समाचार

हेटौँडा । प्रारम्भिक बाल शिक्षाको गुणस्तर सुधारका विषयमा केन्द्रित रहँदै रातो बङ्गला फाउन्डेसनले बागमती प्रदेशस्तरीय दुईदिने सम्मेलन आयोजना गर्ने भएको छ। ‘गुणस्तरीय प्रारम्भिक बाल शिक्षा : किन र कसरी ?’ शीर्षकमा आयोजना हुने उक्त सम्मेलन २०८२ साल माघ २३ र २४ गते हेटौँडास्थित नवोदय शिशु सदन इङ्लिस माध्यमिक विद्यालयमा सञ्चालन हुनेछ। सम्मेलनमार्फत प्रारम्भिक बाल शिक्षामा देखिएका चुनौती, अवसर तथा प्रभावकारी अभ्यासहरूबारे स्थानीय र राष्ट्रिय तहका अनुभवहरू आदान–प्रदान गर्ने उद्देश्य राखिएको आयोजकले जनाएको छ। ललितपुरमा २०५९ सालमा स्थापना भएको रातो बङ्गला फाउन्डेसनले विद्यालय शिक्षाको गुणस्तर अभिवृद्धिका लागि लामो समयदेखि काम गर्दै आएको छ। संस्थाले शिक्षक क्षमता विकास, अभिभावक सचेतना, शैक्षिक सामग्री…

हेटौंडा/ हेटौंडामा सम्पन्न लेखापढी व्यवसायीहरूको २०८२ सालको परीक्षाको नतिजा सार्वजनिक भएको छ। सार्वजनिक नतिजाअनुसार ४३७ जना परीक्षार्थीमध्ये ३१४ जना उत्तीर्ण भएका छन्। उत्तीर्ण हुनेहरूमध्ये मकवानपुर जिल्लाका २४४ जना रहेका छन्। नतिजा प्रकाशनले सो तथ्यलाई पुष्टि गरेको छ। उक्त परीक्षामा दोलखा, सिन्धुली, काठमाडौं, भक्तपुर, चितवन, धादिङ, नुवाकोट, काभ्रेपलाञ्चोक, ओखलढुंगा, प्युठान, तनहुँ, बारा, पर्सा, रौतहट, झापा, सप्तरी, बर्दिया लगायत विभिन्न जिल्लाका परीक्षार्थीहरू पनि उत्तीर्ण भएका छन्।

हेटौंडा । बागमती प्रदेशका प्रदेश प्रमुख दिपकप्रसाद देवकोटाले राजनीतिक परिवर्तनपछि नागरिकले महसुस गर्ने अनुभूति र अपेक्षाबीच बढ्दो दूरी चिन्ताको विषय बनेको बताएका छन्। शहिद दिवस २०८२ को अवसरमा शहिद स्मारक विकास समितिले हेटौंडा उपमहानगरपालिका–११ स्थित शहिद स्मारकमा आयोजना गरेको कार्यक्रममा बोल्दै प्रदेश प्रमुख देवकोटाले राजनीतिक अस्थिरता, आर्थिक दबाब, विश्व परिवेशको असर, बेरोजगारी, भ्रष्टाचार तथा युवा पलायनजस्ता कारणले नागरिकमा निराशा बढ्दै गएको उल्लेख गरे। उनले नेतृत्व तह देश निर्माणभन्दा सत्ता संघर्षमै अल्झिँदा अपेक्षित उपलब्धि हासिल हुन नसकेको बताए। प्रदेश प्रमुख देवकोटाले प्रतिनिधिसभा निर्वाचनको चरणमा प्रवेश गरिसकेको सन्दर्भ उल्लेख गर्दै निर्वाचन लोकतन्त्रको आधारस्तम्भ भएको बताए। निष्पक्ष, स्वतन्त्र र विश्वासयोग्य निर्वाचनले मात्र लोकतन्त्रलाई…

