मकवानपुर विशेष

हेटौंडा । हेटौंडा उपमहानगरपालिकाको आयोजनामा 'संघीय संरचनामा स्थानीय सरकार र हेटौंडाको विकास' विषयक अन्तरक्रिया कार्यक्रम सम्पन्न भएको छ। कार्यक्रमको उद्घाटन बागमती प्रदेशका मुख्यमन्त्री बहादुरसिंह लामाले गरेका हुन्। मुख्यमन्त्री लामाले संघीय संरचनामा स्थानीय सरकारहरूको भूमिका अझ प्रभावकारी बनाउन यस्ता अन्तरक्रिया कार्यक्रम महत्वपूर्ण हुने बताए। उनले हेटौंडाको समग्र विकासका लागि प्रदेश सरकार प्रतिबद्ध रहेको उल्लेख गर्दै समन्वयात्मक कार्यशैली आवश्यक रहेको धारणा राखे। कार्यक्रममा विभिन्न क्षेत्रका प्रतिनिधि, जनप्रतिनिधि, सरकारी कर्मचारी, सञ्चारकर्मी तथा सरोकारवाला निकायका व्यक्तिहरूको उपस्थिति रहेको थियो। सहभागीहरूले संघीयताको कार्यान्वयन, स्थानीय तहको अधिकार प्रयोग, बजेट व्यवस्थापन, पूर्वाधार विकासलगायत विषयमा आफ्ना धारणा प्रस्तुत गरेका थिए।

हेटौंडा । हेटौंडा उपमहानगरपालिका ११ नम्बर वडास्थित राप्ती रिभर साइड छेउको हेटौंडा अर्वान रोडको स्ल्याब ढलान शुरु गरिएको छ । शुभप्रभात निर्माण सेवाले ४८ लाख ८३ हजार ८ सय ८४.५ रुपैयाँ लागतमा ढलानको जिम्मा लिएको र बागमती प्रदेश सरकार भौतिक पुर्वाधार मन्त्रालय अंतरगत यातायात पुर्वाधार निर्देशनालय बागमती प्रदेश हेटौंडाको बजेटमा रोड ढलान हुन लागेको पुर्वाधार निर्देशनालय योजना शाखाकी इन्जिनियर पुजा घिमिरेले जानकारी दिइन् । काम सम्पन्न २८ गतेसम्म गरिसक्ने योजना रहेको ठेकेदार सन्देश लामाले जानकारी दिए । ६ मिटर चौडाइ , ३ सय मीटर लम्बाईको रोड ढलान हुन लागेको हो । रोड ढलानको उदघाटन हेटौंडा उपमहानगरपालिका ११ नम्बर वडाकी अध्यक्ष…

हेटौंडा । नेपाली पानीबाट उत्पादन भएको विद्युत्‌लाई अधिकतम् उपयोगका लागि पछिल्लो समय इलेक्ट्रोनिक्स सवारीहरुमा गरिने चार्जिङ स्टेशनको बागमती प्रदेशका मुख्यमन्त्री बहादुरसिंह लामाले उद्घाटन गरेका छन् । नेपाली बजारमा विद्युत् उपकरण ट्रान्सर्फमर उत्पादन गर्ने उद्योगका रुपमा नाम कमाएको ॅनिक’ ले नेपालमा पहिलो पटक सञ्चालनमा ल्याएको सुपरफाष्ट चार्जिङ स्टेशनको मुख्यमन्त्री लामाले उद्घाटन गरेका हुन् । स्टेशन उद्घाटन गदै मुख्यमन्त्री लामाले पहिलो पटक नया“ढंगबाट सञ्चालनमा आएको स्टेशनलाई प्रदेशभर लैजानु जरुरी रहेको बताए । उनले वातावरण संरक्षणका लागि इलेक्ट्रोनिक चार्जिङ स्टेशन जरुरी रहेको भन्दै सेवा बिस्तारमा लाग्न सुझाव दिए । स्टेशनका कारण नेपाली बजारमा रहेको आर्थिक स्रोत यहीं रहन सहज हुने बताएका उनले नया“…

