समाचार

मकवानपुर । राजावादी समूहको आन्दोलनका क्रममा पत्रकार सुरेश रजकको हत्या र सञ्चार माध्यममाथि भएको आक्रमणको विरोधमा नेपाल पत्रकार महासङ्घ मकवानपुरले हेटौंडाको सिमाचोकमा विरोध सभा आयोजना गरेको छ। हिजो तीनकुनेमा भएको आन्दोलनका क्रममा एभिन्युज टेलिभिजनका पत्रकार सुरेश रजकको ज्यान गएको थियो, र केही सञ्चारगृहमा तोडफोडसमेत गरिएको थियो। आज पत्रकार महासङ्घको स्थापना दिवस पनि हो, तर महासङ्घले केन्द्रीय निर्देशन अनुसार पूर्वनिर्धारित कार्यक्रम स्थगित गरेर विरोध प्रदर्शन गरेको हो। हेटौंडाको पल्पसासभागृहबाट सुरु भएको पत्रकारहरूको विरोध प्रदर्शन मकवानपुर उद्योग वाणिज्य संघ, पिपलबोट, बुद्धचोक हुँदै सिमाचोकमा पुगेर सभामा परिणत भएको थियो। विरोध सभामा पत्रकारमाथिको हिंसात्मक आक्रमणको घोर भत्र्सना, पेशागत सुरक्षाको ग्यारेन्टी, सुरेश रजकको हत्यारालाई कारबाही…