सबै समाचार

हेटौँडा । बागमती प्रदेशका मुख्यमन्त्री तथा नेपाली कांग्रेस संसदीय दलका नेता इन्द्रबहादुर बानियाँको अध्यक्षतामा बसेको सर्वदलीय बैठकले पाँच बुँदे निर्णय गरेको छ । बैठकले भदौ २३ र २४ गते जेनजि अभियान प्रदर्शनका क्रममा परी ज्यान गुमाएका नागरिकप्रति श्रद्धाञ्जलि अर्पण गर्दै शोकसन्तप्त परिवारलाई समवेदना प्रकट गरेको छ । घाइतेहरूको शीघ्र स्वास्थ्य लाभको शुभकामना पनि सन्देशमार्फत दिइएको छ । संविधान जारी भएको दिन असोज ३ गतेलाई भव्यरूपमा संविधान दिवसका रूपमा मनाउने निर्णय पनि बैठकले गरेको छ । त्यस्तै जेनजि अभियान प्रदर्शनका क्रममा बागमती प्रदेश सरकारका संरचना, स्थानीय तहका संरचना तथा विभिन्न व्यक्तिहरूको निजी व्यवसायिक प्रतिष्ठानमा भएको क्षतिको विवरण संकलन गर्ने निर्णय भएको…

हेटौँडा । बागमती प्रदेश प्रमुख दीपक प्रसाद देवकाेटाले संविधान दिवसकाे शुभकामना व्यक्त गर्नु भएकाे छ । जनताका प्रतिनिधिहरुले संविधान सभामार्फत् संविधान निर्माण गरी जारी भएको आज १० बर्ष पूरा भएको छ । यसै अवसरमा उहाँले शुभकामना सन्देश मार्फत भन्नु भएकाे छ ‘यो सुखद अवसरमा देश तथा विदेशमा रहनुभएका सम्पूर्ण नेपाली दिदीबहिनी, दाजुभाइहरुमा हार्दिक बधाई, साथै शुभकामना व्यक्त गर्दछु ।’ ‘संविधान देशको मुल कानून हो । यो सुनौलो बिहानी ल्याउन योगदान गर्नुहुने इतिहासको विभिन्न कालखण्डका शहीदहरुप्रति श्रद्धाञ्जली व्यक्त गर्दछु’ प्रदेश प्रमुखले सन्देशमा भन्नु भएकाे छ । नेपाली जनताको संघर्ष र बलिदानबाट वि.सं.२०७२ साल असोज ३ गते संघीय लोकतान्त्रिक गणतन्त्र नेपालको संविधान…

हेटौँडा । मकवानपुर प्रहरीले पछिल्ला तीन दिनयता छुट्टाछुट्टै अपरेसनमार्फत ठूलो परिमाणमा लागुऔषध बरामद गर्दै चार जनालाई नियन्त्रणमा लिएको छ। १५७ किलो गाँजासहित कन्टेनर चालक पक्राउ भाद्र ३१ गते बिहान करिब ६ बजे इलाका प्रहरी कार्यालय भिमफेदी र प्रहरी चौकी भैसेबाट खटिएको संयुक्त टोलीले भैसे चेकपोष्टमा पालुङबाट हेटौडा तर्फ आउँदै गरेको बा २ ख ३२१९ नम्बरको भाडा कन्टेनर रोकेर चेकजाँच गरेको थियो। सिन्धुपाल्चोक बाह्रबिसे नगरपालिका–८ का ४१ वर्षीय चालक बिरबहादुर तामाङले चलाएको सो कन्टेनरको पछाडिको डिब्बामा लुकाइछिपाइ ल्याइएको अवस्थामा १२ वटा पोका सहित १५७ किलो १२० ग्राम गाँजा फेला परेको प्रहरीले जनाएको छ। कन्टेनर सहित गाँजा बरामद गरी तामाङलाई नियन्त्रणमा लिइ…