हेटौंडा । राष्ट्रिय परिचयपत्र सेवामा दिनप्रतिदिन बढ्दो चापलाई मध्यनजर गर्दै जिल्ला प्रशासन कार्यालय मकवानपुरले सेवा समय विस्तार गरेको छ। कार्यालयका अनुसार आगामी जेठ २६ गतेदेखि राष्ट्रिय परिचयपत्र शाखा बिहान ७:०० बजेदेखि बेलुकी ६:०० बजेसम्म खुला रहनेछ। यस निर्णयले विवरण दर्ता गराउन आउने वा तयार भइसकेको परिचयपत्र लिन आउने सेवाग्राहीहरूलाई थप सहज हुने अपेक्षा गरिएको छ। जिल्ला प्रशासन कार्यालय मकवानपुरले कार्यालयको सीमित जनशक्ति तथा सेवाग्राहीको चापको सन्तुलन मिलाउन सेवा समय लम्ब्याउने निर्णय लिएको हो। सेवाग्राहीहरूले यस नयाँ समयतालिका अनुसार सेवा लिने तयारी गर्न कार्यालयले अनुरोध गरेको छ। प्रशासकीय अधिकृत गुणराज प्रसाद न्यौपानेद्वारा हस्ताक्षरित सूचनामा राष्ट्रिय परिचयपत्र सम्बन्धी सेवा प्रभावकारी र छिटोछरितो…

हेटौंडा । हेटौंडा उपमहानगरपालिका र संघीय सरकारको सहकार्यमा हेटौंडामा खानेपानी आयोजना निर्माणका लागि दुईपक्षीय सम्झौता सम्पन्न भएको छ। उपमहानगरपालिका र संघीय सरकारअन्तर्गतको खानेपानी योजना कार्यालयबीच उक्त सम्झौता गरिएको हो। सम्झौताअनुसार हेटौंडाका विभिन्न स्थानहरूमा खानेपानी ट्यांकी तथा संयोजन संरचनाहरू निर्माण गरिने छन्। परियोजना कुल २० करोड ५६ लाख रुपैयाँको लगानीमा ७०/३० अनुपातको सहलगानीमा सञ्चालन गरिनेछ। सम्झौतामा हेटौंडा उपमहानगरपालिकाका नगर प्रमुख मीनाकुमारी लामा, संघीय योजना प्रमुख पूर्णप्रसाद उपाध्याय, खानेपानी बोर्डका अध्यक्ष प्रताप विष्ट र निर्माण पक्षका प्रतिनिधिबीच हस्ताक्षर गरिएको छ। यस योजनाबाट हेटौंडाबासीलाई सुरक्षित तथा नियमित खानेपानी सेवा पुर्‍याउने अपेक्षा गरिएको छ। नगर प्रमुख लामाले यस आयोजना हेटौंडाको दिगो विकासका लागि महत्वपूर्ण…

हेटौंडा । हेटौंडा उपमहानगरपालिकाकी नगर प्रमुख मीनाकुमारी लामाले उपमहानगर क्षेत्रभित्र रहेका ज्येष्ठ नागरिकका समस्यालाई प्राथमिकतामा राखेर समाधान गर्न उपमहानगर प्रतिबद्ध रहेको बताउनु भएको छ। महिला, बालबालिका तथा समावेशीकरण महाशाखाद्वारा आयोजित अभिमुखिकरण कार्यक्रममा सहभागी हुँदै नगर प्रमुख लामाले ज्येष्ठ नागरिकहरूको समस्या र आवश्यकताबारे जानकारी लिँदै आफ्नो धारणा प्रस्तुत गर्नुभयो। उहाँले ज्येष्ठ नागरिकहरूको भावना अनुसार उपमहानगरले योजना बनाउँदै अघि बढ्ने स्पष्ट पार्नुभयो। नगर प्रमुख लामाले उपमहानगरपालिकाले विभिन्न वडामा ज्येष्ठ नागरिक सेवा केन्द्रहरू सञ्चालनमा ल्याइसकेको जानकारी दिँदै भविष्यमा थप सहज सेवा प्रवाह गर्ने प्रतिबद्धता जनाउनुभयो। कार्यक्रमले ज्येष्ठ नागरिकको हितमा हुने कार्यक्रमहरूलाई प्रभावकारी बनाउने दिशामा मार्गनिर्देशन गरेको सहभागीहरूको भनाइ थियो।

हेटौंडा । “प्लाष्टिकमुक्त हेटौंडा, हरियालीयुक्त नगर” भन्ने नाराका साथ हेटौंडा उपमहानगरपालिकामा विश्व वातावरण दिवस–२०८२ सप्ताहव्यापी विविध कार्यक्रमका साथ भव्य रूपमा सम्पन्न भएको छ। टोल विकास संस्था नगर समन्वय समितिको आयोजनामा भएको यस सचेतनामूलक अभियानमा नगरवासी, विभिन्न संघसंस्था, विद्यालय, सामाजिक अगुवा र जनप्रतिनिधिहरूको उल्लेखनीय सहभागिता रह्यो। कार्यक्रमको समापन वागमती प्रदेशका वन तथा वातावरणमन्त्री कृष्णप्रसाद सिलवालको प्रमुख आतिथ्यमा सम्पन्न भयो। मन्त्री सिलवालले प्लाष्टिकजन्य प्रदूषण नियन्त्रणका लागि प्रदेश सरकारले अवलम्बन गरिरहेका नीतिहरूको कार्यान्वयनमा नागरिक सहभागिता अपरिहार्य रहेको बताउँदै यस्ता अभियानले जनचेतना विस्तारमा टेवा पुर्‍याउने विश्वास व्यक्त गरे। हेटौंडा उपमहानगर प्रमुख मिना कुमारी लामाले वातावरण संरक्षणमा स्थानीय सरकारको प्रतिबद्धता दोहोर्याउँदै समुदाय, विद्यालय र युवाहरूको…

