सबै समाचार

मकवानपुर । प्रेस सेन्टर नेपालको २१ औं स्थापना दिवस मंगलबार हेटौंडामा अन्तरक्रिया कार्यक्रम गरि मनाइएको छ । प्रेस सेन्टर मकवानपुरको आयोजनामा कार्यक्रम भएको हो । अन्तरक्रियामा बोल्दै नेपाल कम्युनिष्ट पार्टी (नेकपा) माओवादी केन्द्रका केन्द्रीय सदस्य प्रल्हाद लामिछानेले तथ्यपूर्ण र जनपक्षिय पत्रकारितामा जोड दिएका छन् । हाल सामाजिक सञ्जाल प्रयोगकर्ताहरुबाट र केही पीत पत्रकारितामार्फत गलत एवम् भ्रमपूर्ण सूचना तथा समाचारहरु प्रकाशन, प्रसारण भइरहेको सन्दर्भमा जनमानसमा अन्यौलता सिर्जना हुने गरेको उनले उल्लेख गरे । यस किसिमको गलत र भ्रमपूर्ण सूचना र समाचारलाई श्रमजीवि जनपक्षिय पत्रकारितामार्फत स्पष्ट पार्दै सत्य तथ्य पत्रकारितामा उनले जोड दिए । हाल सार्वजनिक निकायहरुले सूचना लुकाउने प्रचलन रहेको भन्दै…

मकवानपुर । हेटौंडामा इभि एक्सचेञ्ज मेला तथा फ्रि चेकअप क्याम्प सुरु भएको छ । हेटौँडा–११ थानाभर्याङमा रहेको ईभी कार्स एण्ड मोटर्स हब प्रा.लि.ले डिजेल–पेट्रोलद्वारा चल्ने पुरानो गाडीसँग इभि एक्सचेञ्ज सुरु गरेको हो । एक्सचेञ्ज मेलामा पुरानो, जस्तोसुकै गाडी साट्न आउँदा न्युनतम ३ लाख रकम मुल्यांकन गरिने र गाडीको कण्डिसन अनुसार थप रकम प्रदान गरिने शोरुमले जनाएको छ । यो अफर माघ मसान्तसम्म चल्ने कम्पनीका संचालक युवराज आचार्यले जानकारी दिए । शोरुमले बिना धितो सहज बैंकिङ सुबिधासहित गाडी एक्सचेञ्ज गरिरहेको जनाएको छ । गाडी एक्सचेञ्ज गर्न आउने ग्राहकलाई एक वर्षको निःशुल्क ईन्स्योरेन्श, निःशुल्क ३ किलोवाट र ७ किलोवाटको चार्जर, ४३ ईञ्चको…

मकवानपुर ।हेटौंडा उपमहानगरपालिका वडा नम्बर ३ आइतबार निकृष्ट बालश्रम मुक्त, बाल विवाह मुक्त तथा बालमैत्री स्थानीय शासनयुक्त वडा घोषणा भएको छ । वडा अध्यक्ष ढलकबहादुर थापाको सभाध्यक्षता तथा हेटौँडा उपमहानगरपालिकाकी नगर प्रमुख मीनाकुमारी लामाको प्रमुख आतिथ्यतामा कार्यक्रम भएको हो । वडाले बालमैत्री स्थानीय शासन घोषणा गर्न आवश्यक ५१ सुचक मध्ये ४९ वटा सुचक सत्प्रतिशत, एक वटा ९८ प्रतिशत, एक वटा ९५ प्रतिशत नतिजा हासिल गरेको छ । वडामा १२ वटा बाल समूह र एक बाल सञ्जाल गठन गरि तीन सय ४१ बालबालिकाहरुलाई प्रत्यक्ष सहभागिता गराएर अभियान सञ्चालन गरिएको छ। घरधुरी सर्वेक्षण २०७९ अनुसार वडाभित्र ७९३ बालक र ७०५ बालिका छन्…

मकवानपुर । आफ्नो स्थानीय तहमा रहेका घरेलु उद्यमीहरुको उत्पादन प्रवर्द्धन तथा प्रदशनी गराउने उदेश्यले हेटौंडा उपमहानगरपालिका १० नम्बर वडाले दुई दिने मेलाको नै आयोजना गर्यो । नगरभित्र रहेका उद्यमीहरुले उक्त मेलामा आफ्ना सामानहरुको स्टल राखेर पदर्शनी गरे । जसका कारण आफ्ना उत्पादनको बजारीकरणमा सहयोग पुगेको भन्दै उद्यमीहरु खुसी देखिएका छन् । हेटौंडा उपमहानगरपालिका १० नम्बर वडा कार्यालयको आयोजनामा शुक्रबारबाट दुईदिने घरेलु उत्पादन प्रवर्द्धन प्रर्दशनी तथा नृत्य प्रतियोगिता एंव् शैक्षिक मेलाको आयोजना गरेको हो । विशेषगरी नगरमा रहेका घरेलु उद्यमीहरुले उत्पादन गरेका सामाग्रीहरुको बजारीकरणमा सहयोग पुर्याउने, संस्कृतिको संरक्षण गर्दै शैक्षिक विकासमा समेत टेवा पुर्याउने लक्ष्यका साथ यस वडाले दोस्रो संस्करणको यो…

