा)ले आसन्न प्रतिनिधिसभा निर्वाचनका लागि मकवानपुरका दुवै निर्वाचन क्षेत्रमा उम्मेदवार सिफारिस गरेको छ। पार्टीले मकवानपुर क्षेत्र नं. १ बाट वहालवाला जनप्रतिनिधि ३ जना सहित कुल १३ जनाको नाम सिफारिस गरेको छ भने क्षेत्र नं. २ बाट वहालवाला जनप्रतिनिधि २ जना सहित ८ जनाको नाम सिफारिस गरेको हो। मकवानपुर क्षेत्र नं. १ मा विरोध खतिवडा, विजय गौतम, घनप्रसाद गौतम, प्रल्हाद लामिछाने, भीम पाख्रिन, सोमबहादुर थिङ, किशोर टण्डन, शुभरत्न गोले, सूर्यकला तिमल्सिना र बीरबहादुर थिङको नाम सिफारिस गरिएको छ। साथै वहालवाला प्रदेश सभा सदस्य प्रेमबहादुर पुलामी, बागमती गाउँपालिका अध्यक्ष सर्केश घलान र जिल्ला समन्वय समिति प्रमुख ललित…

हेटौंडा। शिक्षामा नयाँ प्रयोग सुरु गरेपछि विद्यार्थीहरूको पठनपाठनमा उल्लेखनीय सुधार आएको त्रिभुवन माध्यमिक विद्यालयका प्रधानाध्यापक रामकुमार बर्तौलाले बताएका छन्। हेटौंडा उपमहानगरपालिका–११ नम्बर वडा अन्तर्गत नवलपुरमा रहेको उक्त विद्यालयले अध्ययन–अध्यापनलाई प्रभावकारी बनाउने उद्देश्यले शिक्षक/शिक्षिका र विद्यार्थीबीच मूल्यांकन सहमति फाराम, दैनिक कक्षा सञ्चालन तथा शिक्षण समय अभिलेख, दैनिक कक्षागत विद्यार्थी क्रियाकलाप फाराम भर्ने र नियमित रेकर्ड राख्ने जस्ता गतिविधि लागू गरेको छ। यी प्रणाली लागू भएपछि शिक्षक/शिक्षिका र विद्यार्थी दुवैको क्रियाकलापमा सकारात्मक सुधार आएको प्रशासनिक सहप्रधानाध्यापक शर्मिला ढकालले जानकारी दिइन्। नयाँ प्रणाली लागू गरेपछि विद्यार्थीहरूको पठनपाठन क्रमशः सुधार हुँदै गएको शैक्षिक सहप्रधानाध्यापक बैकुण्ठ नेपालको मूल्यांकन छ। कक्षा ९ का विद्यार्थी तथा विद्यालय…

हेटौँडा । हेटौंडा उपमहानगरपालिका–२ अन्तर्गत मानसचोकदेखि पिपलबोटसम्मको सडक खण्ड कालोपत्र गरिएको छ । हेटौंडाको अत्यन्त संवेदनशील तथा महत्वपूर्ण क्षेत्र मानिने यस सडक खण्डमा मुख्यमन्त्रीको कार्यालय र निवास, विभिन्न मन्त्रालयहरू, हेटौंडा उपमहानगरपालिका कार्यालय, जिल्ला प्रशासन कार्यालय, जिल्ला अदालत, वडा नं. २ को कार्यालयलगायतका प्रमुख सरकारी निकायहरू अवस्थित छन् । लामो समयदेखि सडक ठाउँ–ठाउँमा भत्किएको, खाल्डाखुल्डी परेको र धुलो–हिलोका कारण सर्वसाधारण तथा सवारीसाधनलाई आवागमनमा समस्या हुँदै आएको थियो । सडक स्तरोन्नतिका लागि अघिल्ला समयमा विभिन्न बाधा तथा अड्चन देखिए पनि यसपटक भने मानसचोकदेखि पिपलबोटसम्मको सडक कालोपत्र (पिच) सम्पन्न गरिएको वडा नं. २ को कार्यालयले जनाएको छ । सडक कालोपत्र भएसँगै आवागमन सहज…

