सबै समाचार

मकवानपुर । निर्माण व्यवसायी संघ मकवानपुरले हेटौँडा उपमहानगरपालिका १० स्थित संस्कृत विद्यालयमा खाद्यान्न प्रदान गरेको छ । संघले १७ औँ राष्ट्रिय निर्माण दिवसका अवसरमा शनिबार आयोजित कार्यक्रममा विद्यालयलाई खाद्यान्न प्रदान गरेको हो । सो अवसरमा संघका अध्यक्ष बालगोपाल कंडेलले संघले निर्माण दिवसको अवसर पारेर सामाजिक उत्तरदायित्व अन्तर्गत संस्कृत विद्यालयलाई खाद्यान्न वितरण गरेको बताउनुभयो । खाद्यान्न वितरण कार्यक्रममा संघका वरिष्ठ उपाध्यक्ष सागर कटुवाल, प्रथम उपाध्यक्ष भवनाथ अधिकारी, द्धितीय उपाध्यक्ष भीमसेन श्रेष्ठ, महासचिव राजेन्द्र चौलागाईँ, उपमहासचिव सुरज बर्तौला, कोषाध्यक्ष अनल श्रेष्ठ, सहकोषाध्यक्ष प्रकाश लामालगायतको उपस्थिति रहेको थियो ।

मकवानपुर । नेपाली कांग्रेसले कैलाश गाउँपालिकाकाे ४ वटा वडाको पार्टीका क्रियाशिल सदस्य र जनप्रतिनिधिबीच संयुक्त प्रशिक्षण कार्यक्रम गरेको छ । कांग्रेस कैलाश ६ नम्बर वडाको आयोजना तथा कैलाश गाउँपालिका कार्यसमितिको समन्वयमा कैलाश ६ को पकनीमा शनिबार कैलाश १,२,५ र ६ नम्बर वडाको संयुक्त प्रशिक्षण कार्यक्रम भएको हो । कांग्रेस कैलाश ६ का वडा सभापति कृष्णबहादुर मोक्तानको सभाध्यक्षता तथा कांग्रेस बागमती प्रदेश सभापति ईन्द्रबहादुर बानियाँको प्रमुख आतिथ्यतामा भएको कार्यक्रममा कांग्रेसका जिल्ला सभापति बुद्ध लामा, बागमती प्रदेश सदस्य चम्फुरत्न लामा, जिल्ला प्रवक्ता अर्जुन चौलागाईंलगायतले प्रशिक्षण दिएका थिए । प्रशिक्षणमा कांग्रेसको स्थापना, इतिहास, कांग्रेस नेतृत्वको सरकार हुँदा जनतासामु गरेका मुख्य काम, कांग्रेसका मुख्य…

मकवानपुर । एक साता अघि बागमती प्रदेश लोकसेवा आयोगका नवनियुक्त सदस्य रामबहादुर खड्काले पद तथा गोपनीयताको शपथ ग्रहण गरेका छन् । गत मंसिर १३ गते आयोगको सदस्य नियुक्त खड्काले शुक्रबार प्रदेश प्रमुख कार्यालय हेटौँडामा आयोगका अध्यक्ष महेश्वर श्रेष्ठले प्रदेश प्रमुख दीपक प्रसाद देवकोटाको उपस्थितीमा सदस्य खड्कालाई शपथ गराएका हुन् । प्रदेशका मुख्यमन्त्री बहादुरसिंह लामाको समेत उपस्थितिमा सदस्य खड्काले शपथ ग्रहण गरेका हुन् । प्रदेश लोकसेवा आयोग ऐन, २०७६ को दफा ३ को उपदफा (१) बमोजिम गठित सिफारिस समितिको सिफारिसमा ऐनको दफा ४ को उपदफा (२) बमोजिम गत मंसिर १३ मा खड्का आयोगको सदस्यमा नियुक्त भएका थिए । दोलखा जिल्लाको गौरीशंकर…

मकवानपुर । किताबघर, हेटौंडाको आयोजनामा 'बालबालिकासँग किताबका कुरा' को पहिलो कार्यक्रम सम्पन्न भएको छ । हेटौंडा ४, भैरबरोडमा रहेको किताबघरमा शुक्रबार सम्पन्न कार्यक्रममा विभिन्न ५ विद्यालयका बालबालिकाले 'एउटै मात्र इभान' किताबमाथि चर्चा गरेका थिए । कार्यक्रममा हेटौंडा उपमहानगरपालिकाका दुईवटा सामुदायिक तथा तीन संस्थागत विद्यालयका विद्यार्थी सहभागी थिए । ज्ञानोदय बालवाटिका आवासीय मावि, हेटौंडा ५ कि अंशु लामा, सिद्धार्थ शिशु सदनका आदित्य पराजुली, बालजागृति इङ्लिस सेकेन्डरी स्कुलकी देविना सञ्जेल, सिद्धार्थ माध्यमिक विद्यालयकी स्वरुपा गुरागाइँ र बालज्योति माध्यमिक विद्यालयका शुभम् खनालले किताबका सकारात्मक तथा नकारात्मक पक्षबारे आफ्ना धारणा राखेका थिए । विशेषगरी पशु अधिकारबारे गम्भीर हुँदै जनावरलाई पनि मानवीय व्यवहार गर्न किताबले…

