समाचार

मकवानपुर । मकवानपुर उद्योग वाणिज्य संघको पुस २७ गते हुने निर्वाचनमा अध्यक्ष पदका प्रत्यासी प्रमोद सिंह रानाभाटले पूर्व अध्यक्षहरुको उपस्थितीमा प्रतिवद्धता पत्र सहित आफ्नो टिम सार्वजनिक गरेका छन् । रानाभाटको वाणिज्यतर्फको उपाध्यक्षमा राम प्रसाद न्यौपाने, एशोसियटतर्फ उज्वल चौलागाई, उद्योगतर्फ दिपक उप्रेती र वस्तुगततर्फ प्रदिप अर्यालको उम्मेद्वारी रहेको छ । महासचिवमा प्रतिमा श्रेष्ठ, कोषाध्यक्षमा श्रीकृष्ण कर्माचार्यको उम्मेद्वारी छ । एशोसियटतर्फ सदस्यमा टीम टेलिभिजनका अध्यक्ष नवराज खतिवडाको समेत उम्मेदवारी रहेको छ । कार्यक्रममा बोल्दै अध्यक्षका उम्मेद्वार रानाभाटले व्यवसायीहरुको अहित हुनेगरी मेला आयोजना नगर्ने प्रतिवद्धता ब्यक्त गरे । व्यवसायीको हित हुनेगरी एक्स्पो आयोजना गर्ने, स्थानीय तहसंगको सम्बन्ध सुधार गर्ने, सदस्यता शुल्क घटाउने, हेटौंडामा…

मकवानपुर । नेपाल प्रेस युनियन मकवानपुरले चार जना प्रेस युनियनकर्मीहरुलाई सम्मानित एवम् पुरस्कृत गरेको छ । शनिबार हेटौंडामा आयोजित नेपाल प्रेस युनियन मकवानपुरको वार्षिक साधारणसभा तथा वनभोज कार्यक्रममा संस्थापक अध्यक्ष राममणी दाहाललाई नगद १५ हजारसहित स्वर्गीय सितादेवी स्मृति प्रेस युनियन पत्रकारिता पुरस्कार–२०८१ प्रदान गरिएको छ । त्यस्तै, जनही १० हजार नगद राशीको प्रेस युनियन पत्रकारिता पुरस्कार–२०८१ बाट प्रेस युनियनका बागमती प्रदेश सदस्य गंगाप्रसाद पौडेल, गणेश दर्पण अधिकारी र मानवी बानियाँलाइ प्रदान गरिएको छ । पुरस्कार स्थापनाको लागि गैर आवासीय नेपाली संघ (एनआरएन) का अभियान्ता हाल वेलायत निवासी चिरञ्जीवी ढकाल र हाल अमेरिका निवासी मकवानपुरे पत्रकार सुदीप शिवाकोटीले सहयोग गरेको अध्यक्ष…

मकवानपुर । हेटौंडा उपमहानगरपालिका ७ मा मुख्य कार्यालय रहेको हेटौंडा बचत तथा ऋण सहकारी संस्था लिमिटेडको २५ औं वार्षिक साधारण सभा सम्पन्न भएको छ । हेटौंडा उपमहानगरनपालिका नगर कार्यपालिका प्रमुख मिना कुमारी लामाको प्रमुख आतिथ्यतामा शनिबार भएको साधारण सभामा संस्थाका अध्यक्ष इन्द्र बहादुर बस्नेतको सभाध्यक्षता रहेको थियो । अध्यक्ष बस्नेतले वार्षिक प्रतिवेदन, सचिव युवराज गौतमले संस्थागत प्रतिवेदन, कोषाध्यक्ष पार्वती ढकालले वार्षिक योजना तथा बजेट साधारण सभामा पेश गर्नुभएको थियो । कार्यक्रममा गत आर्थिक वर्षको लेखा परिक्षण प्रतिवेदन, लेखा सुपरिवेक्षण समितिको प्रतिवेदन, ऋण उपसमिति प्रतिवेदन पेश गरिएको थियो । ७ हजार १ सय ४५ जना सेयर सदस्य रहेको संस्थाको सेयर पुँजी…

हेटौंडा । हेटौंडा उपमहानगरपालिका ११ नम्बर वडास्थित सागरपथ टोल विकास संस्थाको अध्यक्षमा पूनः सूर्यबहादुर थिङ्ग चयन भएका छन् । थिङ्गको अध्यक्षतामा ११ सदस्यीय कार्यसमिति चयन गरिएको हो । कार्यसमितिको उपाध्यक्षमा नरेन्द्र लोप्चन चयन भएका छन् भने सचिवमा वुद्धिनाथ न्यौपाने चयन भएका छन् । यसैगरी सहसचिवमा अशोक थिङ्ग, कोषाध्यक्ष पदमा अमिर लामालाई चयन गरिएको छ । यस्तै सदस्य पदमा शुक्र बहादुर बिक, जुना डिम्डुङ्ग, पन्चमाया घलान, बिमला रानामगर, सागर सुनार र हरिलाल सुनार चयन भएका छन् । टोल विकास संस्थाको तेस्रो अधिवेशन तथा चौथो वार्षिक साधारण सभाले नयाँ कार्यसमिति चयन गरेको हो । सूर्यबहादुर थिङ्गको सभाध्यक्षतामा भएको अधिवेशन तथा साधारण सभामा…

