मकवानपुर विशेष

मकवानपुर । हेटौँडा उपमहानगरपालिका वडा नम्बर १० बालमैत्री वडा घोषणा भएको छ । बालमैत्री नगर घोषणाको अभियान अन्तर्गत हेटौंडा १० लाई शनिबार बालमैत्री स्थानीय शासनयुक्त वडा घोषणा गरिएको हो । आज भएको बालमैत्री वडा घोषणा समारोहमा हेटौंडा उपमहानगरपालिकाकी नगर प्रमुख मीनाकुमारी लामा तथा उपप्रमुख राजेश बानियाँले वडा नम्बर १० लाई बालमैत्री शासनयुक्त वडा घोषणा गरेका हुन् । यो सँगै वडा नम्बर १० नगरको पाँचौं बालमैत्री वडा भएको छ । बालमैत्री वडा घोषणासँगै शैक्षिक प्रदर्शनी मेला पनि राखिएको थियो । बालमैत्री वडा घोषणापूर्व र्यालीसँगै विभिन्न साँस्कृति प्रदर्शनीहरु समेत भएका थिए । वडालाई बालमैत्री घोषणा गर्नका लागि आवश्यक ५१ वटा सूचकहरुमध्ये ४९…

मकवानपुर । हेटौंडा उपमहानगरपालिका वडा नम्बर ११ थानाभर्याङस्थित विद्यूत प्राधिकरणको पर्खाल ढलेको छ । दिउँसो करिब २ देखि ३ बजे भित्र भारी बर्षाको बेलामा पर्खाल ढलेको स्थानीय बासिन्दाहरुले जानकारी दिएका छन् । सिमलटारपट्टिको करिब २०० मिटर जति पर्खाल लडेर आवतजावत बन्द भएको छ । पुरानो पर्खालको जग राम्रो नभएको र भित्रबाट प्राधिकरणले डिपिसी उठाउने काम गरिरहेकोले पर्खाल लडेको हुनसक्ने स्थानीयहरुको अनुमान छ । राजमार्ग छेउमा रहेको विधूतको बाटो सिमलटार ओहोरदोहोर गर्ने मुल बाटो मध्येको एक हो । करीब ३–४ बर्ष अघि पनि पर्खाल ढलेको थियोे । विद्यालयका बस, अन्य सवारी साधन र सयौँ मानिसको आवतजावत गर्ने बाटो यसरी वर्ष बिराएर…

मकवानपुर । बागमती प्रदेशको राजधानी हेटौंडामा शनिबारदेखि र्‍याफ्टिङ सेवा औपचारिक रूपमा सुरु भएसँगै यसको चौतर्फी चर्चा सुरु भएको छ। राप्ती नदीमा सुरु गरिएको यो सेवा हेटौंडाको राप्तीपुलदेखि रजैया–ज्यामिरेसम्म सञ्चालन हुनेछ । यसअघि त्रिशूली नदीमा मात्र उपलब्ध रहेको र्‍याफ्टिङको अनुभव अब हेटौंडावासीले आफ्नै सहरमा लिन पाउने भएका छन् । नेचर स्पोर्टस एन्ड एडभेन्चर्स प्रालिद्वारा सञ्चालित यो सेवाको परीक्षण यात्रामा मनहरी गाउँपालिकाका अध्यक्ष रञ्जन कालाखेतीसहित मकवानपुरका पत्रकारहरूले सहभागिता जनाएका थिए । अध्यक्ष कालाखेतीले राप्ती नदीमा र्‍याफ्टिङलाई व्यवसायीकरण गर्न सके आन्तरिक तथा बाह्य पर्यटक मनहरी भित्राउन मद्दत पुग्नुका साथै आर्थिक समृद्धिसमेत हुने विश्वास रहेको बताए। उनले मनहरीको विकासका लागि पर्यटनलाई पनि महत्त्वपूर्ण स्थान…

मकवानपुर । हेटौंडा उपमहानगरपालिका ११ नम्बर वडास्थित राप्ती रिभर साइड पार्कमा बनेको फुल रोप्ने सिमेन्टको गमलामा सिमलटारका महिलाहरुले फुल रोपेको देख्दा वृक्षारोपण कार्यक्रम हो कि जस्तो देखिन्थ्यो । तर त्यस्तो कार्यक्रम केही नभएर आफ्नो ठाउँ सुन्दर देखियोस् भन्ने उदेश्यले फुल रोपेको विपन्न सहकारी संस्थाकी पुर्व अध्यक्ष समेत रहेकी वृद्धा दुदुमाया थापाले बताइन् । स्थानीय युवाहरुको सक्रियता, हेटौंडा उपमहानगरपालिकाको आर्थिक लगानीमा निर्मित पार्क अति रमणीय बनाइएको छ । राप्ती खोलाको सुन्दर दृश्य अवलोकन र खोलाको चिसो हावाको मजा लिन बस्ने ठाउँ, सेल्फी तस्बिर खिच्ने ठाँउ, पार्क वरिपरि सिमेन्टका कुर्सी राखिएको छ । राति झिलिमिली बल्ने बत्तीले पार्कको अझ रौनकता बढाएको पार्कका…