मकवानपुर विशेष

मकवानपुर । मकवानपुरको हेटौंडा उपमहानगरपालिका वडा नम्वर १२ मा मुख्य निर्वाचन अधिकृतको कार्यालय स्थापना गरिएको छ । मंसिर १६ गते हुने स्थानीय तह उपनिर्वाचनका लागि शुक्रबार हेटौंडा–१२ मा निर्वाचन अधिकृतका कार्यालय स्थापना गरिएको हो । उक्त कार्यालयको मुख्य निर्वाचन अधिकृत अवानी मैनाली भट्टराईले वडा कार्यालय भवनमा बोर्ड राख्दै कार्यालय स्थापना भएको घोषणा गरेका हुन् । यसअघि भएको स्थानीय तहको निर्वाचनमा हेटौंडा–१२ नम्वर वडाध्यक्षमा निर्वाचित भएका ललितबहादुर घलान जिल्ला समन्वय समिति (जिसस) का प्रमुख बनेसँगै सो पद रिक्त रहेको थियो । रिक्त रहेको उक्त पदपूर्तिका लागि निर्वाचन हुन लागेको हो । त्यसको लागि प्रतिभा आधारभूत विद्यालय सिग्रेनीमा ५ वटा मतदान केन्द्र…

मकवानपुर । हेटौंडा उपमहानगरपालिकाले चाडपर्वको बेलामा मानिसको भिडभाड तथा आपतकालीन अवस्थालाई लक्षित गरी घुम्ती शौचालय संचालनमा ल्याएको छ । पानी त्याङ्की तथा हात धुने बेसिन सहितको महिला, पुरुष दुवैलाई छुट्टाछुट्टै शौच गर्न ठाउँ बनाइएको शौचालयले १ किलो मिटर वरपर सार्वजनिक शौचालय नभएको ठाउँको लागि अत्यन्त उपयोगी हुने मानिसहरु बताउँछन् । हेटौँडाको फरेष्टी क्याम्पस र पूर्व रानी दरबार आगाडी खाली ठाउँमा राखिएको शौचालय यस्तै अरु ठाउँमा पनि भैदिए सबैलाई सुबिधा मिल्ने सेवाग्राहीहरुले बताए । उपमहानगरपालिकाले हेर्दा सामान्य तर उदाहरणिय काम गरेकोमा सेवाग्राहीहरुले खुशी व्यक्त गरेका छन् ।

मकवानपुर । हेटौंडामा छाडा कुकुरको सङ्ख्या बढेपछी आम मानिसहरू चिन्तित छन् । बाटोको जताततै कुकुरको झुण्ड हिँड्नाले सवारी चलाउन मुस्किल भएको सवारी चालकहरूको गुनासो एकातिर छ भने कुकुरकोको कारण सवारी दुर्घटना पनि बढीरहेको छ । केहि समय अगाडि पुर्वी मकवानपुर धरान-चतराको बाटोमा कुकुरको कारण सडक दुर्घटना भै एकजनाले ज्यान समेत गुमाए । यसैगरी कैयौं दुर्घटनामा घाइते भएका छन् । साँझ बिहान झट्ट कतै निस्कन र कतैबाट घर फर्कन कुकुरदेखि सावधानी अपनाउनु पर्ने बाध्यता नै भएको हेटौंडा उपमहानगरपालिका ११ नम्बर वडाध्यक्ष जुना दाहालको अनुभव छ । हेटौंडा ११ नम्बर वडानिवासी पासाङ लामा भन्छन् , 'म मर्निङवाकमा निस्कँदा हातमा मोटो बलियो लौरो…

मकवानपुर । मकवानपुरको कुलेखानी र सिस्नेरीका गरी ३५ घरधुरीलाई राहत वितरण गरिएको छ । सिस्नेरी ३ को ३० घर र कुलेखानी सुलिकोट २ को ५ घरधुरीलाई राहत वितरण गरिएको हो । गत साता बाढी र पहिरोबाट प्रभावित तथा घरबार बिहिन भएका पीडित परिवारलाई युवा समाजसेवीहरुले राहत बितरण गरेका हुन। यश ५ मकवानपुरका रमेश ठकुरी, दिनेश लामा वाइबा, बिरेन्द्र श्रेष्ठ, सन्तोष बजगाईँ, सुभाष बिष्ट, मन्टु कङ्साकार तथा साथी नागरिक बचाउ महाअभियानका भिम राउत, हातिम मिया, गणेश श्रेष्ठ लगायतका युवाहरुले घटनास्थल पुगेर राहत वितरण गर्न शुरु गरेका हुन् । मकवानपुरमा युवा समुहको तर्फबाट पहिलो पटक राहत पुगेको यस ५ का दिनेश लामा…

मकवानपुर । इन्द्रसरोवर गाउँपालिकास्थित कुलेखानी ड्याम केही केही घण्टामै भरिन लागेको भन्दै सतर्कता अपनाउन जिल्ला प्रशासन कार्यालय मकवानपुरले जनाएको छ । जिल्ला प्रशासन कार्यालय मकवानपुरले केही समयअघि मात्रै सूचना जारी गर्दै नेपालकै सबैभन्दा ठूलो मानव निर्मित ताल इन्द्रसरोवर (कुलेखानी) भरिन लागेको जनाएको हो । कार्यालयका अनुसार बाँधको सुरक्षालाई समेत मध्येनजर गर्दै ड्यामको ढोका खोल्नुपर्ने अवस्था सिर्जना हुनसक्ने देखिएको छ । कार्यालयले कुलेखानीदेखि तल सिस्नेरी हुँदै बागमती नदि किनारका बस्तीहरुमा एक्कासी बाढी आउन सक्ने अवस्था भएकोले उक्त टटिय क्षेत्रमा बसोबास गर्ने स्थानीय बासिन्दाहरुलाई सतर्कता अपनाउन आग्रह गरिएको छ । साथै प्रतिकार्यमा खटिने सुरक्षाकर्मीहरु एवम् स्वयमसेवकहरुलाई समेत हाइ अलर्टमा बस्न कार्यालयले आग्रह…

मकवानपुर । जिल्ला प्रशासन कार्यालय मकवानपुरमा सामी कार्यक्रम अन्तर्गत अडियो भिज्युअल सामग्रीको सुरुवात गरिएको छ । मंगलबार प्रमुख जिल्ला अधिकारी तिर्थराज चिलुवाल र हेटौँडा उपमहानगरपालिकाकी मेयर मीनाकुमारी लामाले सेवाको सुरुवात गरेका हुन् । उक्त सामग्रीबाट वैदेशिक रोजगारीमा जान तयारी गर्नेहरुले लाभ उठाउन सकिने बताइएको छ । विदेशमा रोजगारीका लागि जान चाहनेहरुले कार्यालयमा राखिएका सामग्रीहरुले विभिन्न जानकारी प्रदान गर्ने छ । वैदेशिक रोजगारीका लागि अपनाउनुपर्ने सुरक्षाका उपायहरु, ध्यान दिनुपर्ने कुराहरु तथा आफुमा हुनुपर्ने विभिन्न गुणहरुका बारेमा उक्त सामग्री उपयोगी हुने बताइएको छ ।