सबै समाचार

हेटौंडा । नेपाल कम्युनिस्ट पार्टी (एकीकृत समाजवादी), जिल्ला समिति मकवानपुरले सञ्चालन गरेको दोस्रो चरणको जनआन्दोलन अन्तर्गतका कार्यक्रमहरू सफलतापूर्वक सम्पन्न भएका छन्। आन्दोलनका कार्यक्रमहरू पार्टीको केन्द्रिय निर्देशनअनुसार प्रदेशस्तरीय र जिल्लास्तरीय सहभागिता सहित विभिन्न चरणमा सम्पन्न गरिएको हो। पार्टीले 'समाजवादको तयारी' को मूल नाराका साथ संघर्षमा उत्रिएको जनाएको छ। प्रमुख नेताहरूको सहभागिता रहेको जिल्ला समितिको आयोजनामा विभिन्न चरणमा जनजागरण, ज्ञापनपत्र बुझाउने, सभा–सभा लगायतका गतिविधिहरू गरिएको छ। प्रेस विज्ञप्तिमा उल्लेख भएअनुसार, जेठ ५ गते केन्द्रिय, प्रदेश र जिल्ला तहका प्रतिनिधिहरूसँग अन्तरक्रिया गरिएको थियो। त्यसपछि, जेठ ७ गते प्रदेश सरकारलाई वैशाख १९ गते बुझाइएको ज्ञापन पत्र स्मरण गराउँदै पुनः बुझाइएको थियो। निरन्तर चरणबद्ध कार्यक्रम…

हेटौंडा । बागमती प्रदेशका श्रम, रोजगार तथा यातायात मन्त्री प्रेमभक्त महर्जनले तालिम केवल तालिमका लागि मात्र नभई, तालिम दिइसकेपछि रोजगारीसँग जोडिने गरी सञ्चालन गर्नुपर्ने बताएका छन्। मकवानपुर महिला उद्यमी व्यवसायी संघको आयोजनामा तथा श्रम, रोजगार तथा यातायात मन्त्रालय र हेटौंडा उपमहानगरपालिकाको सहआयोजनामा आजदेखि सुरु भएको दुईदिने "महिला उद्यमी रोजगार मेला २०८२ तथा बागमती प्रदेशस्तरीय महिला उद्यमी व्यवसायी कार्यशाला गोष्ठी"मा मन्त्री महर्जनले यस्तो बताएका हुन्। मन्त्री महर्जनले तालिम दिइसकेपछि प्रत्यक्ष रूपमा रोजगारीसँग आबद्ध हुने व्यवस्था भए श्रम मन्त्रालय सहकार्य गर्न तयार रहेको बताएका छन्। साथै, बागमती प्रदेशमा रोजगारी सिर्जनाका लागि आफूहरू लागिपरेको र सबैलाई सहकार्यका लागि अघि आउन आग्रह गरेका छन्।…

मकवानपुर । तामाङ पत्रकार संघ मकवानपुरको आयोजनामा तामाङ समुदायको मौलिक लिपि (तामयिग) सम्बन्धी तीन दिने विशेष प्रशिक्षण कार्यक्रम हेटौंडामा सुरु भएको छ। तामाङ भाषा र लिपिको संरक्षण तथा प्रवर्द्धन गर्ने उद्देश्यले आयोजित कार्यक्रम यहि जेठ ३० गतेसम्म सञ्चालन हुने छ। कार्यक्रमको उद्घाटन संघका अध्यक्ष जयराम मोक्तानको सभाध्यक्षता तथा तामाङ पत्रकार संघका केन्द्रीय सचिव आदर्श सिं थोकरको प्रमुख आतिथ्यतामा सम्पन्न भयो। उद्घाटन सत्रमा प्रमुख अतिथि थोकरले तामाङ समुदायको भाषा, लिपि र संस्कृतिको संरक्षण अहिलेको आवश्यकता भएको बताए। उनले यस्ता प्रशिक्षणहरूले समुदायमा भाषिक चेतना र जातीय गर्वको भावना विकास गर्ने विश्वास व्यक्त गरे। संघका अध्यक्ष मोक्तानले भने अहिलेको पुस्तामाझ तामाङ लिपिको प्रयोग…

