मकवानपुर विशेष

हेटौंडा । नेपाल पत्रकार महासंघ बागमती प्रदेश समिति र मकवानपुर जिल्ला शाखाले पत्रकार हत्यामा संलग्न दोषीलाई अविलम्ब कानुनी कारबाही गर्न सरकारसमक्ष माग गरेका छन्। महासंघले हिंसात्मक घटनाका दोषीहरूलाई कानुनी कठघरामा ल्याउन, सञ्चारगृह तथा सञ्चारकर्मीलाई उचित क्षतिपूर्ति उपलब्ध गराउन र घाइते पत्रकारहरूको उपचार सुनिश्चित गर्न सरकारलाई आग्रह गरेको छ। बागमती प्रदेश समितिका उपाध्यक्ष हरि प्रसाद हुमागाईले प्रदेशका मुख्यमन्त्री बहादुर सिंह लामा तामाङलाई ज्ञापनपत्र बुझाउँदै दोषीमाथि कडा कारबाहीको माग गरेका छन्। त्यसैगरी, मकवानपुर जिल्ला शाखाका अध्यक्ष बालकृष्ण अधिकारीले प्रमुख जिल्ला अधिकारी स्कीम श्रेष्ठलाई ज्ञापनपत्र हस्तान्तरण गरेका छन्। ज्ञापनपत्र ग्रहण गर्दै मुख्यमन्त्री तामाङले पत्रकार तथा सञ्चारमाध्यममाथिको आक्रमण निन्दनीय रहेको बताउँदै दोषीलाई कानुनी दायरामा…

मकवानपुर । राजावादी समूहको आन्दोलनका क्रममा पत्रकार सुरेश रजकको हत्या र सञ्चार माध्यममाथि भएको आक्रमणको विरोधमा नेपाल पत्रकार महासङ्घ मकवानपुरले हेटौंडाको सिमाचोकमा विरोध सभा आयोजना गरेको छ। हिजो तीनकुनेमा भएको आन्दोलनका क्रममा एभिन्युज टेलिभिजनका पत्रकार सुरेश रजकको ज्यान गएको थियो, र केही सञ्चारगृहमा तोडफोडसमेत गरिएको थियो। आज पत्रकार महासङ्घको स्थापना दिवस पनि हो, तर महासङ्घले केन्द्रीय निर्देशन अनुसार पूर्वनिर्धारित कार्यक्रम स्थगित गरेर विरोध प्रदर्शन गरेको हो। हेटौंडाको पल्पसासभागृहबाट सुरु भएको पत्रकारहरूको विरोध प्रदर्शन मकवानपुर उद्योग वाणिज्य संघ, पिपलबोट, बुद्धचोक हुँदै सिमाचोकमा पुगेर सभामा परिणत भएको थियो। विरोध सभामा पत्रकारमाथिको हिंसात्मक आक्रमणको घोर भत्र्सना, पेशागत सुरक्षाको ग्यारेन्टी, सुरेश रजकको हत्यारालाई कारबाही…

मकवानपुर । हेटौंडा उपमहानगरपालिका वडा नं.९ को आर्थिक सहयोग र मेघा इन्च्टिट्युट अफ होटल म्यानेजमेन्टको समन्वयमा आजदेखी १ महिने तालिम सुरु भएको छ । मेघा इन्च्टिट्युट अफ होटल म्यानेजमेन्ट का प्रतिनिधि मनि कुमार श्रेष्ठ को सभाध्यक्षता तथा ९ नम्बर वडा अध्यक्ष सुकराम केसिको प्रमुख आतिथ्यतामा कार्यक्रम भएको हो । युवा हरुको बढ्दो वैदेशिक रोजगारी प्रतिको आकर्षण र युवाहरुलाई स्वदेश मा समेत रोजगारिको शृजना गर्ने उदेश्यले तालिम आयोजना गर्न लागिएको वडा अध्यक्ष सुकराम केसिले जानकारी दिनुभयो । तालिममा ९ नम्बर वडाका ४० जना प्रशिक्षार्थिहरु सहभागी रहेका छन ।

