मकवानपुर विशेष

हेटौंडा । मकवानपुरको हेटौंडा उपमहानगरपालिका–१ का वडा अध्यक्ष तथा उपमहानगर प्रवक्ता सविन न्यौपानेमाथि सोमबार दिउँसो कार्यकक्षमै कालो मोबिल छ्यापेर साङ्घातिक आक्रमण भएको छ। भूमि सम्बन्धी विवादको कारण देखाउँदै वडा कार्यालय प्रवेश गरेका कालो पोशाकमा मोटरसाइकलमा आएका चार जनाको समूहले आक्रमण गरेको हो। कार्यकक्षमै अध्यक्ष न्यौपानेलाई कार्यालयमा रहेको सामग्री प्रयोग गरेर टाउकोमा प्रहार गर्नुका साथै कालो मोबिल छ्यापिएको थियो। आक्रमणमा उनको टाउकोमा चोट लागेको छ भने उनी प्रयोग गर्दै आएका दुईवटा मोबाइलसमेत लुटिएको छ। अध्यक्ष न्यौपानेका अनुसार केही समयदेखि हेटौंडा–१ स्थित स्वर्गलोक क्षेत्रमा सार्वजनिक जग्गामा अवैध रूपमा घरटहरा निर्माण गर्न खोज्ने प्रयास भइरहेको थियो। त्यसलाई हटाउने क्रममा वडा र उपमहानगरले संयुक्त…

हेटौंडा । हेटौंडा उपमहानगरपालिका वडा नम्बर ११ स्थित सिमलटारमा संचालित ७ दिने जुत्ता बनाउने तालिमको समापान गरिएको छ । सिमलटार टोल विकास संस्थाको आयोजना र हेटौंडा उपमहानगरपालिका ११ नम्बर वडाको आर्थिक सहयोगमा ढाका, मलमलको कपडाबाट जुत्ता बनाउने तालिम दिइएको थियो । तालिममा सिमलटारका २० जना महिलाहरुको सहभागिता रहेको थियो । सिमलटार टोल विकास संस्थाका अध्यक्ष देवकृष्ण थोकरको सभाध्यक्षतामा भएको समापन कार्यक्रममा कार्यक्रमकी प्रमुख अतिथी वडाध्यक्ष जुना दाहालले तालिममा सहभागीहरुलाइ प्रमाणपत्र वितरण गरेकी थिइन् । समापन कार्यक्रममा बोल्दै प्रमुख अतिथि दाहालले सीप सिकेर मात्र यत्तिकै नछाड्ने , सिपलाइ पेशामा रूपान्तरण गरे मात्र आयआर्जन हुने भन्दै जानेको सिपलाइ जिवनयापनसँग जोड्न सुझाव दिइन्…

हेटौंडा । मकवानपुरको कैलाश गाउँपालिका–१० को कोसिराङ घट्टेचौर क्षेत्रमा निर्माण सम्पन्न भएका ३४ वटा खानेपानीका धारा, ट्याङ्की र सम्बन्धित पूर्वाधारहरूको संयुक्त अनुगमन गरिएको छ। आइतबार गाउँपालिका अध्यक्ष लोकबहादुर मुक्तान, वडा अध्यक्ष सुर्यबहादुर ब्लोनसहित सरोकारवाला संस्थाहरूको सहभागितामा अनुगमन गरिएको हो। साझेदार संस्था नेपाल ग्रामीण पुनर्निर्माण संस्था (आरआरएन) को संयोजनमा वेल्ट हंगर हिल्फे (WHH) को आर्थिक तथा प्राविधिक सहयोगमा सञ्चालित खानेपानी, सरसफाई तथा स्वच्छता प्रणालीको सुदृढिकरण तथा व्यवहार परिवर्तन परियोजनाअन्तर्गत गाउँपालिकासँग सहकार्य गरी उक्त संरचना निर्माण गरिएको हो। कार्यक्रम संयोजक लिलबहादुर कार्कीका अनुसार उपभोक्ता समितिको सक्रियतामा तीन महिनाको अवधिमा ३४ वटा धारा, १ बीपीटी, २ आरबीटी, १ इन्टेक निर्माण गरी खानेपानी घरघरमा…

