सबै समाचार

मकवानपुर । बागमती प्रदेशका मुख्यमन्त्री बहादुर सिंह लामाले प्रदेशबिना संघीयताको परिकल्पना गर्न नसकिने बताउनुभएको छ ।विरोधको लागि विरोध गर्नेहरुले मात्र प्रदेश माथि प्रश्न उठाएको उहाँको आरोप थियो । बागमती प्रदेशसभाको सातौँ वार्षिकोत्सव समारोहलाई शुक्रबार सम्बोधन गर्नुहँदै मुख्यमन्त्री लामाले प्रादेशिक संरचनाबाट मात्रै विकास हुन्छ भन्ने मान्यतालाई पुष्टि गर्ने गरी प्रदेश सरकारले काम गरिरहेको दाबी गर्नुभयो । मुख्यमन्त्री लामाले विगतको सरकारका अधुरा योजनाहरुलाई वर्तमान सरकारले अगाडि बढाउने समेत बताउनुभयो । यसैगरी समारोहमा बोल्नुहुँदै प्रदेश प्रमुख दिपकप्रसाद देवकोटाले प्रादेशिक संरचनाको औचित्य पुष्टि हुने गरी काम गर्नुपर्ने बताउनुभयो । उहाँले प्रदेश संरचनाको बारेमा हुने टिकाटिप्पणीलाई शब्दले भन्दा पनि कामले जवाफ दिनुपर्ने बताउनुभयो । कार्यब्यबस्था…

मकवानपुर । मोबाईल एशोसिएसन अफ नेपाल (म्यान) मकवानपुरको आसन्न निर्वाचनमा अध्यक्ष र उपाध्यक्ष पदमा मात्रै मतदान हुने भएको छ । विहीबार भएको उम्मेदवारी मनोनयन दर्तामा दुईदुई जना प्रतिस्पर्धी भएपछि अध्यक्ष र उपाध्यक्ष पदमा मात्रै मतदान हुने निर्वाचन आयुक्त दिनेश लामाले बताए । अध्यक्ष पदमा हरिप्रसाद न्यौपाने(सागर) र रोहिणीप्रसाद गौतम(गोपाल)ले उम्मेदवारी दर्ता गराएका छन् । न्यौपाने हाल वरिष्ठ उपाध्यक्ष हुन् भने गौतम उपाध्यक्ष छन् । त्यस्तै उपाध्यक्ष पदमा भने अनिल दास बानियाँ र शिवप्रसाद बास्तोलाले आफ्नो उम्मेदवारी दर्ता गराएका छन् । शनिबार हुने १३ औँ वार्षिक साधारण सभा तथा ७ औँ अधिवेसनमा यी दुई पदका लागि मतदान हुने भएको हो ।…

मकवानपुर । श्याम प्रसाद शर्मा स्मृती प्रतिष्ठानको पाँचौँ साधारण भेला तथा दोस्रो अधिवेशन हेटौँडा–१० टोनी हेगन पार्कमा बिहीबार सम्पन्न भएको छ । राजनैतिक, सामाजिक तथा साहित्यिक क्षेत्रका व्यक्तिहरूको उपस्थितिमा  प्रतिष्ठानका आजीवन सदस्यहरूबीच भएको भेलाले सूर्यचन्द्र न्यौपानेको अध्यक्षतामा १३ सदस्यीय कार्यसमिति निर्माण गरेको छ । बाँकी ४ सदस्यहरू भने संस्थाको बैठकले मनोनित गर्नेछ ।  सर्वसहमतिमा निर्वाचित नयाँ कार्यसमितिमा उपाध्यक्ष इन्द्र प्रसाद नेपाल र पुरुषोत्तम आचार्य, महासचिव सुवास खनाल , सचिव भरत दुलाल, कोषाध्यक्ष शुभलक्ष्मी विक, सदस्यहरू ऋषिराम पोखरेल, अरुण खतिवडा, अनिता न्यौपाने, सन्तोष पौडेल , शान्ति प्रियवन्दना, रामबहादुर थापा र रामबाबु खतिवडा चयन भएका छन् । प्रमुख वक्ताका रुपमा बामपंथी नेता केदार…