हेटौंडा । हेटौंडा उपमहानगरपालिकाले नगरलाई सुन्दर बनाउन थालेको अभियान अन्तर्गत नेपाल ट्रस्टको पर्खालमा भित्तेचित्र कोर्ने कार्य अघि बढाइएको छ। पूर्वपश्चिम राजमार्गअन्तर्गत हेटौंडा-१० को सडक छेउमा रहेका उक्त पर्खालमा उपमहानगर क्षेत्रभित्रका महत्वपूर्ण पर्यटकीय गन्तव्यलाई चित्रकलामार्फत प्रस्तुत गरिंदैछ। नगर प्रमुख मीनाकुमारी लामाले चित्रकलाको अवलोकन गर्दै थप सुधारका लागि सुझावसमेत दिएकी छिन्। पहिलो चरणमा १७ सय स्क्वार फिट क्षेत्रमा १५ वटा चित्र बनाइने योजना छ। नगरको खरिद समितिमार्फत विभिन्न वडाका पर्यटकीय स्थलहरूलाई चित्रमा उतार्ने जिम्मा कलाकारहरूलाई दिइएको छ। यस भित्तेचित्र निर्माणका लागि उपमहानगरपालिकाले ४ लाख ६८ हजार ३५३ रुपैयाँको ठेक्का लगाएर काम अगाडि बढाएको छ। यस अभियानले हेटौंडाको सौन्दर्य अभिवृद्धि गर्दै आन्तरिक तथा…

मकवानपुर । आउँदै गरेको चैत ५ गते हुने स्वतन्त्र विद्यार्थी युनियन (स्ववियु) निर्वाचनका लागि पालुङ क्याम्पसमा नेपाली विद्यार्थी संघ (ने.वि. संघ) र अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले संयुक्त प्यानल घोषणा गरेका छन्। उक्त प्यानलमा सभापति पदका लागि ने.वि. संघकी रोशनी गोपाली उम्मेदवार बनेकी छिन्। सचिव पदमा अनेरास्ववियुका आर्यम नापित, कोषाध्यक्ष पदमा ने.वि. संघकी नविना अधिकारी, सदस्यहरूमा अनेरास्ववियुकी नविका धमाल, अर्पणा रायमाझी तथा ने.वि. संघकी प्रकृति थापा उम्मेदवार रहेका छन्। समानुपातिक तर्फ अनेरास्ववियुबाट विराट श्रेष्ठ, निष्कला बिष्ट, सोनिका ढकाल र सबिना श्रेष्ठ तथा ने.वि. संघबाट रक्षा गोपाली उम्मेदवार रहेका छन्।

मकवानपुर । मकवानपुरकी प्रमुख जिल्ला अधिकारी (प्रजिअ) स्किम श्रेष्ठले सुशासन कायम राख्न प्रहरी, प्रशासन र पत्रकार सबैको समान जिम्मेवारी रहेको बताएकी छन्। आइतबार जिल्ला प्रशासन कार्यालयमा पत्रकारहरूसँगको भेटघाटमा उनले सभ्य समाज निर्माण केवल प्रशासन र सुरक्षाकर्मीको काम मात्र नभएर सबै पक्षको सहकार्य आवश्यक पर्ने उल्लेख गरिन्। समाजलाई सुरक्षित र सकारात्मक परिवर्तन गर्न समन्वय र सहकार्य अपरिहार्य रहेको उनको भनाइ छ। प्रजिअ श्रेष्ठले सेवा प्रवाहलाई प्रभावकारी बनाउने तथा शान्ति सुरक्षालाई मजबुत बनाउने प्रतिबद्धता व्यक्त गरिन्। साथै, समाजमा हुने आपराधिक क्रियाकलापप्रति प्रशासनले शून्य सहनशीलताको नीति अवलम्बन गर्ने स्पष्ट पारिन्। पत्रकारिताको भूमिकालाई विशेष रूपमा उल्लेख गर्दै उनले सत्यतथ्यमा आधारित रहेर मात्र समाचार सम्प्रेषण…

