मकवानपुर विशेष

हेटौँडा । हेटौँडा उपमहानगरपालिका–१६ र १७ को सीमास्थित गैरीगाउँको भित्री सडक खण्डमा गत शुक्रबार साँझ माटोसहित भासिएको गाडी ६ दिनसम्म पनि फेला नपरेपछि भूगर्भ विभागको टोली प्रारम्भिक अध्ययन सकेर फर्किएको छ। भूगर्भविद् नारायण अधिकारीको नेतृत्वमा गएको टोली बुधबार दिउँसो काठमाडौं फिर्ता भएको हो। टोलीले मंगलबारदेखि घटनास्थलको जमिनको बनावट, भूगर्भीय अवस्था, भूमिगत जल तथा चुम्बकीय क्षेत्रको परीक्षण गरेको थियो। यद्यपि, गाडी भासिएको स्थान वरपरको जमिन समेत क्रमशः भासिन थालेपछि टोलीले थप जोखिम हुनसक्ने भन्दै अध्ययन स्थगित गरेको भूगर्भविद अधिकारीले जानकारी दिनुभयो। अध्ययन स्थगित, ल्याब परीक्षणपछि दोस्रो चरणको तयारी टोलीले संकलन गरेको माटोको नमुना र अन्य तथ्यहरू ल्याबमा परीक्षण गरेपछि मात्र दोस्रो…

हेटौंडा । मकवानपुरको हेटौंडा उपमहानगरपालिका–१६ स्थित गैरीगाउँमा गत शुक्रबार जमिन भासिएर बेपत्ता भएको बोलेरो गाडीको सम्भावित स्थान पत्ता लागेको छ। भूगर्भविद् कृष्ण पाण्डेको टोलीले "प्रोटोन म्याग्नेटोमिटर" नामक उपकरण प्रयोग गरी गाडी भएको आशंकित क्षेत्र पहिचान गरेको हो। गाडीमा प्रयोग हुने चुम्बकीय सामग्रीको आधारमा जमिनमुनि चुम्बकीय प्रतिक्रिया खोज्ने उक्त प्रविधिबाट गाडी भासिएको स्थानको केही पूर्वतर्फ तीव्र संकेत देखिएको भूगर्भविद् पाण्डेले जानकारी दिए। "तीव्र चुम्बकीय प्रतिक्रिया देखिएको स्थानमै गाडी हुनसक्ने प्रबल सम्भावना देखिएको छ," पाण्डेले भने, "अब गहिराइ कति छ भन्ने पत्ता लगाउन अर्को विशेष उपकरण प्रयोग गरिरहेका छौं।" उक्त गाडी घाँस काट्ने मेसिन लोड गरिरहेका बेला अचानक जमिन भासिएर माटोमा पुरिएको…

हेटौंडा । हेटौँडा उपमहानगरपालिका वडा नं. १६ गैरीगाउँमा गाडी भासिएर बेपत्ता भएको घटनाको अध्ययन गर्न खानी तथा भूगर्भ विभागको प्राविधिक टोली घटनास्थलमा पुगेको छ। मंगलबार बिहान हेटौंडा आइपुगेको चार सदस्यीय भूगर्भविदहरूको टोलीले भौगोलिक अवस्था, माटोको बनोट, भूमिगत जलस्रोत र चुम्बकीय क्षेत्रको विषयमा अध्ययन सुरु गरेको हो। विभागका भूगर्भविद नारायण अधिकारीका अनुसार टोलीले प्रोटोन म्याग्नेटो मिटरको प्रयोग गरी सो स्थानको चुम्बकीय क्षेत्र र भूगर्भीय एनोमली (पदार्थको असमानता) अध्ययन गर्नेछ। गत शुक्रबार गैरीगाउँको भित्री सडकमा ना. ४ च ४८३३ नम्बरको बोलेरो गाडी माछा बोकेर रोकिने क्रममा एक्कासी अगाडिको पांग्रा भासिएको थियो। गाडी निकाल्ने प्रयास भइरहँदा जमिन अझ बढी भासिँदै गाडी पूर्ण रूपमा…