हेटौंडा । हेटौंडा उपमहानगरपालिका क्षेत्रभित्र सार्वजनिक जग्गा मिचेर बनाइएका संरचना हटाउने तयारी सुरु गरिएको छ। स्थानीय सरकार सञ्चालन ऐन, २०७४ को प्रावधानअनुसार उपमहानगरपालिकाले यो कार्य अघि बढाउने भएको हो। उपमहानगरपालिका कार्यालयद्वारा असार २ गते प्रकाशित सूचनामा हेटौंडा उपमहानगरपालिकाभित्र सार्वजनिक जग्गा मिचेर बनाइएका घरटहरा लगायतका निजी संरचनाहरू १५ दिनभित्र हटाउनु भनिएको छ। यस अवधिमा स्वेच्छाले संरचना नहटाएमा नगरपालिकाले अनिवार्य रूपमा हटाउने बताइएको छ। सूचनामा भनिएको छ, "निर्धारित समयभित्र संरचना नहटाइएमा नगरपालिका स्वयंले संरचना हटाउनेछ र त्यससम्बन्धी सम्पूर्ण खर्च सम्बन्धित व्यक्ति/संस्थाबाट असुल गरिनेछ।" प्रमुख प्रशासकीय अधिकृत द्वारा हस्ताक्षरित सूचनामा सार्वजनिक सम्पत्तिको संरक्षण गर्नु स्थानीय सरकारको प्रमुख दायित्व भएको उल्लेख छ। यसकारण, उपमहानगरपालिकाले…

हेटौंडा । हेटाैंडा उपमहानगरपालिकाले आगामी आर्थिक वर्ष २०८२/०८३ का लागि नीति, कार्यक्रम तथा बजेट निर्माणको प्रक्रिया सुरु गरेको छ। उक्त प्रक्रिया अन्तर्गत उपमहानगरले प्रतिनिधिमूलक स्थानीय सामाजिक तथा व्यवसायिक संघसंस्थासँग छलफल प्रारम्भ गरेको छ। कार्यक्रम अन्तर्गत आज भएको छलफलमा नगर प्रमुख मीनाकुमारी लामा, उपप्रमुख राजेश बानियाँ, वडा नं. १४ का अध्यक्ष दिपक खड्का, वडा नं. १८ का अध्यक्ष अनिल बानिया, प्रमुख प्रशासकीय अधिकृत भरत गौतम, तथा बजेट तथा कार्यक्रम तर्जुमा समितिका सदस्यहरूको सहभागिता रहेको थियो। नगर प्रमुख लामाले बजेट निर्माणमा सबै सरोकारवाला पक्षको सहभागिता आवश्यक रहेको बताउँदै सबैको सुझावलाई समेटेर जनमुखी तथा व्यवहारिक बजेट ल्याइने प्रतिबद्धता व्यक्त गरिन्। छलफलमा सहभागी संघसंस्थाका…

हेटौंडा । हेटौंडा उपमहानगरपालिका ११ नम्बर वडास्थित सिमलटारको पानी जम्ने ठाउँहरुमा ग्राबेल बिछ्याइएको छ । हेटौंडा ११ नम्बर वडाले करिब ७० ट्रीप ग्राबेल बिच्छ्याएको वडा सदस्य विकास नेपालले जानकारी दिए । वडाध्यक्ष जुना दाहाल र वडा सस्य विकास नेपालको सकृयता र सहयोगमा ग्राबेल ओछ्याउने काम भएको सिमलटार टोल विकास संस्थाका सहसचिव जोशन योन्जनले जानकारी दिए । वर्षाको बेलामा पानी जमेर बाटोमा पानी जम्ने र पानीले निकासा नपाएर घर– घर छिर्ने भएकोले समस्या भयो भन्ने गुनासो बढेपछि वडा सदस्य नेपालसहितको टोलीले स्थलगत निरिक्षण गरी ग्राबेल ओछ्याउने काम गरिएको वडा सदस्य नेपालले बताए ।

हेटौंडा । हेटौंडा उपमहानगरपालिका ११ नम्बर वडास्थित् सागरपथका विपन्न दलितहरुलाई लोटन कुखुराको चल्ला र दाना वितरण गरिएको छ । आस्रय नेपालले हेटौंडा ११ नम्बर वडाको आर्थिक सहयोगमा ४० घरधुरीका दलितहरुलाइ चल्ला र दाना वितरण गरेको हो । आस्रय नेपालकी अध्यक्ष सुनिता बिडारीको सभाध्यक्षतामा भएको कार्यक्रममा वडाध्यक्ष जुना दाहालको प्रमुख आतिथ्यता रहेको थियो । विपन्न पिछडिएका दलितहरुलाइ आयआर्जनसंग जोडी आर्थिक सबलताको बाटोमा डोर्‍याउने उदेश्यले कार्यक्रम गरिएको संस्थाकी सचिव मनिषा विश्वकर्माले बताइन् । कार्यक्रममा वडा सदस्य गोपिनी सापकोटा, सागरपथ टोल विकास संस्थाका अध्यक्ष सुर्यबहादुर थिङ, सचिव बुद्धिनाथ न्यौपाने लगायतको आतिथ्यता रहेको थियो । यसैगरी हेटौंडा ११ स्थित सिमलटारका विपन्न दलितहरूलाई पनि लोटन…