हेटौंडा । धर्मसम्बन्धी शिक्षा प्रदान गर्दै आएको एएमआई (AMI) कलेजले मकवानपुरका २९ जना पाष्टर तथा अगुवालाई दीक्षित गरेको छ। बाइबलसम्बन्धी शिक्षा दिँदै आएको उक्त कलेजले विगत दुई वर्षदेखि हेटौंडामा घुम्ती शिक्षाका रूपमा अध्ययन–अध्यापन गराउँदै आएको थियो। सो शिक्षामा मकवानपुरका विभिन्न चर्चका अगुवाहरू सहभागी हुँदै आएका थिए। दीक्षान्त समारोहमा बोल्दै कलेजका प्रशिक्षक रेभरेन्ड पाष्टर डा. श्याम श्रेष्ठले अबको समयमा शिक्षा र प्रमाणपत्रबिनाको सेवाकार्य गर्न कठिन हुने भन्दै अगुवाहरूले पनि औपचारिक शिक्षा तथा प्रमाणपत्र लिन आवश्यक रहेको बताए। सेमिनारमा बोल्दै हेटौंडा ख्रिष्टियन चर्चका वरिष्ठ पाष्टर दिलबहादुर लामाले अगुवाहरू शिक्षित हुनुका साथै नैतिक जीवन जिउनुपर्नेमा जोड दिए। उनले नैतिक जीवन जिउनु र त्यसलाई…

हेटौंडा । सहिद दिवसको अवसरमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) हेटौंडा क्याम्पस कमिटीले हेटौंडा क्याम्पस परिसरमा दीप प्रज्वलन कार्यक्रम गरेको छ । कार्यक्रम अनेरास्ववियु हेटौंडा क्याम्पस कमिटीका अध्यक्ष नितेश भण्डारीको अध्यक्षतामा सम्पन्न भएको हो। कार्यक्रममा अनेरास्ववियु मकवानपुर जिल्ला कमिटीका संयोजक नवराज शर्मा पौडेल प्रमुख अतिथिका रूपमा सहभागी हुनुहुन्थ्यो भने अनेरास्ववियु सचिवालय सदस्य तथा हेटौंडा क्याम्पस इन्चार्ज भरतमोहन देवकोटा विशिष्ट अतिथिका रूपमा उपस्थित हुनुहुन्थ्यो। कार्यक्रममा बोल्ने वक्ताहरूले सहिदहरूको त्याग, बलिदान र योगदान नेपालको लोकतान्त्रिक आन्दोलन तथा परिवर्तनको मेरुदण्ड भएको उल्लेख गर्दै ती आदर्शलाई आत्मसात् गर्दै अघि बढ्न विद्यार्थीहरूलाई आग्रह गरेका थिए। दीप प्रज्वलनमार्फत सहिदहरूको सम्झनालाई अमर बनाउने उद्देश्यले आयोजित…

हेटौंडा । हेटौंडा उपमहानगरपालिका–५ स्थित ज्ञानदीप बहुउद्देश्यीय सहकारी संस्था लिमिटेड र ज्ञानदीप शिक्षा निकेतन माध्यमिक विद्यालयले २५ औँ वार्षिक उत्सव (रजत महोत्सव) मनाएका छन्। विद्यार्थीका विज्ञान प्रदर्शनी, प्रभातफेरी, सम्मान तथा सांस्कृतिक कार्यक्रमलगायत विभिन्न कार्यक्रम गरी महोत्सव मनाइएको हो। कार्यक्रमको उद्घाटन प्रमुख अतिथि बागमती प्रदेशका मुख्यमन्त्री इन्द्रबहादुर बानियाँले गरेका थिए। मुख्यमन्त्री बानियाँले शिक्षा मर्यादित, नैतिकवान र समयको वेगसँगै चल्न सक्ने व्यवहारिक तथा आयमूलक हुनुपर्ने बताए। उनले अहिले नयाँ प्रविधि एआईले धेरै विषयलाई सहज बनाएको भए पनि यसको दुरुपयोग गर्नेहरू पनि रहेको उल्लेख गर्दै, त्यस्ता कुरालाई चिनेऱ सचेत रूपमा अघि बढ्ने शिक्षाको विकास आवश्यक रहेको बताए। मूल समारोह समितिका संयोजक तथा ज्ञानदीप…

