हेटौँडा । औँषधी व्यवसायी संघ मकवानपुरले स्थापना दिवसका अवसरमा हेटौँडा ११ स्थित शंकरज्योति माविलाई विविध सामग्रीहरु हस्तान्तरण गरेको छ ।
कार्यक्रममा संघका अध्यक्ष नारायणलाल श्रेष्ठले केक काटेर कार्यक्रमको उद्घाटन गरेका थिए । कार्यक्रममा विद्यालयलाई शैक्षिक सामग्री, डिजिटल घडी, प्राथमिक उपचार बाकस लगायतका सामग्री विद्यालयका प्रअ महेश रिजाललाई हस्तान्तरण गरिएको हो ।
यसैबिच औँषधी व्यवसायी संघका केन्द्रीय सदस्य कपिला जोशीले गरिब तथा जेहेन्दार विद्यार्थीलाई नगद ५ हजार ५ सय रुपैयाँ सहयोग गर्ने प्रतिवद्धत्ता जनाएकी छिन् ।
संघका जिल्ला अध्यक्ष श्रेष्ठको सभाध्यक्षतामा भएको कार्यक्रम अनिश सुवेदी र किसन न्यौपानेको संयोजकत्वमा भएको हो । कार्यक्रममा केन्द्रीय सदस्य जोशी, बागमती प्रदेश सदस्य संघर्ष गुरुङ, जिल्लाका महासचिव भरत कार्की, सचिव यादव अर्याल, सल्लाहकार विष्णु थापा, विद्यालयका प्रअ महेश रिजाल, शिक्षक रोशन पराजुली लगायतको आतिथ्यता रहेको थियो ।
संघले विद्यालयलाई परेको समस्यामा हातेमालो गर्दै जाने प्रतिवद्धत्ता जनाएको छ ।
