Day: २०८२ चैत्र ११, बुधबार १६:१५ गते

हेटौंडा । मकवानपुर उद्योग वाणिज्य संघले बागमती प्रदेश स्तरीय कृषि प्रदर्शनी २०८२ आयोजना गर्ने भएको छ। संघअन्तर्गतको कृषि प्रवर्द्धन समितिको संयोजनमा चैत १३ गतेदेखि १६ गतेसम्म हेटौंडाको पल्पसा सदनमा प्रदर्शनी आयोजना गरिने जानकारी दिइएको छ। किसान तथा कृषि उद्यमीहरूको मनोबल बढाउने, युवालाई कृषिमा आकर्षित गर्ने तथा कृषि उत्पादनको प्रवर्द्धन र बजारीकरणमा टेवा पुर्‍याउने उद्देश्यले प्रदर्शनी आयोजना गर्न लागिएको हो। प्रदर्शनीको उद्घाटन बागमती प्रदेशका कृषि तथा पशुपन्छी विकास मन्त्री मधुसुधन पौडेलले गर्ने कार्यक्रम रहेको छ भने विभिन्न कलाकारहरूको प्रस्तुति समेत आकर्षणको रूपमा रहने जनाइएको छ। संघले विगतदेखि नै उद्योगी व्यवसायीहरूको हितमा विभिन्न कार्यक्रम सञ्चालन गर्दै आएको र कृषिक्षेत्रमा पनि उत्प्रेरणा तथा…