हेटौंडा । हेटौंडा उपमहानगरपालिकाका नगर उपप्रमुख तथा कार्यवाहक मेयर राजेश बानियाँले हेटौंडा बजारको दिगो व्यवस्थापनका लागि कम्तीमा २५ मिटर सडक विस्तार अत्यावश्यक रहेको बताउनुभएको छ। शनिबार मकवानपुर फर्निचर व्यवसायी संघको १९औं साधारणसभा तथा अधिवेशनमा बोल्दै उपप्रमुख बानियाँले बजारको अव्यवस्थित विस्तार र दिनप्रतिदिन कुरुप बन्दै गएको अवस्थालाई रोक्न सडक चौडाइको आवश्यकता औंल्याउनुभयो। “सडक विस्तार विकासको अपरिहार्य प्रक्रिया हो। यसलाई लिएर राजनीति गर्नुहुन्न,” बानियाँले भन्नुभयो, “व्यवसायीहरू विस्थापित हुन नपरोस् भन्ने सुनिश्चित गर्न स्थानीय सरकार प्रतिबद्ध छ।” उहाँले सडक विस्तारका क्रममा घरधनी, व्यवसायी, राजनीतिक दल लगायत सबै सरोकारवाला पक्ष एकजुट हुनुपर्नेमा जोड दिनुभयो। साथै, हेटौंडाबाट व्यवसायीहरू पलायन नहोस् भनेर निरन्तर रुपमा आवश्यक पहल…

हेटौंडा । "बैदेशिक रोजगारी होइन, अब स्वदेशमै केही गरौं" भन्ने सोचसहित केही युवा उद्यमीले सहलगानीमा सञ्चालनमा ल्याएको चियालय हेटौंडामा उद्घाटन गरिएको छ। चियालयको उद्घाटन कार्यक्रम हेटौंडा उपमहानगरपालिकाका नगर प्रमुख मीनाकुमारी लामाको प्रमुख आतिथ्यमा सम्पन्न भएको हो । नगर प्रमुख लामाले स्वदेशमै केही गर्ने आँट र लगानी गरेका युवाहरूको प्रयास सराहनीय भएको बताउँदै उपमहानगरपालिकाले यस्ता योजनाहरूलाई प्रोत्साहन र आवश्यक सहयोग गर्न सधैं तयार रहेको बताइन्। सहलगानीमा सञ्चालन गरिएको चियालयमा युवाहरू संलग्न छन्। चियालयमा नेपाली स्वादको विविध परिकार र चियाका परिकारहरू उपलब्ध छन्, जसले स्थानीय उत्पादन र रोजगार सिर्जना दुबैमा टेवा पुर्याउने अपेक्षा गरिएको छ।

हेटौंडा । हेटौंडा उपमहानगरपालिका ११ नम्बर वडास्थित सिमलटारमा ढाका, मलमलको कपडाको जुत्ता बनाउने तालिमको उद्घाटन गरिएको छ । सिमलटार टोल विकास संस्थाको आयोजना र हेटौंडा ११ नम्बर वडाको आर्थिक सहयोगमा आयोजित ७ दिने तालिमको उद्घाटन वडाध्यक्ष जुना दाहालले गरेकी हुन् । तालिममा २० जना महिलाहरुको सहभागिता रहेको सिमलटार टोल विकास संस्थाका अध्यक्ष देवकृष्ण थोकरले जानकारी दिए । तालिम उद्घाटनमा वडा सदस्य सन्जय बिडारी, तालिमका प्रशिक्षक मीना सुवेदी, वडा समन्वय समितिका अध्यक्ष यज्ञबहादुर आचार्य, सिमलटार टोविस सल्लाहकार प्रभाकर पुडासैनी, उमेश बस्नेत लगायतकाको आतिथ्यता रहेको थियो ।