जी. न्यौपाने

हेटौंडा / मनहरी गाउँपालिका वडा नम्बर ६ मा नेकपाको युवा भेला सम्पन्न भएको छ। डम्बरबहादुर मुक्तानको सभाध्यक्षतामा आयोजित कार्यक्रममा नेकपाका केन्द्रीय सदस्य किशोर बर्तौलाको प्रमुख आतिथ्यता रहेको थियो। कार्यक्रममा आगामी चुनाव लक्षित युवा परिचालनका विषयमा छलफल गर्नुका साथै कमिटी निर्माण गरिएको जनाइएको छ। यसैगरी मनहरी गाउँपालिका वाइसीएल अध्यक्ष रोहित प्रजाको सभाध्यक्षतामा समेत युवा भेला सम्पन्न भएको छ। भेलामा आगामी चुनावलाई मर्यादित र भयरहित कसरी बनाउने भन्ने विषयमा छलफल गरिएको कार्यक्रमका प्रमुख अतिथि किशोर बर्तौलाले जानकारी दिए। कार्यक्रममा पार्टीका केन्द्रीय सदस्य लीलाराज सुनार (पवन), प्रदेश सदस्य सीता पुलामी मगर, ललित बलान, रुपेश बर्तौला, ज्येष्ठ नागरिक मञ्चका केन्द्रीय सदस्य रामहरि सुवेदी, मनहरी…

हेटौडा । मकवानपुर जिल्ला क्षेत्र नम्बर–१ बाट नेपाली कम्युनिष्ट पार्टीका उम्मेदवार बिजय गौतमलाई विजयी गराउने उद्देश्यसहित हेटौडा उपमहानगरपालिकाका वडा नम्बर ६, ८ र ९ मा एकैदिन अगुवा कार्यकर्ता भेला तथा निर्वाचन प्रचार–प्रसार कार्यालय उद्घाटन कार्यक्रम सम्पन्न भएको छ। तीनवटै वडामा आयोजित कार्यक्रमसँगै आजै विभिन्न वडाहरूमा घरदैलो अभियान पनि सञ्चालन गरिएको थियो। साथै, स्थानीय सामाजिक अगुवाहरू र प्रभावशाली व्यक्तित्वहरूसँग भेटघाट गर्दै चुनावी रणनीति र अभियानलाई थप प्रभावकारी बनाउने विषयमा छलफल गरिएको मकवानपुर जिल्ला क्षेत्र नम्बर–१ बाट नेपाली कम्युनिष्ट पार्टीका उम्मेदवार बिजय गौतम ले जानकारी दिनुभयो । कार्यक्रमलाई सम्बोधन गर्दै उम्मेदवार गौतमले देशको वर्तमान अवस्थाले अब निर्णायक राजनीतिक हस्तक्षेप मागिरहेको बताउँदै, “यो…

हेटौँडा ।मकवानपुर बहुमुखी क्याम्पसको ४६औँ वार्षिक उत्सव सम्पन्न भएको छ। क्याम्पस सञ्चालक समितिका अध्यक्ष अनन्त पौड्यालको सभाध्यक्षता तथा आदिकवि भानुभक्त आचार्य क्याम्पस, तनहुँका क्याम्पस चिफ महाप्रसाद हट्खलेको प्रमुख आतिथ्यतामा उक्त उत्सव सम्पन्न भएको हो। कार्यक्रममा बोल्दै बागमती प्रदेशका पूर्वमुख्यमन्त्री डोरमणि पौडेलले करिब २० वर्षदेखि स्थानीय तहकै मातहतमा रहेको क्याम्पस दिनप्रतिदिन सुधारको बाटोमा अगाडि बढिरहेको बताए। यस्तै, अर्का वक्ता त्रिभुवन विश्वविद्यालयका डा. तारालाल श्रेष्ठले काठमाडौँ, चितवनजस्ता ठाउँका लागि यो क्याम्पस सामान्य हुन सक्ने भए पनि मकवानपुर जिल्लाका लागि मकवानपुर बहुमुखी क्याम्पस एउटा ‘संसार’ नै भएको उल्लेख गरे। त्यसैले यसको चौतर्फी विकासमा विशेष ध्यान दिनुपर्ने उनले बताए। उनले राजनीति आवश्यक विषय भए…

हेटौंडा । धर्मसम्बन्धी शिक्षा प्रदान गर्दै आएको एएमआई (AMI) कलेजले मकवानपुरका २९ जना पाष्टर तथा अगुवालाई दीक्षित गरेको छ। बाइबलसम्बन्धी शिक्षा दिँदै आएको उक्त कलेजले विगत दुई वर्षदेखि हेटौंडामा घुम्ती शिक्षाका रूपमा अध्ययन–अध्यापन गराउँदै आएको थियो। सो शिक्षामा मकवानपुरका विभिन्न चर्चका अगुवाहरू सहभागी हुँदै आएका थिए। दीक्षान्त समारोहमा बोल्दै कलेजका प्रशिक्षक रेभरेन्ड पाष्टर डा. श्याम श्रेष्ठले अबको समयमा शिक्षा र प्रमाणपत्रबिनाको सेवाकार्य गर्न कठिन हुने भन्दै अगुवाहरूले पनि औपचारिक शिक्षा तथा प्रमाणपत्र लिन आवश्यक रहेको बताए। सेमिनारमा बोल्दै हेटौंडा ख्रिष्टियन चर्चका वरिष्ठ पाष्टर दिलबहादुर लामाले अगुवाहरू शिक्षित हुनुका साथै नैतिक जीवन जिउनुपर्नेमा जोड दिए। उनले नैतिक जीवन जिउनु र त्यसलाई…