हेटौंडा । विश्व वातावरण दिवस २०८२ को सन्दर्भमा हेटौंडा उपमहानगरपालिका–९ मा “प्लास्टिकका बोत्तलसँग फलफूलको बिरुवा साट्ने अभियान” आज सफलता साथ सम्पन्न भएको छ। सप्ताहव्यापी कार्यक्रमको भागस्वरूप आयोजित उक्त अभियान टोल विकास संस्था नगर समन्वय समिति, उपमहानगरपालिका–९ को टोल विकास संस्था वडा समन्वय समिति र पशुपति हेल्थ क्लबको संयोजनमा सम्पन्न भएको हो। कार्यक्रमको अध्यक्षता टोल विकास संस्था नगर समन्वय समितिका अध्यक्ष ध्रुव प्रसाद अधिकारीले गर्नुभएको थियो भने प्रमुख अतिथिका रूपमा हेटौंडा उपमहानगरपालिकाकी नगर प्रमुख मिना कुमारी लामा उपस्थित हुनुहुन्थ्यो। प्रमुख अतिथि लामाले वातावरण संरक्षणका लागि यस्ता रचनात्मक कार्यक्रमहरूलाई अत्यन्त प्रभावकारी बताउँदै अन्य वडाहरूमा समेत विस्तार गर्न नगरपालिकाको तर्फबाट आवश्यक समन्वय गरिने…

मकवानपुर । कान्ति राजमार्गको सडक खण्डमा आगामी ४ दिनसम्म सवारी आवागमन पूर्ण रूपमा बन्द गरिने भएको छ। कान्ती राजमार्ग सडक आयाेजना अन्तर्गत पर्ने बगुवा, बागमती खोलामा निर्माणाधिन रहेकाे बेलीब्रिज जडान कार्यका कारण सवारीसाधन चल्न निषेध गरिएको हो। जिल्ला प्रशासन कार्यालय मकवानपुरले साेमबार सूचना प्रकाशित गर्दै २०८२ साल जेठ २१ गतेदेखि २४ गतेसम्म राजमार्ग बन्द गरिने जानकारी दिएको छ। सो अवधिमा हेटौंडा–काठमाडौँ वा काठमाडौँ–हेटौंडा यात्रा गर्ने सवारीसाधनहरूले वैकल्पिक मार्ग प्रयोग गर्न सूचित गरिएको छ। यात्रुहरूलाई कुलेखानी–कलंकी–हुमाने वा कुलेखानी–सिस्नेरी–फर्पिङ सडक प्रयोग गर्न आग्रह गरिएको छ। जिल्ला प्रशासन कार्यालय मकवानपुरका सहायक प्रमुख जिल्ला अधिकारी राजेन्द्र प्रसाद कँडेलद्वारा हस्ताक्षरित सूचनामा वैकल्पिक मार्ग प्रयोग गर्दा…

हेटौंडा । टोल विकास संस्था नगर समन्वय समिति, हेटौंडा उपमहानगरपालिकाको आयोजनामा विश्व वातावरण दिवस–२०८२ को सन्दर्भमा सप्ताहव्यापी कार्यक्रम अन्तर्गत ‘प्रकृति सम्वाद यात्रा’ कार्यक्रम सम्पन्न गरिएको छ। कार्यक्रम टोल विकास संस्था नगर समन्वय समितिका अध्यक्ष ध्रुव प्रसाद अधिकारीको अध्यक्षता तथा हेटौंडा उपमहानगरपालिका वडा नं. १० का वडा अध्यक्ष फुर्वा लामाको प्रमुख आतिथ्यतामा सम्पन्न भएको हो। कार्यक्रममा हेटौंडा क्षेत्रका विभिन्न विद्यालय र बाल क्लबहरूबाट ७५ जना बालबालिकाको उत्साहजनक सहभागिता रहेको थियो। सहभागीहरूले वन विज्ञान अध्ययन संस्थाको प्राङ्गणभित्रको जंगल, गार्डेन तथा जैविक विविधता स्थलहरूको अवलोकन गरेका थिए। वातावरणीय संरक्षण सम्बन्धी संवादात्मक शिक्षा प्रदान गरिएको कार्यक्रममा वन विज्ञान संकायका विद्यार्थीहरूले सहजीकरण गरेका थिए। उनीहरूले…