हेटौंडा । नेपाल कम्युनिष्ट पार्टी (एकीकृत समाजवादी) बागमती प्रदेश कमिटि र मकवानपुर जिल्ला कमिटिले आज बागमती प्रदेश सरकार र जिल्ला प्रशासन कार्यालय मकवानपुरलाई समसामयिक राजनीतिक, सामाजिक र आर्थिक विषयवस्तु उठाउँदै १४ बुँदे ज्ञापनपत्र बुझाएको छ। पार्टीका केन्द्रीय उपाध्यक्ष तथा पूर्व शिक्षामन्त्री डा. गंगालाल तुलाधरको प्रमुख आतिथ्यतामा बागमती प्रदेश कमिटीले प्रदेश सरकारलाई ज्ञापनपत्र बुझाएको हो। मुख्यमन्त्रीको तर्फबाट अर्थमन्त्री कुन्दनराज काफ्लेले ज्ञापनपत्र ग्रहण गरे। समाजवादी पार्टीका बागमती प्रदेश अध्यक्ष भीमप्रसाद दाहालले ज्ञापन पत्र बुझाएका हुन् । कार्यक्रममा प्रदेश सचिव एल.पी. श्रेष्ठ, पोलिटब्यूरो सदस्य मुनु सिग्देल, हेटौँडा उपमहानगरपालिकाका मेयर मिनाकुमार लामा, यादव गजुरेल, प्रदेश सदस्य तथा जिल्ला अध्यक्ष विष्णु दाहाल लगायतका नेताहरूको उपस्थिति…

हेटौंडा । हेटौंडा उपमहानगरपालिका वडा नम्बर ६ स्थित नौलो बिहानी कृषि सहकारी संस्थाले आफ्नो १६औँ स्थापना दिवसको अवसरमा शेयर सदस्य किसानहरूलाई बेसारको बीउ वितरण गरेको छ। हेटौंडा उपमहानगरपालिकाको आर्थिक सहयोगमा बादरले प्रभावित क्षेत्रका किसानलाई सहायताका लागि बीउ वितरण गरिएको हो। वडा नम्बर ६ का अध्यक्ष विष्णु बहादुर दाहालको प्रमुख आतिथ्यतामा आयोजित कार्यक्रममा ३५ जना किसानलाई १० देखि ४० केजीसम्म बेसारको बीउ वितरण गरिएको हो। कार्यक्रममा बोल्दै वडा अध्यक्ष दाहालले बाँदर आतंकका कारण अन्य बाली उत्पादनमा समस्या भएकाले बेसार खेतीलाई प्रवर्द्धन गर्न उपमहानगरले सहयोग गरेको बताए। उनले टनेल खेती र बीउ प्रवर्द्धनमा समेत वडाले विशेष योजना अघि सारेको जानकारी दिए। संस्थाका…

हेटौंडा । हेटौंडा-फापरबारी सडक खण्ड अन्तर्गतको दुई महत्वपूर्ण स्थानमा निर्माण सम्पन्न भएका कल्भर्ट पुलहरुको उद्घाटन गरिएको छ। हेटौंडा उपमहानगरपालिका वडा नं. ६ र ७ जोड्ने हरियाली क्षेत्रमा तथा वडा नं. ८ ॐ नगर खहरे क्षेत्रमा निर्माण गरिएका दुबै पुलको उद्घाटन नगर प्रमुख मीनाकुमारी लामा, उपप्रमुख राजेश बानियाँ तथा सम्बन्धित वडाध्यक्ष र सदस्यहरूको उपस्थितिमा सम्पन्न भएको हो। वडा नं. ६ र ७ जोड्ने ११ मिटर लम्बाइको पुल १ करोड १९ लाख रुपैयाँको लागतमा निर्माण गरिएको छ भने वडा नं. ८ मा रहेको १४ मिटर लम्बाइको पुल ८२ लाख ३ हजार ९८६ रुपैयाँको लागतमा सम्पन्न गरिएको हो। हेटौंडा उपमहानगरपालिकाका अनुसार पुल निर्माण…

मकवानपुर । मकवानपुरको कैलाश गाउँपालिकाले कृषक समूहललाई हाते ट्याक्टर वितरण गरेको छ । गाउँपालिकाले तय गरेको मकैवाली प्रवद्र्धन कार्यक्रम अन्तरगत चार थान हाते ट्याक्टर र तीस किलो मकैको विउ वितरण गरेको हो । विहीबार गाउँपालिकाका अध्यक्ष लोकबहादुर मुक्तान, उपाध्यक्ष बालकुमार मल्लले संयुक्त रुपमा किसानलाई ट्याक्टर प्रदान गरेका हुन् । कैलाश ३ को अम्बाटार कृषक समूहले चार थान ट्याक्टर, ३० किलो मकैको वीउ र दुई थान विद्युतीय घट्ट मिल प्राप्त गरेको समूहका अध्यक्ष विश्व विक्रम मल्लले बताए । चार लाख बजेटमा कृषि तथा पशु विकास शाखाले २ लाख बजेट विनियोजन गरेको र २ लाख रकम कृषकको परेको कृषि शाखाले जनाएको छ…