मकवानपुर । निर्माण व्यवसायी संघ मकवानपुरले हेटौंडामा व्यापार महोत्सव गर्ने भएको छ । २०७१ सालमा पहिलो पटक महोत्सव गरेको संघले १० वर्षपछि महोत्सव गर्न लागेको हो । दोश्रो संस्करणको रुपमा राष्ट्रिय निर्माण तथा व्यापार महोत्सव २०८१ फागुन ६ गतेदेखि १८ गतेसम्म हेटौंडा १० स्थित टिसिएन चौरमा महोत्सव गर्न लागिएको हो । निर्माण व्यवसायीसंगै आर्थिक गतिविधिलाई समेत थप चलायमान बनाउन महोत्सवले योगदान पु¥याउने संघका अध्यक्ष बालगोपल कँडेलले बताए । महोत्सवमा निर्माण उद्योग क्षेत्रको वर्तमान समस्या, चुनौती, अवसरका बारेमा छलफल, गोष्ठी लगायतका अन्तरक्रियात्क कार्यक्रम हुनेछ । निर्माणको क्षेत्रमा प्रयोगमा आएका अत्याधुनिक उपकरण र निर्माण सामग्रीहरुको प्रदर्शनी र बिक्री समेत गरिने अध्यक्ष कँडेलले…

मकवानपुर । पदमपोखरी ठुलोथलीमा आगामी फागुन २ गते वृहत ल्होछार कार्यक्रम हुने भएको छ । हेटौंडा उपमहानगरपालिका वडा नम्बर १३ ठुलोथलीमा वृहत ल्होछार कार्यक्रम हुने भएको हो । सातौं संस्करणको रुपमा ठुलोथली गुम्बाडाँडा सोनाम ल्होछार बृहत साँस्कृतिक गरिने मूल समारोह समितिका संयोजक मदन बल लामाले बुधबार पत्रकार सम्मेलन आयोजना गरि बताएका छन् । नगर प्रमुख मीनाकुमारी लामाको प्रमुख आतिथ्यतामा स्थानीय र राष्ट्रिय कलाकारको साङ्गीतिक प्रस्तुतीका साथ ल्होछार मनाइने लामाले बताए । कार्यक्रममा करिब ९ लाख खर्च हुने अनुमान आयोजकको रहेको छ । हेटौंडा उपमहानगर, वडा नम्बर १३ र संस्कृति तथा पर्यटन मन्त्रालयले केही बजेट उपलब्ध गराएपनि सहयोगी दाताहरुको साथ सहयोगले…

मकवानपुर । नेपालमा विवाहको कानूनी उमेर घटाउने विषयमा भइरहेको छलफलप्रति मकवानपुरका सामाजिक संघसंस्थाहरूले गम्भीर ध्यानाकर्षण गराएका छन्। हाल कायम २० वर्षको विवाहयोग्य उमेरलाई यथावत् राख्न माग गर्दै संघसंस्थाहरूले प्रमुख जिल्ला अधिकारी तिर्थराज चिलुवालमार्फत सरकारलाई ज्ञापनपत्र पठाएका छन्। सामाजिक संस्थाहरूको तर्क अनुसार, २० वर्षभन्दा कम उमेरमा विवाह गर्नुले किशोर-किशोरीहरूको स्वास्थ्य, शिक्षा, मानसिक परिपक्वता, र भविष्यमा गम्भीर असर पार्न सक्छ। कम उमेरमा गर्भधारण गर्दा आमाको स्वास्थ्य जोखिममा पर्नुका साथै नवजात शिशु मृत्युदर बढ्ने सम्भावना पनि रहने उल्लेख छ। साथै, बालविवाहले किशोरीहरूलाई आधारभूत अधिकारबाट वञ्चित गर्दै हिंसा, बालश्रम, र मानव बेचबिखनको जोखिम बढाउने निष्कर्ष पनि निकालिएको छ। प्रतिनिधिसभाको कानून, न्याय तथा मानव अधिकार…