हेटौंडा । हेटौंडा उपमहानगरपालिका–५ स्थित ज्ञानदीप बहुउद्देश्यीय सहकारी संस्था लिमिटेड र ज्ञानदीप शिक्षा निकेतन माध्यमिक विद्यालयले २५ औँ वार्षिक उत्सव (रजत महोत्सव) मनाएका छन्। विद्यार्थीका विज्ञान प्रदर्शनी, प्रभातफेरी, सम्मान तथा सांस्कृतिक कार्यक्रमलगायत विभिन्न कार्यक्रम गरी महोत्सव मनाइएको हो। कार्यक्रमको उद्घाटन प्रमुख अतिथि बागमती प्रदेशका मुख्यमन्त्री इन्द्रबहादुर बानियाँले गरेका थिए। मुख्यमन्त्री बानियाँले शिक्षा मर्यादित, नैतिकवान र समयको वेगसँगै चल्न सक्ने व्यवहारिक तथा आयमूलक हुनुपर्ने बताए। उनले अहिले नयाँ प्रविधि एआईले धेरै विषयलाई सहज बनाएको भए पनि यसको दुरुपयोग गर्नेहरू पनि रहेको उल्लेख गर्दै, त्यस्ता कुरालाई चिनेऱ सचेत रूपमा अघि बढ्ने शिक्षाको विकास आवश्यक रहेको बताए। मूल समारोह समितिका संयोजक तथा ज्ञानदीप…

हेटौंडा । प्रगतिशील लोकतान्त्रिक पार्टी (प्रलोपा) मकवानपुरबाट प्रतिनिधिसभा निर्वाचनका लागि समानुपातिकतर्फ राजेन्द्र सिम्खडाले उम्मेदवारी दर्ता गराएका छन् । प्रलोपाका मकवानपुर जिल्ला इन्चार्जसमेत रहेका सिम्खडा नयाँ शक्ति पार्टीका संस्थापक सदस्य हुन् । नयाँ शक्ति अभियानदेखि सक्रिय सिम्खडा नयाँ शक्तिको स्थापनाकालदेखि नै मकवानपुर सचिवको रूपमा कार्यरत थिए । जनार्दन शर्मा र डा. बाबुराम भट्टराईलगायतको एकतापछि पार्टीको नाम प्रलोपा रहन गएको हो । राजनीति क्षेत्रमा लामो समय बिताएका सिम्खडाले आफ्नो कर्मको फल प्रतिनिधिसभा निर्वाचनमा जनताले भोटमार्फत दिलाउने विश्वास व्यक्त गरेका छन् । “देशमा परिवर्तन ल्याउन हामी तयार छौँ । एकचोटि आँखा चुनाव चिह्नमा भोट हालेर हामीलाई जिताउनुस्,” भन्दै उनले सम्पूर्ण मकवानपुरवासीलाई आग्रह गरे…

हेटौंडा । क्युवानिज इन्टरनेशनल, क्युवानिज क्लब अफ हेटौंडा नेपाल तथा हेटौंडा मोडेल अस्पताल प्रा.लि.को संयुक्त प्रायोजनमा हेटौंडा उपमहानगरपालिका–१९ अन्तर्गतको विकट गाउँ लेकपानीस्थित जीवनज्योति आधारभूत विद्यालयका विद्यार्थीहरूलाई दिवा खानाका लागि खाद्यान्न सहयोग गरिएको छ। विद्यार्थीहरू भोककै कारण पठनपाठनबाट वञ्चित हुन नपरोस् भन्ने उद्देश्यले उक्त संस्थाहरूले विगत दुई वर्षदेखि निरन्तर रूपमा खाद्यान्न, विद्यालय पोशाक तथा विद्यालय ब्याग सहयोग गर्दै आएको क्युवानिज क्लबका प्रतिनिधि कमलचन्द्र सुमनले जानकारी दिए। उनका अनुसार अति विकट क्षेत्र र विपन्न परिवारका बालबालिका गरिबीका कारण भोकै विद्यालय आउन बाध्य छन्। धेरै विद्यार्थीका अभिभावकहरू जीविकोपार्जनका लागि वैदेशिक रोजगारीमा गएकाले घरमा वृद्ध हजुरबुबा–हजुरआमाको संरक्षणमा बालबालिका हुर्किरहेका छन्। यस्तो अवस्थाका कारण बालबालिकाको…

हेटौंडा । सिविन बाल हेल्पलाइन हेटौंडाले हेटौंडा–११ निवासी बालक इबित सार्कीका अभिभावकलाई जुत्ता सिलाइसम्बन्धी सामग्री सहयोग गरेको छ। सिविन हेटौंडाको सहयोगमा इबितका पिता सन्तबहादुर सार्कीलाई करिब ३० हजार रुपैयाँ बराबरको जुत्ता निर्माण सामग्री प्रदान गरिएको हो। हेटौंडा–११ स्थित शंकर ज्योति माध्यमिक विद्यालयमा कक्षा ३ मा अध्ययनरत १२ वर्षीय इबितका पिता सन्तबहादुर सार्की जुत्ता सिलाइसम्बन्धी पेशामा संलग्न छन्। उक्त सामग्री हेटौंडा–११ वडा कार्यालयमा आयोजित कार्यक्रममा वडाध्यक्ष जुना दाहालको हातबाट वितरण गरिएको सिविन बाल हेल्पलाइन हेटौंडाका प्रमुख झविन्द्र ज्ञवालीले जानकारी दिए। अतिविपन्न परिवारका बालबालिकाको अध्ययन निरन्तरता र अभिभावकको आयआर्जनमा सहयोग पुर्‍याउने उद्देश्यले सामग्री वितरण गरिएको सिविन बाल हेल्पलाइनकी सामाजिक परिचालिका पलिना अर्यालले…