मकवानपुर । नेपाल विद्यूत प्राधिकरणका कार्यकारी निर्देशक कुलमान घिसिङलाई पदबाट हटाएको विषयमा विवाद बढेपछि प्रतिनिधि सभाको आजको बैठक स्थगित भएको छ । बिहान ११ बजेका लागि तय गरिएको बैठक विपक्षी दलहरूको अवरोधका कारण सञ्चालन हुन सकेन।
पहिलो पटक आधा घण्टाका लागि स्थगित गरिएको बैठक निर्धारित समयमै सुरु हुन नसकेपछि पुनः सूचना जारी गर्दै स्थगित गरिएको थियो। प्रतिनिधिसभा नियमावलीअनुसार बैठक निर्धारित समयभन्दा दुई घण्टा ढिलो भए स्वतः स्थगित हुन्छ। यही प्रावधानअनुसार संघीय संसद्का महासचिव पद्मप्रसाद पाण्डेयले बैठक दिउँसो ३ बजे बस्ने गरी सार्ने निर्णय गरेका थिए।
तर, दोस्रो बैठकमा पनि विपक्षी दलहरूको लगातारको अवरोधका कारण सभामुख देवराज घिमिरेले बैठक स्थगित गरेका छन्। सभामुख घिमिरेका अनुसार अब अर्को बैठक बुधबार बिहान ११ बजे बस्नेछ।
प्रतिकृया दिनुहोस्