हेटौंडा । हेटौंडा उपमहानगरपालिका ११ नम्बर वडा, सागरपथ टोल विकास संस्थाको तेस्रो अधिवेशन तथा चौथो वार्षिक साधारण सभा सम्पन्न भएको छ । सागरपथ टोविस अध्यक्ष सूर्यबहादुर थिङ्गको सभाध्यक्षतामा भएको अधिवेशन तथा वार्षिक साधारण सभामा हेटौंडा उपमहानगरपालिका नगर कार्यपालिका प्रमुख मिनाकुमारी लामाको प्रमुख आतिथ्यता रहेको थियोे । नयाँ कार्यसमिति समेत चयन गरिएको कार्यक्रममा हेटौंडा उपमहानगरपालिका ११ नम्बर वडाकी वडाध्यक्ष जुना दाहालको विशिष्ट आतिथ्यता रहेको थियो । कार्यक्रममा हेटौंडा उपमहानगरपालिकाकी महाशाखा प्रमुख गङ्गा चौलागाईं , टोविस नगर समन्वय समितिका उपमहासचिव देवकुमार श्रेष्ठ, वडा समन्वय समिति अध्यक्ष यज्ञबहादुर आचार्य लगायत टोविस अध्यक्ष तथा विशिष्ट व्यक्तिहरुको उपस्थिति रहेको थियो ।

मकवानपुर । हेटौँडामा शेयर ब्रोकरको नयाँ शाखा खुलेको छ । हेटौँडा ४ पारिजात पथ एस.के भवनमा नेपाल धितोपत्र बोर्डबाट अनुमति प्राप्त त्रिशक्ति सेक्युरिटिज पब्लिक लिमिटेड ब्रोकर नम्बर ४८ को शाखा खुलेको हो । आज बुधबार बागमती प्रदेश सरकारका आर्थिक मामिला तथा योजना मन्त्रालयका सचिव कृष्णप्रसाद मैनालीले शाखा कार्यालयको उद्घाटन गरेका हुन् । कार्यक्रममा त्रीशक्ति सेक्युरिटिज पब्लिक लिमिटेडका प्रबन्ध निर्देशक गोविन्द दाहाल, कार्यकारी संचालक मनोज खड्का, संस्थापक गमाप्रसाद श्रेष्ठ, उद्योग वाणिज्य संघ मकवानपुरका पदाधिकारी, समाजसेवी हृयग्रीव आचार्य लगायत लगानीकर्ताहरुको बाक्लो उपस्थिति रहेको थियो । आम नागरिकमा शेयर बजारप्रतिको आकर्षण बढेको र लगानीकर्ताको हितको लागि व्यवस्थपित रुपमा हेटौँडामा चौथो शाखा विस्तार गरिएको…

मकवानपुर । मकवानपुर उद्योग वाणिज्य संघको अध्यक्ष पदका उम्मेदवार प्रमोद सिंह रानाभाटले मंगलबार मकवानपुरका पत्रकारहरूसँग विशेष भेटघाट गरेका छन्। उक्त भेटघाटमा उनले व्यवसायीक क्षेत्रका चुनौती र अवसरका विषयमा सञ्चारकर्मीसँग छलफल गर्दै उनीहरूको सुझाव लिएका छन्। रानाभाटले भने, “व्यवसायीहरूको हक र हितका लागि सञ्चार क्षेत्रसँग बलियो सहकार्य आवश्यक छ। पत्रकारहरूले उठाएका मुद्दाहरूले व्यवसायीक वातावरण सुधार्न मार्गदर्शन गर्नेछ।” कार्यक्रममा पत्रकारहरूले व्यवसायीहरूको वर्तमान समस्या, बैंकहरूको चर्को ब्याजदर, कर प्रणालीका जटिलता, र व्यवसायीक विकासका सम्भावनाबारे आफ्ना धारणा प्रस्तुत गरेका थिए । सञ्चारकर्मीहरूले व्यवसायीक क्षेत्रमा सुधारका लागि रानाभाटलाई ठोस योजना अघि सार्न सुझाव दिए। उनीहरूले व्यवसायीहरू र सरकारले सहकार्य गरेर समस्याहरू समाधान गर्नुपर्नेमा जोड दिए।…

मकवानपुर । बागमती प्रदेश सरकारका प्रमुख सचिव डा. हरिप्रसाद लम्सालले शैक्षिक समस्या समाधान र गुणस्तरीय शिक्षाका लागि शिक्षकको भूमिका महत्वपूर्ण हुने बताउनुभएको छ । मकवानपुरको बकैया गाउँपालिकाले सोमबार हात्तीसुँढेमा आयोजना गरेको छलफल कार्यक्रममा उहाँले राम्रो काम गर्ने शिक्षक, विद्यालय र विद्यार्थीलाई प्रोत्साहित गर्नुपर्नेमा जोड दिनुभयो । प्रमुख सचिव लम्सालले समाजलाई बदल्न चाहने शिक्षकले पहिले परिवर्तनको सुरुवात आफैबाट गर्नुपर्ने बताउँदै गुणस्तरीय शिक्षाका लागि सीमित साधनका बिच शिक्षकले जवाफदेही भएर काम गर्नुपर्ने बताउनुभयो । गाउँपालिकाका अध्यक्ष धर्मराज लामिछानेले विद्यालयहरुले सीमित स्रोत र साधनका बिच गुणस्तरीय शिक्षा दिनु चुनौती बनेको बताउनुभयो । त्यस्तै प्रदेशको शिक्षा विकास निर्देशनालयका महानिर्देशक खुबिराम अधिकारीले शिक्षक र विद्यालयको…