हेटौंडा । भूमि समस्या समाधान आयोग जिल्ला समिति मकवानपुर र बकैया गाउँपालिका गाउँकार्यपालिकाको संयुक्त आयोजनामा बकैया गाउँपालिकाका भूमिहीन तथा सुकुम्बासी परिवारलाई जग्गाधनी प्रमाण–पुर्जा (लालपुर्जा) वितरण गरिएको छ। बकैया गाउँपालिकाको वडा नं. ४ र वडा नं. ७ का गरी कुल ५९ जनालाई लालपुर्जा वितरण गरिएको हो। वडा नं. ४ को गाउँब्लकबाट १९ जनालाई र वडा नं. ७ का भूमिहीन, सुकुम्बासी तथा दलित समुदायका ४० जनालाई लालपुर्जा प्रदान गरिएको कार्यक्रमका आयोजकहरूले जनाएका छन्। विशेष समारोह गाउँपालिका अध्यक्ष धर्मराज लामिछानेको सभाध्यक्षतामा सम्पन्न भएको हो। कार्यक्रमका प्रमुख अतिथि भूमि व्यवस्था, सहकारी तथा गरिबी निवारण मन्त्री बलराम अधिकारी रहेका थिए। त्यस्तै, विशिष्ट अतिथिका रूपमा प्रतिनिधिसभा…

हेटौंडा । हेटौंडा उपमहानगरपालिका ११ नम्बर वडास्थित सिमल्टार टोल विकास संस्थाको १३ औं वार्षिक साधारण सभा सप्पन्न भएको छ । संस्थाका अध्यक्ष सुर्यमान लामाको सभाध्यक्षतामा भएको कार्यक्रममा नगर प्रमुख मिनाकुमारी लामाको प्रमुख आतिथ्यता रहेको थियो । हेटौंडा उपमहानगरपालिकाकी नगर प्रमुख लामाले आफू जन्मेको वडा ११ नम्बर भएकोले आफ्नो यस वडास‌ग भावनात्मक र पारिवारिक सम्बन्ध गाँसिएकोले यस वडाको विकासको लागि आफुले सक्दो बजेट छुट्याएको र आगामी दिनहरुमा पनि सकेको साथ रहने प्रतिवद्धता जनाउनुभयो । कार्यक्रममा हेटौंडा उपमहानगरपालिका ११ नम्बर वडाध्यक्ष जुना दाहालको विशिष्ट आतिथ्यता रहेको थियो । कार्यक्रममा वडा सदस्य सन्जय बिडारी, विकास नेपाल, गिता सुनार, गोपिनी सापकोटा, टोल विकास संस्था…

मकवानपुर । हेटौंडा उपमहानगरपालिका देशभरका २९३ नगरपालिकामध्ये महिला मैत्री शहर निर्माणका लागि छनोट भएको छ। यसै सन्दर्भमा आयोजित कार्यक्रममा नगर प्रमुख मीनाकुमारी लामाले आफ्नो धारणा राख्दै महिला मैत्री शहर निर्माणका लागि ठोस कार्ययोजना अघि बढ्ने बताइन्। कार्यक्रममा उपमहानगरका प्रमुख प्रशासकीय अधिकृत भरत गौतम, विभिन्न वडाका अध्यक्षहरू, उपमहानगरका विज्ञ सल्लाहकार डा. कृष्णप्रसाद धिताल, युएनवपिएसका विज्ञ डा. चुडामणी जोशी लगायतको उपस्थिति थियो। औपचारिक कार्यक्रमसँगै महिला मैत्री शहर निर्माणको कामले गति लिने बताइएको छ। यस योजनाले महिलामैत्री पूर्वाधार, सुरक्षित सार्वजनिक स्थल, तथा लैंगिक समानताको प्रवर्द्धनलाई प्राथमिकता दिने अपेक्षा गरिएको छ।