हेटौंडा । हेटौंडा उपमहानगरपालिकाकी नगरप्रमुख मीना कुमारी लामाले विद्यार्थीप्रति राखेको अभिव्यक्तिका कारण उत्पन्न विवादपछि सार्वजनिक माफी मागेकी छन्। भदौ २३ गते Gen-Z आन्दोलनका क्रममा विद्यार्थीले गुनासो राख्न उपमहानगरपालिकामा पुग्दा नगरप्रमुख लामाले दिएको प्रतिक्रियापछि आलोचना चुलिएको थियो। सो घटनापछि आइतबार विज्ञप्ति जारी गर्दै उनले आफ्ना शब्द र शैलीका कारण विद्यार्थीको मन दुखेको रहेछ भने माफी चाहेको उल्लेख गरेकी छन्। ‘विद्यार्थी भाइबहिनीहरूको मन दुखाउने कुनै उद्देश्य मेरो थिएन। तर मेरो शब्द र शैलीका कारण चोट पुगेको रहेछ भने माफी चाहन्छु,’ विज्ञप्तिमा भनिएको छ। लामाले विद्यार्थीहरूको पक्षमा सधैं खडा रहने प्रतिबद्धता जनाउँदै शैक्षिक, सामाजिक र सिर्जनात्मक अभियानमा निरन्तर साथ दिने आश्वासन दिएकी छन्।…

मकवानपुर । मकवानपुरमा जारी कर्फ्यू र निषेधाज्ञा हटाइएको छ। जिल्ला प्रशासन कार्यालय मकवानपुरले शनिबार बिहान १० बजेदेखि लागू हुनेगरी कर्फ्यू तथा निषेधाज्ञा हटाइएको जनाएको हो। कार्यालयले विज्ञप्ति जारी गर्दै पछिल्लो समय देशमा विकसित घटनाक्रम र त्यसपछि उत्पन्न असहज अवस्था क्रमशः सामान्य बन्दै गएको भन्दै कर्फ्यू हटाउने निर्णय गरिएको स्पष्ट पारेको छ। मकवानपुरमा मंगलबारदेखि पटक–पटक गर्दै अनिश्चितकालीन कर्फ्यू लागू गरिएको थियो। सुरक्षात्मक कारणले लिइएको सो निर्णय हटाइएसँगै सामान्य जनजीवन पूर्ववत् हुन थालेको जनाइएको छ।

काठमाडौँ । राष्ट्रपति रामचन्द्र पौडेलले संविधानको धारा ६१ को आधारमा पूर्वप्रधानन्यायाधीश सुशीला कार्कीलाई प्रधानमन्त्रीमा नियुक्त गरेका छन्। नयाँ संविधान जारी भएपछि यसअघि गठन भएका सबै सरकारहरू संविधानको धारा ७६ अन्तर्गत बनेका थिए। तर, हालैको युवा (जेन–जी) आन्दोलनको दबाब र राजनीतिक परिस्थिति बीच कार्कीलाई संविधानको धारा ६१ अनुसार नियुक्त गरिएको हो। नेपालको संविधानको धारा ६१ ले राष्ट्रपति सम्बन्धी प्रावधानको व्यवस्था गरेको छ। यस धारामा प्रधानमन्त्रीको नियुक्ति वा पदसम्बन्धी प्रावधान प्रत्यक्ष उल्लेख नभए पनि राष्ट्रपतिलाई नेपालको राष्ट्राध्यक्षका रूपमा संविधान तथा संघीय कानुनअनुसार काम गर्ने, राष्ट्रिय एकताको प्रवर्द्धन गर्ने, संविधानको पालन र संरक्षण गर्ने जिम्मेवारी दिएको छ। यही प्रावधानलाई आधार बनाउँदै राष्ट्रपतिले आफ्नो…