मकवानपुर । बागमती प्रदेश प्रमुख दीपक प्रसाद देवकोटाले आज विहीबार परेको सोनाम ल्होसारको अवसरमा शुभकामना व्यक्त गरेका छन् । “सोनाम ल्होछार २०८१ को अवसरमा बागमती प्रदेश, देश तथा विदेशमा रहनुहुने सम्पूर्ण तामाङ समुदायका दिदीबहिनी तथा दाजुभाइहरूमा सुख, शान्ति र समृद्धिको शुभकामना व्यक्त गर्दछु” देवकोटाको शुभकामना सन्देशमा भनिएको छ । नेपालमा खासगरी मध्य भागको हिमाली, उच्च पहाडी र पहाडी भुभागमा बसोबास गर्ने संस्कृतिका धनी तामाङ समुदायले सोनाम ल्होछार पर्वलाई नाचगान, आफन्त भेटघाट र खानपिन गरेर रमाइलोका साथ मनाउने प्रचलन छ । यो पर्वमा कुलपूजा र प्रकृति पूजा गर्ने परम्परा छ । चेलीबेटी बोलाएर टीका लगाइदिने गरिन्छ । परम्परागत पहिरनले सजिएर एक…

मकवानपुर । बागमती प्रदेश प्रमुख दीपक प्रसाद देवकोटाले सहिद दिवस २०८१ को अवसरमा सहिदहरु प्रति श्रद्धाञ्जली व्यक्त गरेका छन् । प्रदेश प्रमुख देवकोटाले बुधबार सहिद दिवसको सन्दर्भमा शुभकामना सन्देश जारी गर्दै सहिदहरुको योगदानलाई उच्च सम्मान सहित श्रद्धाञ्जली व्यक्त गरेका हुन् । इतिहासका विभिन्न कालखण्डमा देशको निम्ति आफ्नो प्राणको आहुती दिने ज्ञात अज्ञात सहिदहरूप्रति उनले श्रद्धाञ्जली अर्पण गरेका हुन् । सहिदहरूको बलिदानको मर्मलाई बुझी समृद्ध नेपालको साझा सपना साकार पार्न जिम्मेवारी पूर्वक आ आफ्ना कर्तव्य पालन गर्नमा सबैलाई प्रेरणा मिलोस भन्ने कामना गरेका छन् । “बर्षौं पहिले कसैले रोपेको बिरुवाले आज छहारी र शीतलता प्रदान गरेजस्तै देशको निम्ति जीवन उत्सर्ग गर्ने…

मकवानपुर । सञ्चारिका समूह मकवानपुरको अध्यक्षमा निशा गुरुङ चयन भएका छन् । समूहको मंगलबार हेटौंडामा भएको तेस्रो अधिवेशनबाट गुरुङको नेतृत्वमा १५ सदस्यीय नयाँ कार्यसमिति सर्वसम्मत रुपमा चयन गरिएको हो । यस्तै, समूहको उपाध्यक्षमा जमुना थिङ, महासचिवमा मञ्जु मैनाली, सचिवमा अम्बिका बस्नेत, कोषाध्यक्षमा अन्जना न्यासुर चयन भएका छन् । यसैगरी, सदस्यहरुमा क्रमशः सम्झना थापा, सुनिता विष्ट, स्मिता अर्याल, सुप्रभा चौलागाईँ, अस्मिता भट्टराई, रविना घिमिरे, आँचल तिमल्सिना र सुमिना चौलागाई चयन भएका छन् । कार्यसमितिको बैठकले रमा बिष्ट र गीता कार्कीलाई सदस्यमा मनोनीत गरिएको छ । यसअघि सञ्चारिका समूहकी निवर्तमान उपाध्यक्ष प्रिया पौडेलको अध्यक्षता एवम् सञ्चारिक बागमती प्रदेश अध्यक्ष सरिता दाहालको प्रमुख…