मकवानपुर । नेकपा माओवादी केन्द्र निकट प्रेस सेन्टर नेपाल मकवानपुरको अध्यक्षमा एमपी शर्मा सर्वसम्मत चयन भएका छन् । हेटौँडामा शनिबार भएको छैठौं अधिवेशनले शर्माको अध्यक्षतामा १७ सदस्यीय नयाँ कार्यसमिति सर्वसम्मत चयन गरेको हो । उपाध्यक्षमा अशोकसुजन श्रेष्ठ र नवराज वाईबा, सचिवमा अनिल पराजुली, सहसचिवमा जमुना थिङ र सुरेश बल, कोषाध्यक्षमा राजेश थापा (गरिब) चयन तथा सदस्यहरुमा सुमित विक, राजकुमार स्याङ्बो, केदार ढकाल, आशिष बल, युवराज बिमली, सीता कोइराला र विवेक सिन्तान चयन भएका छन् । प्रेस सेन्टर नेपाल मकवानपुरकी निवर्तमान अध्यक्ष अञ्जली थापाको अध्यक्षता तथा प्रेस सेन्टर नेपालका अध्यक्ष विष्णु सापकोटाको प्रमुख आतिथ्यतामा कार्यक्रम भएको थियो ।

मकवानपुर । नेपाल पत्रकार महासंघकी केन्द्रिय अध्यक्ष निर्मला शर्माले प्रेस तथा अभिव्यक्ति स्वतन्त्रता माथि अझै पनि आक्रमण भइरहेको बताएकी छिन् । महासंघ मकवानपुर शाखाको कार्यसमिति बैठकमा बोल्दै उनले पत्रकारहरु व्यवसायिकता र जिम्मेवार नहुँदा प्रश्नहरु उठ्न हुन थालेको बताए । स्वतन्त्रताको नाममा पत्रकारहरुले आफ्नो व्यवसायिकतालाई बिर्सन नहुने उनको भनाई छ । अध्यक्ष शर्माले सत्यतथ्य समाचारहरु सम्प्रेषण गरेर जनताको सही सुचना पाउने अधिकारलाई सुनिश्चित्तत गर्नुपर्नेमा जोड दिए । सुचना प्रविधिमा आएको परिवर्तनले सञ्चारक्षेत्रमा चुनौती थपिएको समेत उहाँले बताए ।

मकवानपुर । नेकपा एमालेका मुख्य सचेतक महेश बर्तौलाले मध्यवर्ती क्षेत्र खारेज गर्नुपर्ने बताएका छन् । मध्यवर्ती क्षेत्रको कारण मनहरी गाउँपालिका र हेटौँडा उपमहानगरपालिकाका केही वडामा जनताको जीवनशैली असहज भएको र विकास निर्माणको काममा समेत बाधा पुगेको उनले बताए । शनिबार हेटौंडामा आयोजित पत्रकार सम्मेलनमा बोल्दै मुख्य सचेतक बर्तौलाले मनहरीमा रहेको नदी उकाश जमिनमा मध्यवर्तीले काम गर्न नदिएको बताउनुभयो । सरकारले बनाएको ऐन भन्दा निकुञ्जको नियमावली हावी भएकोमा समेत उहाँले असन्तुष्टि जनाउनुभयो । कानुन निर्माणमा पनि कर्मचारी तन्त्रले अनावश्यक हस्तक्षेप गर्न खोजेको समेत उहाँले गुनासो गर्नुभयो । मुख्य सचेतक बर्तौलाले अन्र्तराष्ट्रिय प्रतिबद्धताहरु राष्ट्र र जनताको हितमा राखेर गर्नुपर्नेमा समेत जोड दिनुभयो…

मकवानपुर । नेपाल राष्ट्रिय शिक्षक संगठन मकवानपुरको अध्यक्षमा मुकुन्द न्यौपाने निर्विरोध निर्वाचित भएका छन् । संगठनको हेटौंडामा सम्पन्न १४ औं जिल्ला अधिवेशनले न्यौपानेको अध्यक्षतामा ३१ सदस्यीय कार्यसमिति निर्माण गरेको हो । अधिवेशनले उपाध्यक्षमा रुपचन्द्र गोपाली र चन्द्रादेवी लामा चयन हुँदा सचिवमा गोपीरमण प्याकुरेल निर्वाचित भएका छन् । संगठनको कोषाध्यक्षमा भावना सापकोटा निर्विरोध भएका छन् । अधिवेशनले सह-सचिवमा सविता लामिछाने र सह-कोषाध्यक्षमा दिपेश लामा चयन भएका छन् । सदस्यहरुमा सविता तिमल्सिना, भरत पोखरेल,सरोज फुयाल, इश्वर आले, रत्नबहादुर स्याङ्तान,गिता पौडेल, लालुमाया रुम्बा,सावित्री अधिकारी, अमृता भट्ट, अनिलकुमार यादव, रामशरण दाहाल, गिताकुमारी न्यौपाने, हरिहर खनाल लगाएत चयन भएका छन् ।