मकवानपुर । जिल्ला प्रशासन कार्यालय मकवानपुरले पछिल्लो सुरक्षा अवस्थालाई ध्यानमा राख्दै जिल्लाभर निषेधाज्ञा तथा कर्फ्यू आदेश जारी गरेको छ। प्रमुख जिल्ला अधिकारी स्किम श्रेष्ठद्वारा जारी सूचनामा स्थानीय प्रशासन ऐन, २०२८ को दफा ६(३) र ६(क) बमोजिम बिहीबारदेखि अर्को आदेश नभएसम्म लागू हुने गरी आदेश गरिएको उल्लेख छ। निर्धारित समयअनुसार बिहान १०:०० बजेदेखि बेलुकी ५:०० बजेसम्म निषेधाज्ञा लागू हुनेछ भने बेलुकी ७:०० बजेदेखि बिहान ६:०० बजेसम्म कर्फ्यू लागू हुने जनाएको छ। अत्यावश्यक कामका लागि नागरिकहरूले बिहान ६:०० देखि १०:०० बजेसम्म र बेलुकी ५:०० देखि ७:०० बजेसम्म मात्र आवतजावत गर्न पाउने व्यवस्था गरिएको छ। आदेशमा निषेधाज्ञा तथा कर्फ्यू अवधिभर पाँच जना भन्दा…

हेटौँडा । नेपाली सेनाले काठमाडौं उपत्यकासहित देशभर लागू भएको निषेधाज्ञा आज बेलुकी ५ बजेसम्म निरन्तर रहने जनाएको छ । सो समयपछि भोलि बिहान ६ बजेसम्म कर्फ्यू यथावत् रहने सेनाले जानकारी दिएको छ । सेनाका अनुसार आन्दोलनका नाममा विभिन्न ठाउँमा अझै पनि अराजक गतिविधि भइरहेका कारण सुरक्षालाई ध्यानमा राख्दै निषेधाज्ञा र कर्फ्यू कायमै राखिएको हो । जारी सूचनामा सेनाले अत्यावश्यक सेवाका गाडी सञ्चालनमा कुनै अवरोध नहुने स्पष्ट पारेको छ । एम्बुलेन्स, शववाहन, दमकल, स्वास्थ्यकर्मी र सुरक्षाकर्मीका गाडी निर्वाध रूपमा चल्ने व्यवस्था मिलाइएको जनाएको छ । यस्तै, आवश्यक सहजताका लागि नजिकमा रहेका सुरक्षाकर्मीसँग समन्वय गर्न तथा आधिकारिक निकायले जारी गरेका सूचनामा मात्रै…

हेटौँडा । भ्रष्टाचारविरोधी आन्दोलनमा उत्रिएका जेन-जी पुस्ताले सोमबारको हिंसात्मक घटनापछि मंगलबार पनि हेटौँडामा प्रदर्शन तीव्र पारेका छन्। बिहानैदेखि सुरु भएको प्रदर्शनमा स्थानीयबासी र व्यापारीहरूले समेत समर्थन जनाएका छन्। हेटौँडा–२ स्थित उपमहानगरपालिका कार्यालय अगाडि प्रदर्शनकारीहरूले प्रहरीको सुरक्षा घेरा तोड्दै प्रधानमन्त्री केपी शर्मा ओलीविरुद्ध राजीनामाको मागसहित नाराबाजी गरेका थिए। शीतल महल चोकमा थोरै संख्यामा देखिएका प्रदर्शनकारी सिमाचोक, बुद्ध चोक हुँदै मानस चोक पुग्दा बाक्लिँदै गए। यस क्रममा उनीहरूले शङ्ख बजाउँदै विरोध जनाएका थिए। हेटौँडा–१६ मा स्थानीयले टायर बालेर विरोध जनाए भने पश्चिम मकवानपुरका व्यापारीहरूले समर्थनस्वरूप बजार बन्द गरे। राजमार्ग समेत अवरुद्ध भएपछि सर्वसाधारण आवतजावत प्रभावित भएको छ। उपमहानगरपालिकाले सोमबारको हिंसात्मक घटनालाई मध्यनजर…