हेटौंडा । नेपाली कम्युनिस्ट पार्टी (नेकपा) का मकवानपुर निर्वाचन क्षेत्र नम्बर २ का उम्मेदवार लवशेर विष्टले जनताको अपेक्षा र जिम्मेवारीलाई केन्द्रमा राखेर राजनीति गर्ने स्पष्ट प्रतिबद्धता व्यक्त गरेका छन्। हेटौंडा उपमहानगरपालिका–११ मा आयोजित कार्यकर्ता भेटघाट तथा अन्तरक्रिया कार्यक्रममा उनले इमानदार नेतृत्व बिना मुलुकको रूपान्तरण सम्भव नहुने धारणा राखे। विष्टले वर्तमान एमाले–कांग्रेस नेतृत्वको सरकारले जनचाहनाअनुसार काम गर्न नसकेको आरोप लगाउँदै त्यसकै प्रतिक्रियास्वरूप देशभर ‘जेन–जि’ पुस्ताको असन्तुष्टि र विद्रोही भावना बढ्दै गएको दाबी गरे। उनले भने, “युवा पुस्ताको चाहना र आवाजलाई बुझ्ने राजनीतिक शक्ति आज नेकपा मात्र हो,” भन्दै समृद्ध नेपालको नेतृत्व पनि नेकपाबाटै हुने विश्वास व्यक्त गरे। कार्यक्रममा बोल्दै समानुपातिक उम्मेदवार…

हेटौंडा । हेटौंडा उपमहानगरपालिका–१० नम्बर वडा कार्यालयको आयोजनामा तेस्रो घरेलु उत्पादन प्रवर्द्धन प्रदर्शनी, नृत्य प्रतियोगिता तथा शैक्षिक प्रदर्शनी मेला शुक्रबारदेखि सुरु भएको छ। स्थानीय उत्पादनको प्रवर्द्धन, बजारीकरण र रोजगार सिर्जनामा टेवा पुर्‍याउने उद्देश्यले आयोजना गरिएको मेलामा घरेलु, हस्तकला तथा कृषिजन्य उत्पादनहरूको प्रदर्शनी तथा बिक्री भइरहेको छ। मेलाको उद्घाटन बागमती प्रदेशका प्रदेश प्रमुख दिपकप्रसाद देवकोटाले गरेका थिए। प्रदर्शनीमा हेटौंडा उपमहानगरपालिकाका १९ वटै वडाबाट स्थानीयस्तरमा उत्पादन भएका सामग्रीहरू सहभागी गराइएको छ। आयोजकका अनुसार मेलाका लागि एक सय वटा स्टल राखिएको छ, जहाँ ढाका कपडा, गुन्द्रुक, अचार, घरेलु खाद्यवस्तु, हस्तकलाका सामग्री तथा कृषि उत्पादनहरू प्रदर्शन र बिक्रीमा राखिएका छन्। मेलाभित्र शैक्षिक प्रदर्शनीका साथै…

हेटौंडा । प्रेस सेन्टर नेपालको २२औँ स्थापना दिवस मनाइएको छ। प्रेस सेन्टर नेपाल मकवानपुरका जिल्ला अध्यक्ष एमपी शर्माको सभाध्यक्षको तथा बागमती प्रदेश सरकारकि पुर्व सामाजिक विकास मन्त्री कुमारी मुक्तानको प्रमुख आतिथ्यतामा सम्पन्न भएको थियोे । कार्यक्रममा प्रेस सेन्टर नेपालका संस्थापक अध्यक्ष रुद्रसेनको फोटोमा माल्यार्पण गर्दै उहाँले संगठन निर्माणमा पुर्याउनुभएको योगदानको चर्चा गरिएको थियो। कार्यक्रममा विशेष अतिथिका रूपमा नेकपाकी केन्द्रीय सदस्य प्रमिला पुलामीको आतिथ्यता रहेको थियो। यस्तै कार्यक्रममा फ्याक्सन इन्चार्ज तथा जिसस मकवानपुरका प्रदेश अध्यक्ष ललितबहादुर घलान, नेकपाका प्रदेश सचिवालय सदस्य विवेक राई, शुभरत्न गोले, जीवन गोलेलगायत पत्रकारहरूको उपस्थिति रहेको थियो। कार्यक्रम नेपाली कम्युनिस्ट पार्टीको जिल्ला कार्यालय, हेटौंडा–४ गर्दोइमा सम्पन्न भएको…