सबै समाचार

हेटौंडा । नेपाल पत्रकार महासंघ मकवानपुर शाखाले पत्रकार सुरेश रजकको हत्या प्रकरण र पत्रकारितामाथि बढ्दो आक्रमणको सन्दर्भमा सम्पादक तथा प्रकाशकहरूसँग गम्भीर छलफल गरेको छ। महासंघको केन्द्रीय निर्देशन अनुसार आयोजना गरिएको उक्त छलफल शुक्रबार हेटौंडामा सम्पन्न भएको हो। दोस्रो चरणको आन्दोलन अन्तर्गत आयोजना गरिएको कार्यक्रममा सहभागीहरूले हालको आन्दोलन कमजोर बन्दै गएको बताएका छन्। छलफलका सहभागीहरूले बन्द कोठामा सीमित हुने कार्यक्रमबाट ठोस परिणाम ननिस्कने भन्दै आन्दोलनलाई थप प्रभावकारी बनाउनु पर्ने धारणा राखे। सरकारमाथि दबाब बढाउन रणनीति पुनरावलोकन गर्नु आवश्यक रहेकोमा सबैको जोड थियो। नेपाल पत्रकार महासंघ बागमती प्रदेशका संस्थापक अध्यक्ष प्रताप विष्टले अहिलेसम्मका आन्दोलन प्रभावशाली बन्न नसकेको टिप्पणी गर्दै आन्दोलनले अब ठोस…

हेटौँडा । हेटौँडा उपमहानगरपालिका–१४ स्थित कुखरेनी खोला किनारदेखि औद्योगिक क्षेत्र उत्तरपानीसम्मको सडक स्तरीकरण कार्यको शिलान्यास शुक्रबार सम्पन्न भएको छ। शिलान्यास कार्यक्रममा उपमहानगरपालिकाकी नगर प्रमुख मीनाकुमारी लामा, उपप्रमुख राजेश बानियाँ, वडा नं. १४ का अध्यक्ष दीपक खड्का सहित वडा सदस्यहरूको उपस्थिति थियो। उक्त सडक १ करोड ९१ लाख ४५ हजार ९३१ रुपैयाँको लागतमा निर्माण हुने भएको छ। सडक स्तरीकरणपछि यस क्षेत्रका बासिन्दाहरूलाई आवतजावतमा सहज हुने विश्वास लिइएको छ, साथै स्थानीय आर्थिक गतिविधिमा समेत सकारात्मक प्रभाव पर्ने अपेक्षा गरिएको छ। नगर प्रमुख लामाले शिलान्यास कार्यक्रममा बोल्दै विकासका आधारभूत संरचनाहरू निर्माण गर्नु उपमहानगरको प्राथमिकता भएको उल्लेख गर्दै भनिन्, “स्थानीय जनताको मागअनुसार हामीले प्राथमिकतामा…

हेटौंडा । राष्ट्रिय स्वतन्त्र पार्टी (रास्वपा) मकवानपुरले हेटौंडा क्षेत्रका विभिन्न स्थानमा भइरहेको अघोषित लोडसेडिङविरुद्ध नेपाल विद्युत प्राधिकरण मकवानपुर शाखामा ज्ञापनपत्र बुझाएको छ। रास्वपाका RAT संयोजक महेन्द्र कुमार श्रेष्ठको नेतृत्वमा बुझाइएको ज्ञापनपत्रमा हेटौंडा क्षेत्र, आसपासको बजार र अन्य क्षेत्रहरूमा दिन र रातको समयमा पटक–पटक लोडसेडिङ हुँदा सर्वसाधारणदेखि व्यापार व्यवसायमा समेत गम्भीर असर परेको उल्लेख गरिएको छ। ज्ञापनपत्रमा विद्युत आपूर्ति व्यवस्थापनमा देखिएको चरम बेवास्ता र लापरवाहीले जनजीवन कष्टकर बनेको भन्दै तत्काल समाधान गर्न माग गरिएको छ। साथै, तत्काल सुधार नगरिए आन्दोलन गर्न बाध्य हुने चेतावनी पनि दिइएको छ। ज्ञापनपत्र बुझ्दै नेपाल विद्युत प्राधिकरण मकवानपुर शाखाका वितरण प्रमुख शिवराम यादवले अबदेखि लोडसेडिङ नहुने…