मकवानपुर । मकवानपुरको हेटौंडा उपमहानगरपालिका वडा नम्बर १५ रातोमाटे चेकपोईन्टस्थित पुर्व–पश्चिम लोकमार्ग सडकखण्डबाट बुधबार दिउँसो अवैध १७५ किलो लागूऔषध गाँजासहित दुई जना पक्राउ परेका छन् । पक्राउ पर्नेहरुमा बकैया गाउँपालिका–४ बस्ने वर्ष २४ को सुमन लामा र सोही गाउँपालिका–११ बस्ने वर्ष २४ को सुशिल भोलन रहेको जिल्ला प्रहरी कार्यालय मकवानपुरले जनाएको छ । प्रहरीका अनुसार, दिउँसो १२ बजेको समयमा प्रहरी चौकी रातोमाटे मकवानपुरबाट खटिएको प्रहरी टोलीले उक्त स्थानमा हेटौंडाबाट पथलैयातर्फ जाँदै गरेको बा. प्रदेश ०३–००१ च १५८४ नम्बर को पिकअप गाडीलाई रोकी चेकजाँच गरेको थियो । सो क्रममा गाडीको ढालामा खाली क्रेटहरुले छोपी लुकाई छिपाई राखिएको उक्त परिमाणको गाँजा बरामद…

मकवानपुर । मकवानपुर उद्योग वाणिज्य संघको ५८ औं साधारण सभा तथा निर्वाचनको पूर्वसन्ध्यामा संघका उपाध्यक्ष प्रमोद सिंह रानाभाटले संघको अध्यक्ष पदका लागि औपचारिक रुपमा आफ्नो उम्मेदवारी घोषणा गरेका छन् । बुधबार हेटौँडाको पल्पसा रोडस्थित एक कार्यक्रममार्फत रानाभाटले आफ्नो उम्मेदवारी घोषणा गर्नुका साथै नयाँ सचिवालयको उद्घाटन गरेका छन्। सचिवालयको उनका पिता डम्बर बहादुर रानाभाटले रिबन काटेर औपचारिक उद्घाटन गरे । सचिवालय उद्घाटन कार्यक्रममा उपस्थित व्यावसायी तथा संघका सदस्यहरूमाझ बोल्दै रानाभाटले व्यवसायीको हकहित र आर्थिक विकासका लागि आफ्नो सक्रिय भूमिका रहने प्रतिवद्धता जनाए। उनले व्यवसायीका समस्याहरूको सम्बोधन गर्दै संस्थालाई थप उचाइमा पुर्याउने लक्ष्यका साथ अध्यक्ष पदमा उम्मेदवारी दिएको बताए। रानाभाटले कार्यक्रममा भने,…

मकवानपुर । मकवानपुरको बकैया गाउँपालिका वडा नम्बर ५ तिनतले घुम्तीस्थित धरान चतरा सडक खण्डमा बस दुर्घटना हुँदा २२ जना घाइते भएका छन्। हेटौँडाबाट छतिवनतर्फ जाँदै गरेको बा ५ ख ६६५३ नं. को बस आफै अनियन्त्रित भई दुर्घटना भएको हो। घाइतेलाई प्रहरीले उद्दार गरी उपचारको लागी हेटौँडा सहकारी अस्पताल पठाइएको जिल्ला प्रहरी कार्यालय मकवानपुरले जानकारी दिएको छ। ३७ जना सवार रहेको उक्त बस सडकबाट अंदाजी ५० मिटर तल खोल्सामा खसेको प्रहरीले जनाएको छ। प्रहरीका अनुसार बस चालक हेटौँडा-१२, पदमपोखरीका ४५ वर्षीय टिकाराम लामा प्रहरीको नियन्त्रणमा रहेको छ। सबै घाइतेहरुको अवस्था सामान्य रहेको प्रहरीको भनाई छ।

मकवानपुर । नेपाल पत्रकार महासंघको सदस्यता वितरणमा महासंघले पक्षपात गरेको भन्दै मंगलबार नेपाल पत्रकार महासंघ बागमती प्रदेश समिति र नेपाल पत्रकार महासंघ मकवानपुर शाखा कार्यालयमा ताला लगाइएको छ । प्रेस चौतारी मकवानपुर शाखाका अध्यक्ष बालकृष्ण अधिकारीको नेतृत्वमा महासंघको कार्यालयमा तालाबन्दी गरिएको हो पक्षपाती ढंगले क्रियाशिल पत्रकारको सदस्य वितरणमा महासंघ मकवानपुर शाखा, बागमती प्रदेश समिति र केन्द्रीय समितिले पनि बेवास्ता गर्दै पत्रकारिता क्षेत्रमा कामै नगरेकाहरुलाई महासंघको सदस्यता वितरण गरेको भन्दै अनिस्चित कालिन तालाबन्दी गर्दै महासंघको ध्यानाकर्षण गराइएको प्रेस चौतारीले जनाएको छ ।