Day: २०८१ पुष ४, बिहीबार २१:५० गते

मकवानपुर । हेटौंडा उपमहानगरपालिका वडा नम्बर १९ स्थित लेखपानीमा रहेको श्री जीवन ज्योति आधारभूत विद्यालयका विद्यार्थीका लागि न्यानो कपडा वितरण गरिएको छ । हेटौंडामा केही समयअघि सञ्चालनमा आएको ‘सेवा सहयोग र आवाजमा हामी’ नामक संस्थाले विद्यार्थीहरुका लागि न्यानो कपडा आवश्यक रहेको जानकारी प्राप्त भएपश्चात् उपलब्ध गराइएको संस्थाका अध्यक्ष विशालराज महतले जानकारी दिए । केही समयअघि सञ्चारमाध्यममा समाचार आएपछि संस्थाकै सदस्यहरुमा थोरैथोरै रकम संकलन गरी विद्यार्थीका लागि कपडा हस्तान्तरण गरिएको अध्यक्ष महतले बताए । विद्यालयमा अध्ययनरत ४१ बालबालिकाका लागि न्यानो कपडा (ट्रयाकसुट) वितरण गरिएको महतले बताए । संस्थाका अध्यक्ष महतको सभाध्यक्षतामा भएको कार्यक्रममा विद्यालय व्यवस्थापन समिति अध्यक्ष प्रेमसिंह गोलेको प्रमुख आतिथ्यता…

मकवानपुर । मकवानपुर उद्योग वाणिज्य संघका अध्यक्ष उम्मेदवार प्रमोदसिंह रानाभाटले आफुले सानादेखि ठूला सबै व्यवसायीको समस्या समाधान गर्ने लक्ष्य राखेको बताउनुभएको छ । सबै समाचारसँगको कुराकानीमा रानाभाटले अहिले विभिन्न समस्याहरुको चपेटामा परेका व्यवसायीहरुको अवस्था सुधारमा आफ्नो भूमिका रहने बताउनुभयो । एक दशकभन्दा बढी संघमा रहेर काम गरेका रानाभाट हाल संघका उपाध्यक्ष समेत हुनुहुन्छ । व्यवसायीकै हितमा काम गर्ने बताउनुहुँदै रानाभाटले व्यवसायीको समस्याको सम्बोधन गर्न आफु निरन्तर लाग्ने बताउनुभयो । मकवानपुर उद्योग वाणिज्य संघलाई थप उचाईमा पुराउने लक्ष्य समेत राख्नुभएका रानाभाटले व्यवसायीका हकहितका लागि ठोस योजना समेत अघि सारिएको बताउनुभयो । हाल व्यवसायीहरुको सुझाव संकलन गर्नका लागि घरदैलो गरिरहनुभएका रानाभाट आफु…

मकवानपुर । हेटौंडा उपमहानगरपालिका वडा नम्बर १३ पदमपोखरी मेनरोड सडक अपग्रेडिङ्ग कार्यको शिलान्यास गरिएको छ। बुधबार हेटोँडा उपमहानगरपालिकाकी मेयर मीनाकुमारी लामाले सडक अपग्रेडिङको शिलान्यास गरेकी हुन् । नगर प्रमुख लामाको प्रमुख आतिथ्यमा कार्यक्रम भएको हो । हेटौंडा उपमहानगरपालिकाको रु २ करोड ४९ लाख ५३ हजार लागतमा आयोजना स्वीकृति गरिएको वडा अध्यक्ष पेम्बा लामाले बताए । सडकको उत्तरोन्नत्ति ठेक्का प्रक्रृया मार्फत हुने जनाइएको छ । श्री सुवास–नभिल हिलटप जेभी काठमाडौं निर्माण कम्पनीले सो कामको जिम्मा लिएको छ। २०८१–५–३० गते सुरुभएको आयोजना २०८२–१३० गते सम्पन्न हुनुपर्ने उपमहानगरपालिकाले जनाएको छ।