हेटौँडा । मकवानपुरमा सड़क दुर्घटना न्यूनीकरणका लागि सरोकारवाला निकायहरू एकजुट भएका छन्। जिल्ला ट्राफिक प्रहरी कार्यालय मकवानपुरको आयोजना र नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर, चितवनको समन्वयमा मंगलबार आयोजित सचेतना अभिवृद्धि तथा छलफल कार्यक्रममा सहभागीहरुले दुर्घटना घटाउने उपायहरूमा सहकार्य गर्ने प्रतिबद्धता व्यक्त गरेका छन्। कार्यक्रममा झल्लर, प्रेशर हर्न, फोकस लाइटजस्ता ट्राफिकमा अवरोध पुर्‍याउने उपकरण हटाउने निर्णय लिइएको छ। सहभागीहरुले सम्बन्धित प्रतिबद्धता पत्रमा हस्ताक्षर गर्दै दुर्घटनाका कारण घटाउने दिशामा साझा प्रयास गर्न तयार रहेको जनाएका छन्। प्रतिबद्धता पत्रमा हस्ताक्षर गर्नेमा नारायणी यातायात व्यवसायी संघका महासचिव सरोज खनाल, नारायणी यातायात व्यवसायी कम्पनी प्रा.लि.का कार्यकारी निर्देशक माधव अधिकारी, अटो तथा…

मकवानपुर । मकवानपुरको मकवानपुरगढी गाउँपालिका–८, बुढीचौरका गृहिणी महिलाहरू मौरीपालनसम्बन्धी एक हप्ते तालिममा सहभागी भएका छन्। गृहिणी महिला सशक्तिकरण परियोजनाअन्तर्गत नव चेतनशील समाज नेपालले आयोजना गरेको तालिम मकवानपुरगढी गाउँपालिका र बागमती प्रदेश सरकारको सामाजिक विकास मन्त्रालयको साझेदारीमा सञ्चालन भइरहेको हो। तालिमको उद्घाटन गाउँपालिकाका अध्यक्ष दोर्जे लामा स्याङ्तानले गरे। उद्घाटन समारोहमा बोल्दै अध्यक्ष स्याङ्तानले गृहिणी महिलाहरूलाई उद्यमशील बनाउन तालिमले महत्त्वपूर्ण भूमिका खेल्ने बताए। "सीप सिकेर उद्यमशील बन्ने विषय चानचुने होइन," उनले भने, "आफ्नै गाउँमै आएको यो अवसरलाई उपयोग गर्दै आर्थिक आम्दानी बढाउन लागिपर्नुहोस्।" पालिकाकी उपाध्यक्ष मानकुमारी नेपाली पाख्रीनले तालिममार्फत महिलाहरूलाई स्वरोजगार बनाउने अभियानमा पालिका लागिपरेको जानकारी दिइन्। "ब्युटिसियन, ब्याग, गलैँचा बुन्नेजस्ता तालिममार्फत…

हेटौंडा । बागमती प्रदेश प्रहरी प्रमुख, प्रहरी नायब महानिरीक्षक (डीआईजी) अरुण पौडेलले हेटौंडाको मुख्य बजार क्षेत्रमा यात्रुहरुलाई दुःख दिने र झोला तान्ने गतिविधिमा संलग्न व्यक्तिहरूमाथि तत्काल कारवाही गर्न सम्बन्धित निकायलाई निर्देशन दिनुभएको छ। सोमबार हेटौंडा–११ थानाभ¥याङस्थित प्रदेश प्रहरी कार्यालयमा सञ्चारकर्मीहरूसँगको परिचयात्मक कार्यक्रममा बोल्दै प्रमुख पौडेलले समाजमा शान्ति सुरक्षा कायम गर्न प्रदेश प्रहरी गम्भीर र प्रतिबद्ध रहेको बताउनुभयो। उहाँले बजार क्षेत्रमा सार्वजनिक यातायात, विशेषगरी सुमोमा यात्रा गर्ने यात्रुहरूमाथि हुने अभद्र व्यवहार, झोला तानातानजस्ता क्रियाकलाप रोक्न आवश्यक कडा कदम चालिने स्पष्ट गर्नुभयो। डीआईजी पौडेलले ट्राफिक दुर्घटनाको न्युनिकरण, भिड नियन्त्रण, भिआइपी सुरक्षा र विपद् व्यवस्थापनलाई प्रहरीको प्राथमिकतामा राखिएको उल्लेख गर्दै जनगुनासोलाई सम्बोधन गर्ने…

हेटौँडा । नेकपा (माओवादी केन्द्र) हेटौँडा उपमहानगरपालिका वडा नं. १४ को तेस्रो वडा सम्मेलन मंगलबार सम्पन्न भएको छ। सम्मेलनले नयाँ कार्यसमिति सर्वसम्मत रूपमा चयन गरेको छ। सम्मेलनबाट सानु कान्छा रुम्बा अध्यक्षमा चयन हुनुभएको छ। उपाध्यक्षमा चन्द्र बहादुर स्याङ्तान र राजकुमार भोलन, सचिवमा बिर बहादुर प्रज्ञा, सह–सचिवमा उर्मिला पौडेल तथा कोषाध्यक्षमा शोभा घले निर्वाचित हुनुभएको छ। त्यसैगरी माया घलानसहित २९ सदस्यीय नयाँ वडा समिति सर्वसम्मत रूपमा चयन भएको माओवादी केन्द्रका विवेक राईले जानकारी दिनुभयो ।