हेटौंडा । शिक्षा तथा बाल अधिकारका सवालमा क्रियाशील लू निभाः बाल अधिकार समूह र शिक्षा अधिकार अनुगमन समूहले संयुक्तरूपमा बागमती प्रदेश सरकारलाई २० बुँदे सुझावपत्र बुझाएका छन्। सामाजिक विकास मन्त्रालयमार्फत बुझाइएको उक्त सुझावपत्रमा आगामी आर्थिक वर्षको नीति, कार्यक्रम तथा बजेटमा बालबालिकासम्बन्धी विषयहरूलाई प्राथमिकताका साथ समावेश गर्न माग गरिएको छ। समूहका प्रतिनिधिहरू सन्तराम डंगोल र प्रकाश खतिवडाले सामाजिक विकासमन्त्री हरिप्रभा खड्गीको सचिवालय तथा मन्त्रालयका सचिवमार्फत सुझावपत्र हस्तान्तरण गरेका हुन्। सुझावपत्रमा नेपालको अन्तर्राष्ट्रिय प्रतिबद्धता अनुसार प्रदेश सरकारले शिक्षा क्षेत्रमा कुल बजेटको कम्तीमा २० प्रतिशत विनियोजन गर्नुपर्नेमा जोड दिइएको छ। साथै, १० वर्षे विद्यालय शिक्षा क्षेत्र योजना तयार पार्नुपर्ने, विद्यालयस्तरमा दिवा खाजा, छात्रवृत्ति…

हेटौँडा । काठमाडौँ–तराई–मधेस फास्ट ट्रयाक निर्माणमा संलग्न चिनियाँ कम्पनी चाइना स्टेट कन्स्ट्रक्सन इञ्जिनियरिङ कर्पोरेसन (CSCEC) ले सम्झौताअनुसारको काम सम्पन्न भएको १५ महिना बितिसक्दा पनि भुक्तानी नगरेको भन्दै नेपाली ठेकेदार कम्पनीहरूले गम्भीर गुनासो गरेका छन्। शनिबार हेटौंडामा आयोजित पत्रकार सम्मेलनमा नेपाल मेशिनरी एक्जिम कम्पनीका प्रवन्ध निर्देशक मुकेश शरावगीले CSCEC सँगको सम्झौताअनुसार काम सकिएपछि एक महिनाभित्र भुक्तानी हुनुपर्ने भए पनि १५ महिनासम्म ७ करोड रुपैयाँभन्दा बढी भुक्तानी नपाएको जानकारी दिए। तीन नेपाली कम्पनीको ७ करोड बढी रकम असुल हुन बाँकी फलामजन्य सामग्री आपूर्ति गरेका तीन नेपाली कम्पनीहरू — नेपाल मेशिनरी एक्जिम, नेपाल फास्ट ट्रयाक इन्फ्रा कन्सर्न, र नेपाल मेशिनरी इन्टरप्राइजेज प्रा.लि —…

मकवानपुर । हेटौंडा उपमहानगरपालिका वडा नम्बर २ ले हाम्रो घर बालगृहलाई सहयोग गरेको छ । शुक्रबार वडा कार्यालयले बालगृहलाई स्टेसनरी सामग्री सहयोग गरेको हो । बालगृहमा आश्रीत बालबालिकाको अध्ययनमा सहयोगको लागि स्टेशनरी सामग्री सहयोग गरिएको वडा अध्यक्ष विष्णु गोपाल महर्जनले बताए । वडाध्यक्ष महर्जनले भने ' सियान तथा मकवानपुर रिकभरिङ समुहलाई सहयोग गर्यौ । आगामी आर्थिक वर्षबाट कार्यक्रममै राखेर बालगृह लगायतका सामाजिक सस्थालाई सहयोग गर्नेछौ ।' बालगृहलाई २६ हजार बराबरको सामग्री सहयोग गरिएको वडा सचिव राम प्रसाद गुरागाईले जानकारी दिए । उनका अनुसार यस अघि सियान पुनर्स्थापना केन्द्रलाई खाद्यान्न तथा मकवानपुर रिकभरिङ समुहलाई कुर्सी सहयोग गरिएको छ । उक्त बालगृहका…