हेटौंडा / हेटौंडा उपमहानगरपालिका–४ नम्बर वडास्थित एक क्याफेमा रातभरि अश्लील शब्द प्रयोग गर्दै हो–हल्ला भएपछि स्थानीयवासी समस्यामा परेका छन्। हुप्रचौरको पूर्वी गेट नजिकै रहेको उक्त क्याफेमा रातभरि ठूलो स्वरमा अश्लील शब्द प्रयोग गर्दै हो–हल्ला गरिने गरेको स्थानीयको गुनासो छ। “रातभरि सुत्नै सकिनँ, बिहान ४ बजे मात्रै निदाउन पाएँ,” एक स्थानीयले मिडियासँग दुःखेसो पोखे। स्थानीयका अनुसार होटल, रेस्टुरेन्ट, बार तथा डान्सबार सञ्चालन गर्नु व्यवसायिक अधिकार भए पनि वरपर बसोबास गर्ने मानिसहरू कामबाट थाकेर घर फर्किने गर्छन्। यस्तो अवस्थामा अरूलाई असहज हुने गरी असभ्य व्यवहार गर्नु व्यक्तिगत अधिकारको हनन भएको उनीहरूको भनाइ छ। एक–दुई पटक मात्र नभई पटक–पटक यस्ता गतिविधि दोहोरिँदै आएको…

हेटौंडा / नेपाली कम्युनिस्ट पार्टीको हेटौंडा उपमहानगर पालिका समिति एकता बिस्तार बैठक सम्पन्न भएको छ । नेकपाका पुर्व घटक पार्टी नेकपा माओवादी केन्द्रका नेता प्रदीप अर्यालको सभाध्यक्षतामा भएको बैठकमा संविधान सभा सदस्य प्रल्हाद लामिछानेको प्रमुख आतिथ्यता रहेको थियो । नेकपाको पुर्व घटक पार्टी नेकपा एस , नेकपा माओवादी केन्द्रका पार्टी केन्द्रिय , प्रदेश , जिल्ला र नगर तथा वडाका नेता तथा कार्यकर्ताहरुको उल्लेख्य उपस्थिति रहेको कार्यक्रममा सम्बोधन गर्दै प्रमुख अतिथी लामिछानेले राज संस्था आउँदा जनताको लोकप्रिय मत पाएर आम जनताको छोराछोरीले रास्ट्रपति , प्रधानमन्त्री हुन पाउने अवसर गुम्ने बताए । एउटा बङ्सले राज्य गर्दा आम नागरिकले बोल्न पाउने अधिकार थिएन…

हेटौंडा / हेटौंडा ५ स्थित सिद्धार्थ शिशु सदन स्कुलमा कक्षा १० मा अध्यनरत छात्रछात्राहरुलाइ लैङ्गकि हिंसा , साइबर क्राइम , प्रवृत्ति को सहि सदुपयोग बारे सचेत गराइएको छ । गैरसरकारी संस्था महासङ्घ मकवानपुर , नेपाल मानव अधिकार संगठन मकवानपुरको आयोजना र जिल्ला प्रहरी कार्यालय मकवानपुर , सामुदायिक प्रहरी सेवा उपकेन्द्र हेटौंडा बसपार्कको साझेदारीमा एकदिवसीय सचेतना कार्यक्रम गरिएको हो । गैरसरकारी संस्था महासङ्घ मकवानपुरकि अध्यक्ष रमिला सापकोटाको सभाध्यक्षतामा भएको कार्यक्रममा सिटीइभिटी बागमती प्रदेश हेटौंडाकि प्रमुख निर्देशक शान्ति लामाको प्रमुख आतिथ्यता रहेको थियो । कार्यक्रममा बोल्दै प्रमुख अतिथि लामाले प्रवृदीको सदुपयोग गर्नाले धेरै फाइदा हुने र दुरुपयोग गर्दा दुर्घटना निम्तिने बताइन् ।…

