समाचार

हेटौँडा । गत मंसिर २१ गते हेटौँडा–१० स्थित सोलिड्यारिटी एकेडेमीबाट घर फर्कने क्रममा आफ्नै फुपूको छोरा २९ वर्षीय सुदर्शन राईसँग बेपत्ता भएकी १३ वर्षीया किशोरीलाई प्रहरीले तीन महिनापछि ललितपुरको धापाखेलबाट नियन्त्रणमा लिएको छ। विद्यालयबाट फर्किने क्रममा हराएकी बालिकाको खोजीका लागि मकवानपुर प्रहरीले सुरुबाटै विशेष निगरानी थालेको थियो, तर लामो समयसम्म कुनै ठोस प्राविधिक सुराग नपाउँदा अनुसन्धान चुनौतीपूर्ण बनेको थियो। घटनालाई उच्च प्राथमिकतामा राखेर प्रहरीले सादा पोशाकमा विशेष टोली परिचालन गरेको थियो। एक साताअघि मात्र किशोरीले प्रयोग गरेको नयाँ मोबाइल नम्बर फेला परेपछि अनुसन्धानले नयाँ मोड लिएको थियो। उक्त नम्बरमार्फत लोकेसन ट्र्याक गर्दा उनीहरू ललितपुरको धापाखेल आसपास रहेको संकेत मिलेपछि त्यहाँ…

हेटौँडा । हेटौँडामा आयोजित पत्रकार सम्मेलनमार्फत रामेश्वर राना ले नेपाल कम्युनिस्ट पार्टी (एकीकृत मार्क्सवादी-लेनिनवादी) (एमाले) को तर्फबाट मकवानपुर क्षेत्र नं. १ का उम्मेदवारका रूपमा आफ्नो चुनावी प्रतिबद्धता पत्र सार्वजनिक गर्नुभएको छ। उहाँले वैदेशिक हस्तक्षेपको अन्त्य गर्दै राष्ट्रिय स्वाधीनताको रक्षा गर्ने, लोकतन्त्रलाई सुदृढ बनाउँदै समाजवादतर्फ अघि बढ्ने र देशमा पूर्ण सुरक्षाको प्रत्याभूति गर्ने आफ्नो मुख्य प्रतिबद्धता रहेको बताउनुभयो। राष्ट्रियता र भौगोलिक अखण्डताको संरक्षणका लागि आफ्नो उम्मेदवारी रहेको उल्लेख गर्दै रगतसँग साटेर ल्याइएको संविधान तथा संघीय लोकतान्त्रिक गणतन्त्रको रक्षा गर्नु एमालेको जिम्मेवारी भएको उहाँले स्पष्ट पार्नुभयो। ‘जेनजी आन्दोलन’ पछि अभिभावकविहीन जस्तो देखिएको मुलुकलाई संवैधानिक बाटोमा अघि बढाउन आवश्यक राजकीय कानुनी प्रबन्ध गर्नु…

हेटौंडा — मकवानपुरको राजनीतिक वृत्तमा बुधबार एक महत्वपूर्ण मोड देखियो। राष्ट्रिय स्वतन्त्र पार्टी (रास्वपा) मकवानपुरका सभापति पदबाट अलगिएका भरतप्रसाद पराजुली पुनः नेपाली कांग्रेस मा फर्किएका छन्। कांग्रेस मकवानपुरको पार्टी कार्यालयमा आयोजित पत्रकार सम्मेलनमार्फत उनले आफ्नो निर्णय सार्वजनिक गर्दै रास्वपा त्याग्नुका कारण खुलाए। पराजुलीले रास्वपाभित्र आन्तरिक लोकतन्त्रको अभ्यास कमजोर रहेको र केन्द्रीय नेतृत्वबाहेक अन्य तहका नेता–कार्यकर्तालाई स्वतन्त्र रूपमा धारणा राख्न सहज वातावरण नभएको दाबी गरे। उनका अनुसार पार्टी संरचना लोकतान्त्रिक प्रणालीअनुसार सञ्चालन हुन नसकेको र बहस–संवादको संस्कार संस्थागत हुन नसक्दा आफू निराश बनेका थिए। “सामाजिक सञ्जाल र भाषणमा जति लोकतान्त्रिक देखिए पनि व्यवहारमा त्यो अनुभूति भएन,” उनले भने, “निर्णय प्रक्रियामा पारदर्शिता…

हेटौडा । हेटौंडाका संस्कृत शिक्षक उदिम पन्त ‘लक्ष्मण राजवंशी आदर्श गुरु सम्मान २०८२’ बाट सम्मानित भएका छन्। ज्ञानार्जन भूमि विद्यालय (एलआरआई) ले आफ्नो ३८ औँ वार्षिकोत्सवको अवसरमा मंगलबार काठमाडौंमा आयोजित विशेष समारोहबीच पन्तलाई नगद रु. २५,००० सहित सम्मान प्रदान गरेको हो। हाल हेटौडा एकेडेमीमा संस्कृत विषय अध्यापन गराउँदै आएका पन्तले लामो समयदेखि शिक्षण पेशामा समर्पित छन् । समारोहका प्रमुख अतिथि काठमाडौं विश्वविद्यालयका उपकुलपति प्रा.डा. अच्युत प्रसाद वाग्लेले वर्तमान समयमा मौलिक शिक्षाको जगेर्ना अपरिहार्य रहेको उल्लेख गरे। वार्षिकोत्सव समारोहमा विभिन्न क्षेत्रमा योगदान पुर्‍याउने अन्य व्यक्तित्वहरूलाई पनि नगद तथा प्रमाणपत्रसहित सम्मान गरिएको विद्यालयले जनाएको छ।