मकवानपुर । नेपाललाई अन्तर्राष्ट्रिय स्तरमा पहिचान दिलाउन योगदान पुर्‍याउने तथा हेटौँडा शहरको परिकल्पना गर्ने स्विस नागरिक डा. टोनी हेगनको सम्झनामा निर्माण गरिएको डा. टोनी हेगन स्मृति पार्क उद्घाटन गरिएको छ। हेटौँडा उपमहानगरपालिकाको सहयोगमा हेटौँडा-१०, टिसिएन क्षेत्रमा निर्मित यो स्मृति पार्कको उद्घाटन हेटौँडा उपमहानगरपालिकाका नगर प्रमुख मीनाकुमारी लामा, टोनी हेगन फाउन्डेसनका अध्यक्ष तथा हेगनकी छोरी डा. क्याट्रिन हेगन तथा पूर्व नगर प्रमुख हरीबहादुर महतले संयुक्त रूपमा गरेका हुन् । स्मृति पार्क हेटौँडा-१०, नेत्रज्योति टोलको १ बिगाहा ४ कठ्ठा १७ १/२ धुर क्षेत्रफलमा फैलिएको छ। पार्क निर्माणको गुरुयोजना अनुरुप थप संरचनाहरू विकास गर्ने काम जारी रहेको छ। टोनी हेगन नेपालका लागि मात्र…

मकवानपुर । हेटौंडा उपमहानगरपालिका वडा नम्बर १२ मा राष्ट्रिय विभूति शङ्खधर शाख्वाको प्रतिमा स्थापना, पार्क तथा पूर्वाधार निर्माणको शिलान्यास गरिएको छ। बागमती प्रदेशको सस्कृती तथा पर्यटन मन्त्रालयको ७५ लाख बजेट एवम् स्थानीय श्रमदान गरी ८३ लाख ३६ हजारमा सो योजना निर्माण गर्न लागिएको हो । नेवा गुठी खल पदमपोखरीका अध्यक्ष कृष्ण नगरकोटीको सभाध्यक्षतामा सम्पन्न कार्यक्रममा बागमती प्रदेशसभा सदस्य तथा पूर्वमन्त्री एकालाल श्रेष्ठ प्रमुख अतिथि रहेका थिए । कार्यक्रममा बोल्दै श्रेष्ठले शङ्खधर शाख्वाको योगदानलाई राष्ट्रिय तथा अन्तर्राष्ट्रिय स्तरमा प्रचार गर्न आवश्यक रहेको बताए । उनले पार्कलाई नेपालकै ठूलो तथा नमुना पार्कका रूपमा विकास गर्नुपर्ने आवश्यकता भएको बताउँदै यसका लागि पर्खाल, गेट,…

मकवानपुर । मकवानपुरमा पहिलो पटक महिला प्रमुख जिल्ला अधिकारी (प्रजिअ) को रूपमा स्कीम श्रेष्ठ नियुक्त भएकी छन्। हाल पश्चिम नवलपरासीको प्रमुख जिल्ला अधिकारीको जिम्मेवारी सम्हालिरहेकी श्रेष्ठको मकवानपुरमा सरुवा गरिएको हो। सरकारले हालै दुईजना प्रमुख जिल्ला अधिकारीहरूको सरुवा गरेको छ, जसअनुसार श्रेष्ठ पश्चिम नवलपरासीबाट मकवानपुर आउँदैछिन्। मकवानपुरका प्रजिअ तीर्थराज चिलुवालको सरुवा भएसँगै हाल सहायक प्रमुख जिल्ला अधिकारीले कार्यभार सम्हालिरहेका छन्। श्रेष्ठ मकवानपुरकी स्थायी निवासी हुन्। उनी २०७७ सालमा समावेशी महिलातर्फ सह-सचिव वा सोसरह पदका लागि सिफारिस भएकी थिइन्। मकवानपुरमा पहिलो महिला प्रजिअको रूपमा उनको नियुक्ति महत्वपूर्ण मानिएको छ।