हेटौंडा । हेटौंडा बजार क्षेत्रको सडक विस्तार अभियानका लागि आवश्यक सबै तयारी पूरा भएको जिल्ला प्रशासन कार्यालय मकवानपुरले जनाएको छ। सडक डिभिजन कार्यालय मकवानपुरले मंसिर ५ गते प्रकाशित सूचनाअनुसार अघि बढाइएको अभियानमा स्थानीयवासी तथा सरोकारवालाको उत्साहजनक सहयोग देखिएको प्रशासनले जानकारी दिएको छ। प्रशासनले आज जारी गरेको सार्वजनिक सूचनामा व्यवसायीहरूले स्वेच्छिक रूपमा आफ्नो पसल सार्न थालेको, सेल–अफरमार्फत सामान बिक्री गरी कार्य सहज बनाइरहेको तथा सडक विस्तारलाई साथ दिइरहेकोप्रति धन्यवाद व्यक्त गरेको छ। तर केही व्यक्तिहरूबाट व्यवसायीहरूलाई धाकधम्की दिने, जबरजस्ती पसल बन्द गराउने र सार्वजनिक विकास निर्माणको कानुनसम्मत कार्यमा अवरोध पुर्‍याउने गतिविधि देखिएको प्रशासनको आरोप छ। यस्ता गैरकानुनी गतिविधिबाट टाढा रहन सबैलाई…

हेटौँडा । सडक डिभिजन हेटौँडाले भोलि मिति २०८२ मंसिर २० गतेदेखि सडक विस्तारका कामहरू योजना अनुसार निरन्तर अगाडि बढ्ने स्पष्ट गरेको छ। डिभिजनले यसअघि मंसिर ५ गते प्रकाशित गरिएको सूचनाअनुसार आज मंसिर १९ गतेसम्म कुनै पनि आधिकारिक निकायबाट ‘सडक विस्तार रोक्न’ भनी कुनै निर्देशन नआएकाले काम अगाडि बढ्ने बताएको हो। डिभिजन प्रमुखद्वारा जारी सूचनामा भनिएको छ कि कार्यालयमा आवश्यक आधिकारिक सूचना नआएकाले भोलिदेखि नियमानुसार विस्तार कार्य निरन्तर सञ्चालन हुनेछ। सडक विस्तारको विषयलाई लिएर हेटौँडामा केही राजनीतिक दलका युवा समूह तथा नेताहरूले “२५ मिटर सडक भत्काउने कार्य रोक्ने निर्देशन आएको” जस्तो अभिव्यक्ति सामाजिक सञ्जालमा दिँदै अनिश्चितता र भ्रम पैदा भइरहेको भन्दै…

हेटौंडा । हेटौंडा नगरभित्र पर्ने राष्ट्रिय राजमार्गको २५ गज सीमा विस्तारका नाममा सडक विभागले मंसिर २० गतेदेखि क्षेत्र खाली गराउने निर्णय सार्वजनिक गरेपछि स्थानीय व्यवसायी र घरधनीहरू आन्दोलित भएका छन्। विभागले १५ दिनभित्र सडक सीमाभित्र पर्ने संरचना तथा सामान सुरक्षित बनाउन सूचना जारी गरेको थियो, जसका कारण नगरवासी त्रास र अनिश्चिततामा परेको व्यवसायी संघले जनाएको छ। सुनचाँदी व्यवसायी संघ, बागमती प्रदेश हेटौंडाका अध्यक्ष ज्योतिरत्न ‘बज्राचार्य’ले विज्ञप्ति जारी गर्दै विभागको कदम असंवैधानिक, एकपक्षीय र नागरिकमैत्री नहुने दाबी गरेका छन्। उनले सडक विस्तारको विरोध नभई संविधानले दिएको आवास तथा सम्पत्तिको अधिकारको संरक्षणको माग मात्रै गरिएको स्पष्ट पारे। संविधान र सर्वोच्च अदालतका आदेश…